Хабарҳо
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Шӯрои Федератсияи Маҷлиси Федералии Россия Валентина Матвиенко мулоқот намуданд - 25.11.2020 10:42
Фармонҳои Президенти Ҷумҳурии Тоҷикистон - 24.11.2020 16:11
Таҷлили Рӯзи Парчами давлатӣ дар шаҳри Бӯстон - 24.11.2020 13:56
Баргузории ҷамъомади тантанавӣ бахшида ба Рӯзи Парчам дар ноҳияи Ҷаббор Расулов - 24.11.2020 14:53
Ашт. Бахшида ба Рӯзи Парчами давлатӣ ҷамъомади идона баргузор гардид - 24.11.2020 14:48
Сафари расмии Раиси Маҷлиси миллии Маҷлиси Олии Ҷумҳурии Тоҷикистон дар шаҳри Москва оғоз гардид - 24.11.2020 14:44
Ҷаласаи навбатии Шӯрои рушди маорифи назди мақомоти иҷроияи ҳокимияти давлатии вилоят доир гардид - 24.11.2020 09:38
Дар маркази шаҳри Исфара майдони Парчами давлатии Ҷумҳурии Тоҷикистон бунёд карда мешавад - 24.11.2020 09:36
Ифтитоҳи бинои иловагии муассисаи таҳсилоти миёнаи умумии рақами 26 дар ноҳияи Мастчоҳ - 23.11.2020 16:29
Раҷаббой Аҳмадзода: Парчами давлатӣ - баёнгари ҳастии давлат ва рамзи иттиҳоду ҳамдилӣ - 23.11.2020 15:35

Навиди Раиси вилоят

Мулоқоти Раиси вилоят бо намояндагони Бошқирдистон

( 2 Овоз )

Раиси вилояти Суғд Қоҳир Расулзода намояндагони Ҷумҳурии Бошқирдистони Федератсияи Руссия бо сарварии муовини Сарвазири Хукумати Ҷумҳурии Бошқирдистон Илшат Тоҷиддинов  ба ҳузур пазируфт. Дар мулоқот муовини Сарвазири Хукумати Ҷумҳурии Бошқирдистон Илшат Тоҷиддинов  ба Раиси вилояти Суғд оиди густариш додани ҳамкориҳои дуҷониба байни Ҷумҳурии Тоҷикистон ва Ҷумҳурии Бошқирдистони Федретацияи Руссия ва хамчунин аз имконотии иқтисодии кишвараш маълумот дода, тақвият ёфтани ҳамкориҳоро   яке аз падидаҳои нек арзёбӣ намуд.

Ҷаласаи кории назди Раиси вилояти Суғд

( 1 Овоз )

28 ноябри соли 2012

Дар толори маҷлисгоҳи хурди  муассисаи давлатии Кохи Абӯабдуллоҳи Рудакӣ бо иштироки  Раиси вилояти Суғд  Қоҳир Расулзода, муовинони  Раиси вилоят, раисони шаҳру ноҳияҳо маҷлиси корӣ баргузор гардид.

Дар он  масъалаҳои муҳими рӯзмарра  аз қабили  ҷараёни иҷроиши буҷети вилоятӣ,   захира намудани сӯзишворӣ ва ангишт, саривақт холӣ намудани майдонҳо аз ғӯзапоя ва омода намудани майдонҳои кишт,   муташаккилона гузаронидани маъракаи ниҳолшинонӣ дар миқёси вилоят дар фасли тирамоҳу зимистон ва дигар масъалаҳо мавриди баррасӣ қарор дода шуд.
Ҳамчунин дар ҷаласа ҷиҳати тавсиаи фаъолияти коргоҳҳои  истеҳсолӣ, афзун намудани ҷойҳои нави корӣ масъалагузорӣ  ба миён омад.
Раиси вилоят Қоҳир Расулзода ба масъулин ҷиҳати беҳтар намудани шароитҳои хизматии сарҳадчиён дар дидбонгоҳҳои сарҳадӣ  супоришҳои мушаххас дод.

Шӯрои ҳамоҳангсозии мақомоти ҳифзи ҳуқуқ

( 1 Овоз )

27-уми ноябри соли 2012

Видео :: Шӯрои ҳамоҳангсозии мақомоти ҳифзи ҳуқуқ

Дар толори Кохи ба номи Рӯдакии шаҳри Хуҷанд  Шӯрои ҳамоҳангсозии фаъолияти мақомоти ҳифзи ҳуқуқи вилоят доир гардида, масъалаи ҳодисаҳои худкушӣ ва суйиқасд ба онро дар давраи даҳ моҳи соли 2012 мавриди муҳокима қарор дод.
Дар ҷаласа аъзои Шӯрои ҳамоҳангсозии фаъолияти мақомоти ҳифзи ҳуқуқ, раисони шаҳру навоҳӣ, мудирони шӯъбаю бахшҳои кор бо занон ва оилаи вилоят, шаҳру навоҳӣ, прокуророн, сардорони Раёсат ва шӯъбаҳои корҳои дохилаи вилояту шаҳру ноҳияҳо, сардорони Раёсат ва шӯъбаҳои маориф, нигаҳдории тандурустӣ, сардухтурони беморхонаҳои вилоятиву шаҳриву ноҳиявӣ, мудирони шӯъбаи кор бо дини  мақомоти иҷроияи ҳокимияти давлатии вилоят, шаҳру навоҳӣ, раис ва аъзои Шӯрои уламои дини вилоят, имом-хатибони масоҷиди марказиву ҷомеъ, кормандони васоити ахбори омма ширкат доштанд.

Тантанаҳо ба ифтихори Рӯзи қабули Парчам

( 2 Овоз )

24 ноябри соли 2012
Дар тамоми қаламрави вилояти Суғд  бахшида ба 20-умин солгарди Рӯзи қабули  Парчами давлатии  Ҷумҳурии Тоҷикистон тантанҳо баргузор шуданд. Ба ин муносибат дар маркази вилоят –шаҳри Хуҷанд, ки қабои идона ба бар карда буд, ҷамъомади тантанавӣ ва сайругашти оммавӣ,  инчунин ярмарка-фурӯши маҳсулоти кишоварзӣ баргузор гардид.
Тантанаҳо ба ифтихори   Рӯзи қабули  Парчам дар шаҳри Хуҷанд бо пойгаи 30 нафар варзишгарони дучархарон  оғоз гардида, сипас  ҷавонони донишҷӯ бо парчами бузурги  250 метра озими идгоҳ шуданд.
Раиси шаҳри Хуҷанд Раҷаббой Каримов  чорабиниро, ки дар  он намояндагони ташкилоту корхонаҳо, фаъолону собиқадорон иштирок доштанд, ҳусни ифтитоҳ бахшида   ба муносибати Рӯзи қабули  Парчами давлатии  Ҷумҳурии Тоҷикистон ҳамагонро шодбош гуфт ва суханро ба муовини аввали Раиси вилоят  Ҷумъабой Сангинов дод.

Табрики Раиси вилоят бахшида ба 20-солагии Рӯзи қабули Парчами давлатии Ҷумҳурии Тоҷикистон

( 1 Овоз )

Ҳамдиёрони гиромӣ,
Бист сол муқаддам 24 ноябри соли 1992 дар Иҷлосияи тақдирсози шонздаҳумини Шӯрои Олии Ҷумҳурии Тоҷикистон Парчами давлатии  Ҷумҳурии Тоҷикистон қабул гардида, то имрӯз чун нишони ҳастӣ ва сарбаландии кишвар дар арсаи байналмилалӣ парафшонӣ дорад.
Таҷлили ин санаи таърихӣ ва  эълон шудани Рӯзи Парчами Тоҷикистон воқеаест фараҳбахш ва хотирмон ва он метавонад дар замири ҳар фарди ватандӯст ва сокини Тоҷикистони азиз эҳсоси дӯст доштан ва парастиш кардани ин марзу бумро дучанд намояд.

Боздиди кории Қоҳир Расулзода аз шаҳри Исфара

( 1 Овоз )

23 ноябри соли 2011

Видео :: Боздиди кории Қоҳир Расулзода аз  шаҳри Исфара
Имрӯз Раиси вилояти Суғд Қоҳир Расулзода аз  шаҳри саноатии Исфара боздид намуда,  зимнан  дар маросими ифтитоҳи  корхонаи коркард ва бастубанди меваи хушк ва маркази  хизматрасонӣ  дар мавзеи Гулистони ҷамоати деҳоти Кӯлканд  иштирок намуд.
Зикр кардан бамаврид аст, ки корхонаи коркард ва бастубанди меваи хушки  ҷамъияти дорои масъулияташ маҳдуди «Ҳаракати Исфара», бо ибтикори соҳибкор Инъомҷон Азимҷонов  бунёд гашта, бо ба кор даромадани коргоҳи нав ин ҷо 20 нафар сокинони маҳаллӣ соҳиби ҷои корӣ гаштанд.

ШУМО ДАР: БАХШҲО Навиди Раиси вилоят