Ба бунёди коргоҳи коркарди партовҳои истеҳсолӣ санги асос гузошта шуд

Азназаргузаронӣ: 1538

Дар шаҳраки Консойи шаҳри Гулистон ба бунёди коргоҳи коркарди партовҳои истеҳсолии корхонаи муштараки "Апрелевка" санги асос гузошта шуд. 

Коргоҳи мазкур ба истиқболи ҷашни 35-солагии Истиқлоли давлатии Ҷумҳурии Тоҷикистон дар доираи ҳамкории корхонаи "Апрелевка" ва ҶСК «Технологияи коркард» якҷо бо ширкати илмӣ ва истеҳсолии «Спирит»-и Федератсияи Россия сохта хоҳад шуд. 

Раиси вилояти Суғд Раҷаббой Аҳмадзода зимни иштирок дар оғози корҳои бунёдии коргоҳ иброз дошт, ки дар вилоят ҷиҳати таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва расидан ба ҳадафи чоруми миллӣ-саноатикунонии мамлакат тадбирҳои зарурӣ амалӣ карда мешавад. 

Дар корхонаи "Оби зулол" хати нави истеҳсолӣ ба кор андохта шуд

Азназаргузаронӣ: 1592

Дар корхонаи маъруфи "Оби зулол" хати нави истеҳсолӣ фаъол шуд.

Зимни боздиди Раиси вилояти Суғд Раҷаббой Аҳмадзода аз корхонаи мазкур иттилоъ дода шуд, ки дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади саҳмгузорӣ дар татбиқи ҳадафи чоруми миллӣ-саноатикунонии босуръати мамлакат хати нави истеҳсолӣ ба кор андохта шуд.

Таҷҳизоти замонавии истеҳсоли ғизо барои кӯдакон, афшура, мураббо ва смузи аз Италия ворид гардида, истеҳсоли маҳсулоти воридотивазкунанда ва ба содирот нигаронидашуда ба роҳ монда шуд.

Банду басти маҳсулоти ватанӣ бо истифода аз ҳунарҳои мардумӣ дар Исфара

Азназаргузаронӣ: 1602

5 март Раиси вилояти Суғд Раҷаббой Аҳмадзода дар маҷмааи "Ориён"-и шаҳри Исфара бо тарзу усулҳои нави банду басти меваи хушк, маҳсулоти қаннодӣ ва кулолгарӣ шинос гардид.

Шаҳри Исфара бо истеҳсол ва банду басти хушкмева маъруф буда, маҳсулоти аҳли меҳнати шаҳр дар бозорҳои дохилӣ ва хориҷӣ харидорони сершумор дорад. Дар ин раванд дар корхонаҳои банду басти шаҳри Исфара хушкмеваҳо бо тарҳу ороиши хос пешкаши мизоҷон гардонида мешавад. 

Зимни шиносоӣ бо маҳсулоти корхонаҳо Раиси вилоят таъкид кард, ки бо талошҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз кишвари моро дар арсаи ҷаҳонӣ хуб мешиносанд. Маҳсулоти дар мамлакат истеҳсолшаванда ба кишварҳои хориҷӣ содирот шуда, бо ин роҳ кишвар муаррифӣ мегардад.

Мақолаҳои боқимонда...