Хабарҳо
Шиносоӣ бо фаъолияти коргоҳи навтаъсиси “Косибон” - 02.07.2020 16:27
Боздид аз корхонаи истеҳсоли шифери ҶДММ «Муқим - 2016» - 02.07.2020 15:16
Гузаргоҳи зеризаминии мавзеъи бозори "Панҷшанбе" мавриди истифода қарор гирифт - 02.07.2020 13:15
Сарвари давлат Эмомалӣ Раҳмон аз майдони парвариши қаламфури булғорӣ дар Хоҷагии деҳқонии «Нарзулло»-и ноҳияи Ҷаббор Расулов дидан намуданд - 02.07.2020 11:13
Пешвои миллат Эмомалӣ Раҳмон бо фаъолияти корхонаи мавсимии банду басти пиёз дар шаҳраки Меҳрободи ноҳияи Ҷаббор Расулов шинос гардиданд - 02.07.2020 11:09
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Сарвари давлат Эмомалӣ Раҳмон аз хоҷагии деҳқонии «Холмамат»-и ноҳияи Ҷаббор Расулов боздид карданд - 02.07.2020 11:04
Пешвои миллат Эмомалӣ Раҳмон дар ноҳияи Ҷаббор Расулов пойгоҳи обкашии «Деҳмой-1»-ро мавриди баҳрабардорӣ қарор доданд - 02.07.2020 11:03
Президенти мамлакат Эмомалӣ Раҳмон дар ноҳияи Бобоҷон Ғафуров бо нашъунамои ниҳолҳои пахта дар Кооперативи тиҷоратии ба номи «Ҷаббор Расулов» шинос шуданд - 02.07.2020 11:01
Фермаи моли калони шохдори ҶСШК ба номи Абдураҳим Ҷумъаев пас аз таҷдиду навсозӣ мавриди истифода қарор гирифт - 30.06.2020 17:14

Дар ноҳияи Бобоҷон Ғафуров наздик 1000 гектар помидор кишт карда шудааст

( 0 Овоз )

30 июни соли 2020 Раиси вилояти Суғд Раҷаббой Аҳмадзода,  вазири кишоварзии Ҷумҳурии Тоҷикистон Салимзода Амонулло Файзулло ва раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода дар хоҷагии деҳқонии “Қалъача”-и  Ҷамоати деҳоти Овчиқалъачаи ноҳияи Бобоҷон Ғафуров бо рафти парваришу ҷамъоварии помидор шинос гардиданд.

Хоҷагии деҳқонии “Қалъача” яке аз хоҷагиҳои пешқадам дар самти истеҳсоли помидор маҳсуб ёфта, ҳамасола даҳҳо тона помидорро пешниҳоди харидорон менамояд. Аъзои хоҷагӣ имсол масоҳати кишти помидорро ба 1 гектар расонида, ният доранд, ки зиёда аз 50 тонна помидори хушсифат истеҳсол намоянд. Айни замон чиниши помидор ҷараён дошта, помидорҳои истеҳсолшаванда аз 500 грам то 1,5 кг вазн доранд. Маҳсулоти дар инҷо истеҳсолшаванда дорои шакл ва таъми хос аст, зеро заминҳои ин минтақа аз оби мусаффои куҳҳои барфпӯш обёрӣ карда мешавад.

Иттилоъ дода шуд, ки аъзои хоҷагӣ бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон коркарди маҳсулотро низ ба роҳ мондаанд. Истеҳсоли афшура ва консерва аз помидорҳои хоҷагӣ имкон медиҳад, ки маҳсулоти тайёр ва аз ҷиҳати экологӣ тоза ба мизоҷон пешниҳод гардад.

Ҳангоми боздид ба фаъолияти кишоварзони хоҷагӣ ва тарзи истифодаи замин баҳои баланд дода шуд.  Кишоварзон ҳар як ваҷаб заминро самаранок истифода бурда, барои баланд бардоштани ҳосилнокӣ аз тамоми имкониятҳо истифода менамоянд.

Тибқи иттилои масъулин кишоварзони Ҷамоати деҳоти Овчиқалъачаи ноҳияи Бобоҷон Ғафуров соли равон дар масоҳати 200 гектар навъҳои серҳосили помидорро кишт карда, дар таъмини бозори истеъмолӣ нақши назаррас гузошта истодаанд.

Таъкид гардид, ки кишоварзони ноҳияи Бобоҷон Ғафуров дар самти парваришу истеҳсоли помидор таҷрибаи бой дошта, ҳамасола садҳо тонна помидор истеҳсол менамоянд. Деҳқонони ноҳия соли равон дар майдони 25 ҳазору 872,1 гектар зироатҳои гуногун кишт намудаанд, ки ин нисбат ба ҳамин давраи соли сипаришуда 210 гектар зиёд мебошад. Аз ҷумла, дар ҳамаи шаклҳои хоҷагидории ноҳия наздик 1000 гектар помидор кишту парвариш карда мешавад.

Хадамоти матбуоти

Раиси вилояти Суғд




Шарҳ додан


Защитный код
Нав кардан

ШУМО ДАР: Навид Дар ноҳияи Бобоҷон Ғафуров наздик 1000 гектар помидор кишт карда шудааст