Паёми табрикии Раиси вилоят бахшида ба Рӯзи кормандони соҳаи сохтмон

Азназаргузаронӣ: 248

Рӯзи кормандони соҳаи сохтмон дар кишвари соҳибистиқлоли мо ҳамасола моҳи август таҷлил мегардад. Имсол иди касбии сохтмончиён ба рўзҳое рост омад, ки сокинони вилояти Суғд, аз Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон илҳоми тоза гирифта, барои бо армуғонҳои шоёни меҳнатӣ истиқбол гирифтани солгарди Истиқлоли давлатии Ҷумҳурии Тоҷикистон азму талош доранд. 

Ба ин муносибат ҳамаи шумо, бинокорони гулдаст, собиқадорони соҳа, кулли кормандони идораю ташкилотҳои сохтмон, лоиҳакашон, пудратчиён ва нафароне, ки дар қомат афрохтани иншооти ҳаётан муҳим иштирок мекунанд, табрику муборакбод гуфта, тани сиҳату хотири ҷамъ, сарбаландӣ ва муваффақиятҳои беназир таманно менамоям. Боиси таъкид аст, ки бинокорони вилоят дар рушди ҷомеаи мутамаддин, бунёди иншооти ҳаётан муҳим ва ободу зебо гардонидани Тоҷикистони биҳиштосо аҳлона меҳнат карда, барои амалӣ гардонидани ҳадафҳои стратегии давлату ҳукумат кору фаъолият менамоянд. 

Паёми табрикии Раиси вилоят бахшида ба Рўзи Ваҳдати миллӣ

Азназаргузаронӣ: 342

Сокинони сарбаланди вилоятро бо санаи сарнавиштсоз ва мубораку таърихии 28-умин солгарди Рӯзи Ваҳдати миллӣ, ки нишони равшани эҳтиром ва арҷгузории мардуми шарифи Тоҷикистон ба сулҳу субот, оромию осоиштагӣ ва иттиҳоду сарҷамъӣ мебошад, сидқан шодбош мегӯям.

Рӯзи 27-уми июни соли 1997 дар саҳифаҳои таърихи навини кишвари азизамон бо ҳарфҳои заррин сабт гардидааст, зеро дар ин рӯз Созишномаи умумии истиқрори сулҳ ва ризоияти миллӣ дар Тоҷикистон ба имзо расида, аз поён ёфтани ҷанги таҳмилии шаҳрвандӣ ва оғози ҳамдигарфаҳмиву ваҳдати мардуми Ватани маҳбубамон башорат дод. Асосгузори сулҳу ваҳдати миллӣ – Пешвои миллат, Президенти Ҷумӽурии Тоҷикистон муҳтарам Эмомалӣ Раҳмон ин Созишномаро барои халқи Тоҷикистон «пайки шодӣ, паёми оромӣ ва номаи иқболу саодат” арзёбӣ намуда, дар мавриди арзишу аҳамияти ваҳдати миллӣ чунин таъкид месозанд: “Ваҳдати миллии тоҷикон ганҷи бебаҳоест, ки бо ранҷу машаққати зиёд ва гузашта аз он, дар натиҷаи ҷонбозию қурбониҳои ҳазорон нафар фарзандони фидоии миллат ба даст омадааст. Аз ин рў, мо вазифадорем, ки барои татбиқи ғояҳои ваҳдати миллӣ ва пойдории он талош карда, бо мақсади эҳёву пойдории арзишҳои миллӣ ва тавсеаи тафаккури давлатдории миллиамон, ки асоси пешрафти Тоҷикистони азиз мебошад, сарҷамъона кору фаъолият намоем”.

Раиси вилояти Суғд сокинони вилоятро ба муносибати Иди Қурбон табрик намуд

Азназаргузаронӣ: 368

Субҳи 6 июни соли 2025 Раиси вилояти Суғд Раҷаб Аҳмадзода ба масҷиди ҷомеи Шайх Маслаҳатдини шаҳри Хуҷанд омада, аз номи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳозирин ва тамоми сокинони вилоятро бо фарорасии Иди саиди Қурбон табрик намуд.

Зикр гардид, ки Иди Қурбон ҳамчун ҷашни суннатии мардуми мусулмон пас аз ба даст овардани Истиқлоли давлатӣ чун дигар маросими миллӣ ва динӣ дубора эҳё гардида, ҷои худро дар ҳаёти ҷомеа бозёфт. Ин ид бо арзишҳои инсондӯстона, хайру саховат ва эҳсонкорӣ аз ҷумлаи муқаддастарин суннатҳои мардум маҳсуб меёбад.

Раиси вилоят дар суханронии худ таъкид намуд, ки ғояҳои раҳму шафқат, дастгирии ятимону маъюбон ва ниёзмандон, муоширати нек бо пайвандон ва ёру дӯстон, бахусус дар рӯзҳои ид, омили муҳими таҳкими ваҳдат ва ҳамбастагии миллӣ мебошанд.

Мақолаҳои боқимонда...