Хабарҳо
Президенти Ҷумҳурии Тоҷикистон Эмомалӣ Раҳмон ба ятимони шаҳри Кӯлоб туҳфа ва кумакҳои моддӣ супориданд - 24.09.2020 07:48
Сарвари давлат Эмомалӣ Раҳмон бинои иловагӣ ва майдони варзиширо дар назди Муассисаи таҳсилоти миёнаи умумии рақами 41-и шаҳри Кӯлоб мавриди истифода қарор доданд - 24.09.2020 07:42
Пешвои миллат Эмомалӣ Раҳмон бинои нави Муассисаи таълимии ғайридавлатии «Коллеҷи тиббии шаҳри Кӯлоб»-ро ифтитоҳ намуданд - 24.09.2020 07:40
Боздиди Раиси вилоят аз Ҷамъияти дорои масъулияти маҳдуди «ММК Агро» - 23.09.2020 17:55
Шиносоии Раиси вилоят бо фаъолияти ҶДММ “Сайҳун” - 23.09.2020 17:04
Сафари кории Раиси вилоят Раҷаббой Аҳмадзода ба ноҳияи Бобоҷон Ғафуров - 23.09.2020 16:26
Даври вилоятии озмуни ҷумҳуриявии “Фурӯғи субҳи доноӣ китоб аст” оғоз ёфт - 23.09.2020 16:07
Таҷлили Рӯзи Рӯдакӣ дар маркази вилоят - 23.09.2020 16:05
Шиносоии Раиси вилоят бо фаъолияти корхонаи “Файзи Расул” - 22.09.2020 16:57
Ба озмун: Бахшида ба 30-солагии Истиқлолияти давлатии Тоҷикистон Қадами сиву як бар чӣ самт аст? Сулаймонбеков Аноятбек генерал-майори амният Абдураззоқ Саид журналист, фаъоли ҲХДТ - 22.09.2020 16:45

Оғози сафари кории Сарвари давлат Эмомалӣ Раҳмон ба ноҳияи Мастчоҳ ва ифтитоҳи Корхонаи чӯҷабарории «Суғдиён-Свердловск»

( 0 Овоз )

14 сентябр дар идомаи сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Мастчоҳ ташриф оварданд.

Сокинони сарбаланду меҳнатқарини ноҳия Пешвои муаззами миллатро самимона истиқбол гирифтанд.

Ҳадаф аз ташрифи Сарвари давлат ба ноҳияи Мастчоҳ шиносоӣ бо шароити зиндагии сокинон, ифтитоҳи як қатор иншооти ҳаётан муҳим ва боздид аз хоҷагиҳои кишоварзии ноҳия мебошад.

Пешвои миллат нахуст дар шаҳраки Суғдиён корхонаи чӯҷабарории Ҷамъияти дорои масъулияти маҳдуди «Суғдиён-Свердловск»-ро ба истифода доданд.

Бо ифтитоҳ ва мавриди баҳрабардорӣ қарор гирифтани корхонаи мазкур 100 нафар сокини маҳаллӣ бо ҷойи кори доимӣ ва маоши хуб таъмин шуданд.

Иқтидори корхонаи мазкур дар самти барориши чӯҷа ба 2 миллиону 970 ҳазор сар баробар аст ва имкон дорад, ки талаботи дигар корхонаҳои парандапарвариро ба чӯҷаи якрӯза таъмин намояд. Ин ҳам дар ҳолест, ки солҳои қаблӣ барои таъмин кардани талаботи корхонаҳои парандапарварӣ дар мамлакат аз хориҷи кишвар ба миқдори беш аз 3 миллион сар чӯҷаи якрӯза ворид карда мешуд.

Зимни шиносоӣ аз фаъолияти ин корхонаи навбунёд Сарвари давлат иқдоми соҳибкорони ватандӯстро шоистаи таҳсин арзёбӣ намуда, барои боз ҳам афзун намудани саршумори паранда ва тақвияти иқтидори истеҳсолӣ дастуру маслиҳатҳои судманд доданд.

Самти асосии фаъолияти корхонаи чӯҷабарории Ҷамъияти дорои масъулияти маҳдуди «Суғдиён-Свердловск» истеҳсоли тухми инкубатсионӣ ва ба фурӯш баровардани чӯҷаи якрӯза мебошад. Зоти ин мурғҳо «Декалб Уайт» буда, аз Федератсияи Россия оварда шудааст, ки ин зот ба ширкати Ҳолландии «Хендрекс Дженетикс» тааллуқ дорад.

Иттилоъ дода шуд, ки миқдори мурғи зоти падар-модар аз 15 ҳазор сар шурӯъ шуда, то охири сол ба 45 ҳазор сар расонида мешавад.

Иқтидори нигоҳдорӣ ва нигоҳубини мурғи тухмгузори тухми истеъмолӣ бошад, ба 141 ҳазор сар расонида шудааст.

Дар ин корхонаи парандапарварии навтаъсис муосиртарин дастгоҳу таҷҳизоти соҳавӣ, ки истеҳсоли кишварҳои пешрафтаи ҷаҳон мебошад, дастрас ва васлу насб гардидааст.

Корхонаи чӯҷабарории Ҷамъияти дорои масъулияти маҳдуди «Суғдиён-Свердловск»-и ноҳияи Мастчоҳи вилояти Суғд бо маблағи 15 миллион сомонӣ бунёд гардидааст.

Дар баробари навсозӣ ва насби технологияи муосири соҳа ҳамзамон дар корхонаи чӯҷабарории Ҷамъияти дорои масъулияти маҳдуди «Суғдиён-Свердловск» озмоишгоҳи замонавӣ низ ташкил карда шудааст, ки дар он мутахассисони варзида ба кор ҷалб гардидаанд.

Ҳамзамон дар доираи корҳои бунёдӣ хати оби нӯшоки оварда шуда, барои кормандони корхона шароити хуби истироҳату фароғат ва ошхонаи замонавӣ муҳайё гардидааст.

Корхонаи муштарак дар доираи ҳамкориҳои судманди Ҳукумати Ҷумҳурии Тоҷикистон ва Федератсияи Россия аз ҷониби соҳибкорони ҳарду давлат бунёд карда шудааст.

Бо заҳмату талошҳои пайгиронаи Президенти Ҷумҳурии Тоҷикистон муҳтарам Эмомалӣ Раҳмон дар самти бунёд ва ба истифода додани корхонаҳои гуногуни истеҳсолӣ, аз ҷумла таъсиси фабрикаҳои парандапарварӣ натиҷаҳои босамар дод. Дар натиҷа истеҳсоли маҳсулоти ивазкунандаи воридот ба роҳ монда шуда, талаботи аҳолии ҷумҳурӣ бо маҳсулоти аълосифати ватанӣ таъмин гардид.

Баъди ба фаъолият оғоз кардани Корхонаи чӯҷабарории Ҷамъияти дорои масъулияти маҳдуди «Суғдиён-Свердловск» дар ноҳияи Мастчоҳ барои расидан ба ҳадафи чоруми миллӣ — саноатикунонии босуръати мамлакат ва истиқболи сазовор аз 30 — солагии Истиқлоли давлатии Ҷумҳурии Тоҷикистон қадамҳои устувор гузошта шуд.

Дар корхонаҳои истеҳсолие, ки дар ҷумҳурӣ бунёд гардидаанд, имкон фароҳам оварда шуд, ки рушди соҳаи саноат таъмин гардида, ба ин васила ҷойҳои кори нав таъсис дода шуда, сатҳу сифати зиндагии аҳолӣ марҳила ба марҳила баланд бардошта шуд.

Ҳудуди корхонаи парандапарварӣ ободу зебо карда шуда, гулу буттаҳои ороишии мавсимӣ ва дарахтони ҳамешасабз ва мевадиҳанда шинонида шудааст.

Ифтитоҳи боз як корхонаи нави парандапарварӣ дар рушди соҳа ва таъмини бозори истеъмолӣ бо тухм ва гӯшти парҳезӣ мусоидат мекунад.

Шарҳ додан


Защитный код
Нав кардан

ШУМО ДАР: Навиди Суғд Оғози сафари кории Сарвари давлат Эмомалӣ Раҳмон ба ноҳияи Мастчоҳ ва ифтитоҳи Корхонаи чӯҷабарории «Суғдиён-Свердловск»