Миёни соҳибкорони вилоятҳои Суғд ва Ҷиззах 21 созишномаи ҳамкорӣ имзо шуд

Азназаргузаронӣ: 257

Аз рӯзҳое, ки марзҳои ду давлати ба ҳам дӯсту бародар – Ӯзбекистону Тоҷикистон кушода шуду барои ба дидори ҳам расидани мардуми ду кишвари солҳои сол ҳамдигарро надида мусоидат намуд, чанд сол сипарӣ гардид. Ташрифи нахустини Президенти Ҷумҳурии Ӯзбекистон муҳтарам Шавкат Мирзиёев, аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тақдиронида шудани он кас бо ордени фахрии «Зарринтоҷ», ба имзо расидани як қатор санадҳои ҳамкорӣ, боздид аз ҶСК «Қолинҳои Қайроққум» ва НБО «Қайроққум», вохӯрӣ бо фаъолони ноҳияи Бобоҷон Ғафуров дар қасри овозадору таърихии «Арбоб»-и ба номи Саидхоҷа Ӯрунхоҷаев, баргузории шоми дӯстӣ, иштирок дар фестивалу чорабиниҳои гуногуни ҳамдигарӣ, равобити дуҷонибаи тиҷоратӣ дар ҳақиқат баёнгари гуфтаҳои «одамон аз дӯстӣ ёбанд бахт»-и шоири бузург Мирзо Турсунзода аст.

Дар ин раванд дар қатори дигар намояндагони мамолики кишвар иштироки намояндагони Ҷумҳурии Ӯзбекистон, бахусус соҳибкорону меҳмонони мардуми ҷиззахзамин санаҳои 17-18-уми июни соли 2022 дар Ярмаркаи байналмилалии савдо «Суғд - 2022» дар густариши равобити ҳамкориҳо назаррас буда, ҳар ду ҷониб аз ин вохӯрӣ натиҷаи самарабахш ба даст оварданд.

Дар доираи Ярмаркаи VIII байналмилалии савдо «Суғд-2022» 60 созишномаи ҳамкорӣ ба имзо расид

Азназаргузаронӣ: 359

Тавре иттилоъ дода шуд, рӯзҳои 17 ва 18 июн дар шаҳри Хуҷанд Ярмаркаи байналмилалии савдо "Суғд-2022" дар сатҳи баланд баргузор гардид.

Дар ярмаркаи мазкур 400 нафар соҳибкорону тоҷирон аз минтақаҳои гуногуни Федератсияи Россия, Чин, Туркия, Эрон, Арабистони Саудӣ, вилоятҳои Тошканд, Фарғона, Самарқанд, Ҷиззах, Намангон, Хоразм, Сирдарёи Ҷумҳурии Ӯзбекистон, вилоятҳои Минску Могилёви Ҷумҳурии Белорус, Қазоқистон иштирок карда, бо маҳсулоти дар Тоҷикистон истеҳсолшаванда, зарфияту имкониятҳои соҳаи саноату кишоварзӣ ошно гардиданд.

Дар Ярмаркаи VIII байналмилалии савдо «Суғд-2022» наздик 400 нафар меҳмонон иштирок мекунанд

Азназаргузаронӣ: 350

Рӯзҳои 17 ва 18 июни соли 2022 дар шаҳри Хуҷанди вилояти Суғд Ярмаркаи VIII байналмилалии савдо «Суғд-2022» баргузор мегардад.

Ҳадаф аз баргузории ярмаркаи савдо, ки бо мақсади таъмини иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир мегардад, таҳкими муносибатҳои дарозмуддати тиҷоратӣ ва шарикии доираҳои соҳибкории вилояти Суғд ва дигар минтақаҳои Тоҷикистон бо ширкатҳои тиҷоратӣ, сармоягузорон ва доираҳои тиҷоратии кишварҳои хориҷӣ тавассути фароҳам овардани замина барои намоиши иқтидори маҳсулот, ҳамкорӣ, имконият ва таҷрибаи пешқадами мамлакатҳои хориҷӣ ва бастани шартномаҳо барои содироти маҳсулот мебошад.

Мақолаҳои боқимонда...