Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров

( 1 Овоз )

Имрӯз Раиси вилояти Суғд Раҷаббой Аҳмадзода аз фаъолияти фермаи чорводории  хоҷаги ба номи Абдураҳим Ҷумаев ва рафти корҳои саҳрои нашъунамои пахта дар ноҳияи Бобоҷон Ғафуров боздид намуд.

Раиси вилоят Раҷаббой Аҳмадзода нахуст аз фаъолияти фермаи моли калони шохдори хоҷагии Абдураҳим Ҷумаев дар ҷамоати Исфисор шинос шуд.

Дар фермаи мазкур алҳол 370 сар молҳои сиёҳалои тоҷикӣ парвариш меёбанд. Аммо иқтидори ферма барои парвариши зиёда аз 1000 сар моли калони шохдор пешбинӣ шудааст.

Раиси вилоят Рачаббой Ахмадзода аз рафти нигоҳубин ва парвариши чорво шинос шуда ба фаъолияти чорводорон эроди ҷиддӣ гирифта шуд.

Дастур дода шуд, ки шурати пешинаи фермаи хоҷагиро барқарор намоянд. Барои кормандони ферма шароити мусоиди парвариши чорво муҳайе созанд. Ҳамчунин таъкид карда шуд, ки таҷрибаи фермаи чорводории хоҷагии Пӯлод Бобокалонов дар дехаи Ғозиён ва Афзали зарзамин дар ҳамин ҷамоатро омӯхта дар амал тадбиқ намоянд. Шумораи моли ширдеҳро зиёд намуда барои таъминоти аҳолии бо шири хушсифат корбарӣ намоянд.

Раиси вилоят дар хоҷагии деҳқонии Ҳамробоев саркори ҷамоати деҳоти Зарзамин бо нашъунамои пахта шинос шуд. Иттилоъ дода шуд, ки дар ноҳияи Бобоҷон Ғафуров соли ҷорӣ дар майдони 8400 га замин кишти пахта гузаронида шуд. Нашъу намои пахта бо риояи агротехникаи парвариши зироат ҷарен дошта хуб арзёбӣ гардид. Ҳоло деҳқонон бо коркарди байни қатор ва озуқадиҳӣ машғул ҳастанд. Дар ин рӯзҳо аз ҳисоби занҳои хонашин бригадаҳои зарбдор ташкил намуда, онҳо бо кори мавсими ва маоши хуб таъмин карда шудаанд.

Баён дошта шуд, ки пахта ашёи муҳими саноатӣ ва содироти маҳсуб меёбад. Аз ин лиҳоз ба парвариш ва ҳосилнокии он диққати аввалиндараҷа додан зарур аст.

Хадамоти матбуоти
Раиси вилояти Суғд

Share