Дар шаҳри Гулистон ба маблағи 2,7 миллиард сомонӣ маҳсулоти саноатӣ истеҳсол гардид

Азназаргузаронӣ: 1062

Корхонаҳои саноатии шаҳри Гулистон дар давоми нуҳ моҳи соли ҷорӣ ба маблағи 2 миллиарду 702 млн сомонӣ маҳсулот истеҳсол намуданд. Дар ин бора зимни баргузории ҷаласа оид ба натиҷаҳои рушди иҷтимоию иқтисодии шаҳр дар нуҳ моҳи соли равон иттилоъ дода шуд.

Тибқи маълумоти оморӣ ба ҳолати 1 апрели соли 2024 ба иқтисодиёти шаҳри Гулистон 726,8 миллион сомонӣ сармоягузорӣ тадбиқ шудааст, ки аз он 595,7 миллион сомонӣ сармоягузории хориҷӣ ва 131,1 миллион сомонӣ сармоягузории дохилӣ мебошад.

Ҳамзамон иттилоъ дода шуд, ки дар давраи ҳисоботӣ 2094 меҳмони хориҷӣ ва 25142 истироҳаткунандагони дохилӣ ба осоишгоҳу меҳмонхонаҳои шаҳр ташриф оварданд.

Шиносоӣ бо сохтмони корхонаҳои саноатӣ дар ноҳияи Мастчоҳ

Азназаргузаронӣ: 1136

19 сентябр Раиси вилояти Суғд Раҷаббой Аҳмадзода зимни сафари корӣ ба ноҳияи Мастчоҳ бо сохтмони корхонаи истеҳсоли хишти ҶДММ "Ҷаъфар-2014" ва коргоҳи забҳи парандаи ҶДММ "Ҷумъабой Мирзо" шинос гардид.

Корхонаҳои саноатӣ дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон сохта шуда, бо мавриди истифода қарор гирифтани онҳо даҳҳо нафар соҳиби ҷойи корӣ мегарданд.

Бо мавриди истифода қарор гирифтани корхонаи истеҳсоли хишт он метавонад 70 нафарро бо ҷойи корӣ таъмин созад.

Дар коргоҳи забҳи паранда бошад дар то 15 нафар бо кор ва маош таъмин хоҳанд шуд.

Боздиди Раиси вилоят аз Минтақаи озоди иқтисодии «Суғд»

Азназаргузаронӣ: 2060

Раиси вилояти Суғд Раҷаббой Аҳмадзода дар Минтақаи озоди иқтисодии «Суғд» бо бунёди корхонаҳи нави саноатӣ шинос гардид.

Тавре аснои шиносоӣ иттилоъ дода шуд, маъмурияти МОИ “Суғд” ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тадбирҳои зуруриро роҳандозӣ менамояд.

Давоми нимсолаи аввали соли 2024 дар МОИ “Суғд” 3 субъекти нав ба қайд гирифта шуд, ки дар натиҷа шумораи субъектҳо ба 37 адад расид ва 21 адади он ба фаъолияти истеҳсолӣ, сохтмонӣ, хизматрасонӣ ва савдо машғул мебошад. Маҷмуи маҳсулоти саноатии истеҳсолшудаи МОИ “Суғд” дар нимосолаи якуми 2024 ба 180,3 млн. сомонӣ баробар гардид, ки нисбат ба ҳамин давраи соли 2023 116,3 % ё 25,3 млн. сомонӣ зиёд мебошад. 

Мақолаҳои боқимонда...