Хабарҳо
Шиносоӣ бо фаъолияти коргоҳи навтаъсиси “Косибон” - 02.07.2020 16:27
Боздид аз корхонаи истеҳсоли шифери ҶДММ «Муқим - 2016» - 02.07.2020 15:16
Гузаргоҳи зеризаминии мавзеъи бозори "Панҷшанбе" мавриди истифода қарор гирифт - 02.07.2020 13:15
Сарвари давлат Эмомалӣ Раҳмон аз майдони парвариши қаламфури булғорӣ дар Хоҷагии деҳқонии «Нарзулло»-и ноҳияи Ҷаббор Расулов дидан намуданд - 02.07.2020 11:13
Пешвои миллат Эмомалӣ Раҳмон бо фаъолияти корхонаи мавсимии банду басти пиёз дар шаҳраки Меҳрободи ноҳияи Ҷаббор Расулов шинос гардиданд - 02.07.2020 11:09
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Сарвари давлат Эмомалӣ Раҳмон аз хоҷагии деҳқонии «Холмамат»-и ноҳияи Ҷаббор Расулов боздид карданд - 02.07.2020 11:04
Пешвои миллат Эмомалӣ Раҳмон дар ноҳияи Ҷаббор Расулов пойгоҳи обкашии «Деҳмой-1»-ро мавриди баҳрабардорӣ қарор доданд - 02.07.2020 11:03
Президенти мамлакат Эмомалӣ Раҳмон дар ноҳияи Бобоҷон Ғафуров бо нашъунамои ниҳолҳои пахта дар Кооперативи тиҷоратии ба номи «Ҷаббор Расулов» шинос шуданд - 02.07.2020 11:01
Фермаи моли калони шохдори ҶСШК ба номи Абдураҳим Ҷумъаев пас аз таҷдиду навсозӣ мавриди истифода қарор гирифт - 30.06.2020 17:14

Президенти мамлакат Эмомалӣ Раҳмон дар дар деҳоти Хистеварзи ноҳияи Бобоҷон Ғафуров бинои нави Беморхонаи сироятиро мавриди баҳрабардорӣ қарор доданд

( 0 Овоз )

Имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Хистеварзи ноҳияи Бобоҷон Ғафуров боз як иншооти тиббии дигар — бинои дуошёнаи Беморхонаи сироятии ноҳиявиро мавриди баҳрабардорӣ қарор доданд.

Сохтмони бинои мазкур соли 2018 оғоз гардида, корҳои сохтмониро Ҷамъияти дорои масъулияти маҳдуди «Файз» анҷом додааст.

Бояд зикр намуд, ки деҳоти Хистеварз дар қаламрави ноҳияи Бобоҷон Ғафуров аз калонтарин минтақаҳои аҳолинишин ба шумор меравад ва зарурати бунёди чунин беморхона солҳо боз ба миён омада буд. Бо дастури бевоситаи Роҳбари давлат муҳтарам Эмомалӣ Раҳмон ин беморхона ба истифода дода шуд.

Дар Беморхонаи сироятӣ 56 воҳиди корӣ ташкил карда шудааст ва ба бештар аз 63 ҳазор аҳолии ҷамоат 2 табиби сироятшинос, 11 ҳамшираи шафқат ва 5 корманди хурди техникӣ хизмат мерасонанд. Беморхона дорои 40 кати хоб, 10 ҳуҷраи табобатӣ ва 12 ҳуҷраи ёрирасон мебошад. Утоқҳои табобатӣ бо дастгоҳу таҷҳизоти муосири ташхис ва муолиҷаи бемориҳои сироятӣ ба пуррагӣ таъмин карда шудааст. Аз ҷумла бо маблағгузории Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ҳукумати вилоят ва ноҳия беморхона бо 2 адад дастгоҳи нафасдиҳии сунъӣ, 2 адад оксигенератор, 4 адад кардиомонитор, 2 адад инфузомат, 1 адад дефибриллятор, 1 адад рентгени сайёр, нуқтаҳои оксигени табиӣ ва дигар таҷҳизоти барои ташхис ва табобати бемориҳои хавфноки сироятӣ зарурӣ таъмин карда шуд.

Саҳни беморхона сафолакпӯш карда шуда, даромадгоҳ ва ҳавлии онро гулҳои рангоранг ва буттаву дарахтони ороишӣ зебо кардаанд. Акнун шароити кору фаъолияти табибони сироятшиноси ин ҷамоати сераҳолӣ ҷиҳати таъмини солимии шаҳрвандон комилан беҳтар гардид.

Ҳангоми боздиди Пешвои миллат аз беморхона, табибон ба Роҳбари давлат муҳтарам Эмомалӣ Раҳмон барои ғамхориашон нисбат ба кормандони соҳаи тиб, махсусан дар шароити пандемияи ҷаҳонӣ изҳори сипосу миннатдорӣ намуданд.

Мавриди зикр аст, ки чун дигар минтақаҳои ҷумҳурӣ, вируси нави COVID-19 дар деҳоти Хистеварзи ноҳияи Бобоҷон Ғафуров низ асари худро гузошт. Ҳарчанд зиёд набуд, вале қисме аз сокинони ин ҷамоат низ ба ин маризии хавфнок сироят шуданд.

Тадбирҳои саривақтии аз ҷониби Ҳукумати мамлакат андешидашуда, аз ҷумла ба роҳ мондани назорати ҷиддӣ дар сарҳади давлатӣ, маҳдуд кардани рафтуомади шаҳрвандон ба кишварҳои хориҷӣ, дастгирии амиқ ва ҳамаҷонибаи кормандони соҳаи тиб аз тарафи давлат ва ҷомеа, таъмини муассисаҳои тандурустӣ бо доруворӣ ва дигар маводи тиббӣ ва дигар тадбирҳои оҷилӣ боис гардид, ки хуруҷи аз ҳад беши ин маризӣ дар кишвари мо ба зудӣ гирифта шавад. Табибони ноҳияи Бобоҷон Ғафуров ин нуктаро дар суҳбат бо Пешвои миллат баён намуданд ва барои ин ба роҳбарияти давлату Ҳукумати кишвар арзи сипос карданд.

Дар навбати худ Пешвои миллат муҳтарам Эмомалӣ Раҳмон аз табибон даъват ба амал оварданд, ки ҳангоми табобат, бо беморон пеш аз ҳама хушмуомила бошанд, зеро бемор бештар аз дигарон ба муомила ва сухани хуб муҳтоҷ аст, яъне табиб ҳам бо дорую дармон ва ҳам бо рафтору гуфтор шахси беморро муолиҷа мекунад.

Тибқи иттилои масъулони соҳаи тандурустии ноҳияи Бобоҷон Ғафуров, дар ҳамаи 12 ҷамоати деҳоти ноҳия беморхонаву марказҳои саломатӣ ва бунгоҳҳои тиббӣ мавҷуд аст ва дар муассисаҳои тандурустӣ норасоии кадрӣ эҳсос намегардад.

Мавриди баҳрабардорӣ қарор гирифтани беморхонаи махсусгардонидашудаи сироятӣ дар оянда кори табибонро ҷиҳати пешгирӣ, муоина ва муолиҷаи маризиҳои хавфноки сироятӣ боз ҳам босамар хоҳад кард.

Шарҳ додан


Защитный код
Нав кардан

ШУМО ДАР: Навид Президенти мамлакат Эмомалӣ Раҳмон дар дар деҳоти Хистеварзи ноҳияи Бобоҷон Ғафуров бинои нави Беморхонаи сироятиро мавриди баҳрабардорӣ қарор доданд