Хабарҳо
Озмуни фосилавии расми беҳтарин дар мавзӯи“Ваҳдат -кафили сулҳ” доир мешавад - 02.06.2020 17:03
Рустам Азизи дар бораи дуругхои Мухиддин Кабири. - 02.06.2020 15:54
Худ ва атрофиёнро аз сироятёбӣ ба бемориҳои сироятӣ ҳифз намоед - 02.06.2020 11:54
СИТОДИ ҶУМҲУРИЯВӢ: ИМТИҲОНҲО ДОИР НАМЕШАВАНД! Баҳои аттестатсияи хатм барои хатмкунандагони муассисаҳои таҳсилоти умумии ҷумҳурӣ дар синфҳои 9 ва 11 дар асоси ҷамъбасти баҳои чорякҳо ва солона гузошта мешавад - 02.06.2020 10:15
Хуҷанд: Мулоқоти судманд дар маҳаллаҳои Тути Калон ва Чорчароғ - 02.06.2020 10:12
Боздид аз парвариши помидор ва лимӯ дар қитъаи назди ҳавлигии сокинони деҳаи Заркори ноҳияи Ҷаббор Расулов - 31.05.2020 16:34
Боздиди Раиси вилоят аз нашъунамои ниҳоли пахта дар ноҳияи Ҷаббор Расулов - 31.05.2020 16:36
Раиси вилояти Суғд Раҷаббой Аҳмадзода ҷавонони маъюбро аёдат намуд - 01.06.2020 04:53
Мулоқоти Раиси вилоят Раҷаббой Аҳмадзода бо табибони Маркази саломатии Ҷамоати шаҳраки Меҳробод - 01.06.2020 04:57
Раҷаббой Аҳмадзода тарбиятгирандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд - 01.06.2020 18:41

Боздиди Раиси вилоят аз марказҳои саломатии шаҳри Хуҷанд

( 0 Овоз )

Раиси вилояти Суғд Раҷаббой Аҳмадзода ва раиси шаҳри Хуҷанд Маъруф Муҳаммадзода аз марказҳои саломатии рақамҳои 2, 4 ва 5 боздид ба амал оварданд.

Раиси вилоят зимни мулоқот бо табибону кормандон доир ба иқдомҳои давлату Ҳукумат ҷиҳати муборизаи оштинопазир бо бемории коронавирус ва илтиҳоби шуш иттилоъ дода, аз ҷумла афзуд, ки бо дастури Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон аз рӯзҳои аввали пайдоиши ин вабои аср дар кишвар тадбирҳои саривақтӣ роҳандозӣ гардида, бо роҳбарии Сарвазири мамлакат Ситоди ҷумҳуриявӣ таъсис дода шудааст. Инчунин, ёдовар шуд, ки ҷиҳати расонидани кӯмак ба Вазорати тандурустӣ ва ҳифзи иҷтимоии аҳолӣ дар ҳаҷми 29 миллион сомонӣ маблағҳои зарурии иловагӣ ҷудо гардида, кори Ситод зери назорати шахсии Сардори давлат қарор гирифт. Ҳамчунин дар шаҳру навоҳии вилоят низ чунин ситодҳо ташкил гардида, маблағҳои зарурӣ дар ин самт ҷудо шудаанд.

Раҷаббой Аҳмадзода иброз дошт, ки чанд рӯз қабл корвони кӯмакҳои моддии Пешвои муаззами миллат муҳтарам Эмомалӣ Раҳмон иборат аз 140 мошини пурбор ба 18 шаҳру навоҳии вилоят тақсим карда шуданд. Иттилоъ дода шуд, ки самараи муборизаи дастҷамъона буд, ки имрӯз сафи беморони короновирус хеле коҳиш ёфтааст.

Раиси вилоят гуфт, ки бо андешидани тадбирҳои фаврӣ дар тамоми марказҳои саломатии шаҳр шароитҳои лозима муҳайё шудааст.

Раҷаббой Аҳмадзода ба масъулини дахлдор дастур дод, ки дар зудтарин фурсат рӯйхати беморони камбизоатро манзур намоянд, то ба онҳо дорувории ройгон дастрас карда шавад. Ҳамчунин  иттилоъ дода шуд, рӯзҳои наздик озмоишгоҳи вирусологӣ барои муайян намудани беморони коронавируси COVID-19 фаъол мегардад.

Сипас ба марказҳои саломатии номбурда кӯмакҳои Раиси вилоят аз қабили доруворӣ, корҷома, ниқоб, дастпӯшак, асбобҳои муҳофизатӣ, моддаҳои безараргардонии антисептикӣ ва дигар лавозимоти тиббӣ тақдим карда шуданд.

Ҷомеаи меҳнатии марказҳои саломатӣ миннатдории хешро баён намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Боздиди Раиси вилоят аз марказҳои саломатии шаҳри Хуҷанд