Раиси вилояти Суғд
Раҷаббой Аҳмадзода 16 сентябри соли 1971 дар шаҳри Хуҷанди вилояти Суғд дар оилаи хизматчӣ таваллуд шудааст.
Миллаташ тоҷик, маълумоташ олӣ. Соли 1993 Донишгоҳи химия- технологияи Ҷумҳурии Қазоқистонро бо ихтисоси муҳандис-химик-технолог ва соли 2010 Академияи хизматчиёни давлатии назди Президенти Федератсияи Россияро бо ихтисоси иқтисодчӣ хатм намудааст.
Фаъолияти кориашро аз соли 1993 ба ҳайси муҳандис-технологи корхонаи «Лаъл»-и шаҳри Хуҷанд оғоз намуда, солҳои 1994-2005 дар вазифаҳои муовини сардори корхонаи «Сангбурӣ», сардори идораи робитаҳои иқтисодии берунӣ, муовини директори генералӣ ва директори генералии ҶС «Ленинободпромстройматериал»-и Хуҷанд кор кардааст.
Солҳои 2005- 2007 раиси Кумитаи ҳифзи муҳити зист ва хоҷагии ҷангали вилояти Суғд ва солҳои 2007-2009 директори генералии КВД «Садаф»-и шаҳри Хуҷанд буд.
Мавсуф солҳои 2009-2011 дар вазифаи раиси шаҳри Қайроққум (ҳозира Гулистон) фаъолият бурда, солҳои 2011-2012 иҷрокунандаи вазифаи раиси шаҳри Хуҷанд буд. Аз соли 2012 то соли 2016 дар вазифаи раиси шаҳри Хуҷанд кор кардааст.
Аз соли 2016 то соли 2018 дар вазифаи раиси Кумитаи давлатии идораи замин ва геодезии Ҷумҳурии Тоҷикистон фаъолият бурдааст.
Соли 2018 бо Фармони Президенти Ҷумҳурии Тоҷикистон иҷрокунандаи вазифаи Раиси вилояти Суғд таъин гардида, аз 7 марти соли 2018 инҷониб дар вазифаи Раиси вилояти Суғд фаъолият дорад.
Раҷаббой Аҳмадзода барои хизматҳои шоиста бо медали ҷашни 20-солагии Истиқлолияти давлатии Ҷумҳурии Тоҷикистон ва Ордени “Шараф” дараҷаи 1, унвони Корманди шоистаи Тоҷикистон ва як қатор мукофотҳои соҳавӣ мукофотонида шудааст.
