Ба тарбиятгирандагони Мактаб-интернат барои кӯдакони ношунаво ва шунавоиашон суст либосу туҳфаҳои солинавӣ супорида шуд

Дар арафаи Соли нави мелодии 2023 Раиси вилояти Суғд Раҷаббой Аҳмадзода тарбиятгирандагони Мактаб-интернат барои кӯдакони ношунаво ва шунавоиашон сусти ба номи Тӯхтабой Ғаффоровро аёдат кард.

Раиси вилоят бо ҷараёни таълиму тарбия ва фаъолияти маҳфилҳои касбу ҳунаромӯзӣ дар мактаб — интернат шинос шуда, барои таҳти таваҷҷуҳи махсус қарор додани тарбиятгирандагони муассиса ба масъулин супоришҳо дод.

Аёдати собиқадорони меҳнат дар ноҳияи Шаҳристон

Дар ноҳияи Шаҳристон Раиси вилояти Суғд Раҷаббой Аҳмадзода собиқадорони соҳаи кишоварзӣ Умедҷон Умаров ва Янгибой Сулаймновро аёдат намуд.

Зимни суҳбат бо собиқадорон роҳбари вилоят аз рушди соҳаи кишоварзӣ ва саҳми кишоварзон дар таъмини амнияти озуқаворӣ ёдовар шуда, дастовардҳои назаррасро самараи кору фаъолияти шахсони соҳибтаҷриба ва пирони кор арзёбӣ кард.

Аёдати беморону собиқадорони меҳнат дар ноҳияи Айнӣ

Раиси вилояти Суғд Раҷаббой Аҳмадзода дар партави дастуру ҳидоятҳои Пешвои муаззами миллат муҳтарам Эмомалӣ Раҳмон дар ноҳияи Айнӣ собиқадорони меҳнат ва шахсони беморро аёдат кард.

Раиси вилоят нахуст​ собиқадори соҳаи кишоварзӣ Раҷаббой Ҷӯраевро аёдат карда, зимни суҳбат қайд намуд, ки дастгирии собиқадорону калонсолон таҳти таваҷҷуҳи Ҳукумати мамлакат қарор дошта, дар ин росто мақомоти иҷроияи ҳокимияти давлатии вилоят низ​ собиқадоронро мунтазам ба аёдату ғамхорӣ фаро мегирад. Собиқадори соҳаи кишоварзӣ аз ташрифи роҳбари вилоят изҳори сипос намуда, барои дастгириҳои доимӣ ба Сарвари давлат миннатдории худро баён дошт.

Аёдати собиқадорони меҳнат дар ноҳияи Ҷаббор Расулов

Дар доираи боздиди корӣ аз ноҳияи Ҷаббор Расулов Раиси вилояти Суғд Раҷаббой Аҳмадзода собиқадорони меҳнатро аёдат кард.

Раҷаббой Аҳмадзода дар Ҷамоати деҳоти Ғӯлакандоз собиқадори соҳаи кишоварзӣ Абдувоҳид Салимовро аёдат намуда, ба номбурда кӯмакҳои моддӣ расонид. Абдувоҳид Салимов 76 сол дошта, солҳои зиёд дар хоҷагии қишлоқ кор кардааст.

Аёдати собиқадорони меҳнат дар ноҳияи Спитамен

Нимаи дуюми рӯзи 21 декабр Раиси вилояти Суғд Раҷаббой Аҳмадзода дар ноҳияи Спитамен собиқадорони меҳнатро аёдат кард.

Раиси вилоят нахуст ба манзили сокини ҷамоати Истиқлоли ноҳия омада, аз ҳоли собиқадори соҳаи тандурустӣ Ҳасанбой Каримов хабар гирифт. Тавре иттилоъ дода шуд, Ҳасанбой Каримов солҳои зиёд барои ҳифзи солимии ҷомеа заҳмат кашида, 20 сол дар вазифаи сардухтур фаъолият бурдааст.

Боздиди Раиси вилоят аз гармхонаҳои сокинон дар ноҳияҳои Спитамену Ҷаббор Расулов

21 декабр Раиси вилояти Суғд Раҷаббой Аҳмадзода дар ноҳияҳои Спитамену Ҷаббор Расулов бо фаъолияти гармхонаҳо шинос гардид. 

Дар ноҳияҳои Спитамену Ҷаббор Расулов ташкили гармхонаҳои хурд дар заминҳои наздиҳавлигӣ маъмул буда, сокинони меҳнатқарини ин ноҳияҳо дар ҳавлӣ ва заминҳои наздиҳавлигии худ теъдоди зиёди гармхонаҳоро ташкил намуда, ҳосили хуб ба даст меоранд. Кишоварзони чашмикордони ноҳияҳо дастуру ҳидоятҳои Пешвои миллат муҳтарам Эмомалӣ Раҳмонро сармашқи кор қарор дода, аз гармхонаҳо то 3-4 ҳосил мерӯёнанд.