СУҒД: Ба маблағи 756,7 млн. доллар маҳсулот содирот шуд

Азназаргузаронӣ: 1880

Ҳаҷми гардиши савдои хориҷии вилояти Суғд дар моҳҳои январ-декабри соли 2023 ба 2,7 млрд. доллари амрикоӣ расонида шудааст, ки аз он ҳаҷми воридот 2 млрд 37,6 млн. доллар ва содирот 756,7 млн. доллар ташкил медиҳад.

Дар соли 2023 ба маблағи 371,2 млн. доллар маъдану консентрат, ба маблағи 81,4 млн. доллар нахи пахта ва ба маблағи 15,6 млн. доллар семент содирот карда шудааст, ки мутаносибан 49,0 фоиз, 10,8 ва 2,1 фоизи ҳаҷми умумии содиротро ташкил намудааст.

Дар соли 2023 ба маблағи 10,1 млн. доллари амрикоӣ 4082 тонна калоба ва ба маблағи 24,3 млн. доллар 1540 тонна либосворӣ ба бозори хориҷӣ бароварда шуда, афзоиш нисбат ба соли қаблӣ мутаносибан 8,2 млн. доллар ё 4,2 баробар ва 2,1 млн. доллар ё 109,5 фоизро ташкил намудааст.

Дар ин давра 157,4 ҳазор тонна ё 24,3 ҳазор тонна зиёд маҳсулоти кишоварзӣ ба маблағи 40,7 млн. доллар содирот шудааст.

СУҒД: Ҳаҷми истеҳсоли маҳсулоти саноатӣ ба 26 млрд. 51,9 млн. сомонӣ расонида шуд

Азназаргузаронӣ: 1829

Соли 2023 ҳаҷми истеҳсоли маҳсулоти саноатӣ дар вилояти Суғд ба 26 млрд. 51,9 млн. сомонӣ расонида шуд, ки нисбат ба соли 2022 бо нархҳои муқоисавӣ 2,9 млрд. сомонӣ зиёд буда, суръати афзоиш бо назардошти индекси нархҳо 110,7 фоизро ташкил дод.

Дар давраи ҳисоботӣ таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона карда шуд.

Соли 2023 1,3 млн. тонна семент ва 1,4 млн. тонна ангишт истеҳсол шуд. Инчунин соли гузашта ба миқдори 298,1 ҳазор тонна орд, 5,5 ҳазор тонна равғани растанӣ, наздик 60 ҳазор тонна нон ва маҳсулоти нонӣ, 7,3 ҳазор тонна маҳсулоти макаронӣ, 36,3 млн. қуттии шартӣ консерваҳои гуногун, 14,5 млн. декалитр нӯшокиҳои ғайриспиртӣ истеҳсол карда шуд, ки нисбат ба ҳамин давраи соли қаблӣ суръати афзоиши ҳаҷми истеҳсоли орд 108,6 фоиз, равғани растанӣ 109,5 фоиз, нон ва маҳсулоти нонӣ 113,7 фоиз, маҳсулоти макаронӣ 147,4 фоиз, консерваҳо 120,0 фоиз ва нӯшокиҳои беспирт 134,7 фоизро ташкил медиҳад.

Маҷлиси фаъолон оид ба ҷамъбасти натиҷаҳои рушди иқтисодию иҷтимоии вилоят дар соли 2023

Азназаргузаронӣ: 1609

12 январи соли 2024 дар толори калони мақомоти иҷроияи ҳокимияти давлатии вилоят маҷлиси фаъолон оид ба ҷамъбасти натиҷаҳои рушди иқтисодию иҷтимоии вилоят дар соли 2023 баргузор гардид.

Ҷаласа таҳти раёсати Раиси вилояти Суғд Раҷаббой Аҳмадзода ва бо ҳузури муовини Сарвазири Ҷумҳурии Тоҷикистон Зиёзода Сулаймон Ризоӣ, ҳамчунин муовини якуми Раиси вилоят, муовинони Раиси вилоят ва роҳбари дастгоҳи Раиси вилоят, роҳбарони воҳидҳои сохтории мақомоти иҷроияи ҳокимияти давлатӣ, роҳбарони мақомоти ҳифзи ҳуқуқ, ташкилоту муассисаҳои вилоятӣ, раисони шаҳру ноҳияҳо, комиссарони ҳарбӣ, сардорони шабакаҳои барқи шаҳру ноҳияҳо, раёсати кишоварзӣ, идораи давлатии беҳдошти замин ва обёрӣ, раисони кумитаи идораи замин ва директорони корхонаҳои давлатии фаръии «Бақайдгирии молу мулки ғайриманқул» дар шаҳру ноҳияҳо, мудирони шуъбаю бахшҳои маориф, фарҳанг, кор бо занон ва оила, кор бо ҷавонон ва варзиш, меҳнат ва шуғли аҳолӣ, хадамоти муҳоҷират, менеҷерҳои кўмаки аввалияи тиббию санитарии шаҳру ноҳияҳо, роҳбарони маркази назорати давлатии санитарию эпидемиологӣ, раисони ҷамоатҳои шаҳраку деҳот, роҳбарони корхонаҳои саноатӣ доир шуд.

Мақолаҳои боқимонда...