Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар ноҳияи Бобоҷон Ғафуров бунёди иншооти гуногун ва азхудкунии заминҳои нав идома дорад.

17 январ Раиси вилояти Суғд Раҷаббой Аҳмадзода зимни боздиди корӣ аз ноҳия бо корҳои сохтмонии як қатор иншооти ҷашнӣ шинос шуд. Раиси вилоят аз ҷумла сохтмони фабрикаи парандапарварии ҶДММ «Анқо»-ро мавриди таваҷҷуҳ қарор дод. Ба иттилои масъулин фабрикаи парандапарварӣ барои парвариши 350 ҳазор сар мурғ пешбинӣ шуда, айни замон васлу насби таҷҳизот идома дорад. Бо ба охир расидани корҳои сохтмонӣ даҳҳо нафар бо ҷойи корӣ ва маоши хуб таъмин гардида, истеҳсоли маҳсулоти воридотивазкунанда ба роҳ монда хоҳад шуд.

Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар Ҷамоати деҳоти Овчӣ-Қалъачаи ноҳияи Бобоҷон Ғафуров майдони Парчами давлатӣ бунёд карда мешавад.

17 январ Раиси вилояти Суғд Раҷаббой Аҳмадзода дар Ҷамоати деҳоти Овчӣ-Қалъача бо лоиҳаи майдони Парчами давлатӣ шинос гардид. Чуноне иттилоъ дода шуд, дар солҳои соҳибистиқлолӣ дар заминаи дастуру ҳидоятҳои ҳамешагии Пешвои миллат муҳтарам Эмомалӣ Раҳмон бо мақсади арҷгузорӣ ба муқаддасоти миллӣ ва баланд бардоштани эҳсоси худшиносию худогоҳии миллӣ дар замири сокинони кишвар, махсусан ҷавонону наврасон дар марказ ва деҳоти як қатор шаҳру ноҳияҳо Парчами давлатии Тоҷикистон парафшон карда шудааст. Дар индомаи чунин тадбирҳо дар деҳоти Овчӣ-Қалъача низ майдони Парчами давлатӣ бунёд мегардад, ки барои сокинони ҷамоат мавзеи хуби истироҳатӣ хоҳад шуд.

16 январ Раиси вилояти Суғд Раҷаббой Аҳмадзода дар доираи сафари корӣ ба ноҳияи Зафаробод бо ҷараёни корҳои сохтмонии муассисаи таҳсилоти миёнаи умумии рақами 3 шинос гардид.

Иттилоъ дода шуд, ки бинои дуошёнаи таълимӣ дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои 600 хонанда сохта мешавад. Мактаби нав тибқи лоиҳа дорои синфхонаҳои фаннӣ, утоқҳои ёрирасон, толори варзишӣ, ошхона ва дигар инфрасохтори зарурӣ мебошад.

Ба истиқболи 35-солагии Истиқлоли давлатии Ҷумҳурии Тоҷикистон дар ноҳияи Зафаробод иқдомҳои саривақтиву судманд, ки барои баланд гардидани сатҳи зиндагии мардум мусоидат мекунад, амалӣ карда мешавад. 

16 январ Раиси вилояти Суғд Раҷаббой Аҳмадзода зимни сафари корӣ ба ноҳия бо лоиҳаи боғҳои суперинтенсивӣ, сардхона, фермаи чорвопарварӣ, ҳавзҳои моҳипарварӣ шинос гардид. Тавре ба роҳбари вилоят иттилоъ дода шуд, дар ҳудуди Ҷамоати деҳоти ба номи А.Ҷомии ноҳия аз ҷониби соҳибкорон иншооти гуногун бунёд карда мешавад. Аз ҷумла бо ташаббуси соҳибкорон бунёди боғи суперинтенсивӣ дар масоҳати 5 гектар, 2 адад сардхона бо ғунҷоиши 400 тонна маҳсулот, 2 ферма барои парвариши чорво, ҳавзҳои моҳипарварӣ ба нақша гирифта шуда, дар доираи омодагиҳо ба ҷашни фархундаи 35-солагии Истиқлоли давлатии Ҷумҳурии Тоҷикистон ба истифода дода хоҳад шуд.

Дар партави дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади таъмини аҳолӣ бо маҳсулоти хушсифати ватанӣ дар ноҳияи Ашт бунёди фабрикаи мурғпарварӣ ба роҳ монда шуда, аксари корҳо ба сомон расонида шудааст.​

Фабрикаи мурғпарварӣ барои 48 ҳазор сар паранда пешбиниӣ гардида, дар он мурғ барои истеҳсоли гӯшт парвариш карда мешавад. Дар марҳилаи дуввум бошад, саршумори паранда то ба 96 ҳазор расонида хоҳад шуд. Баробари ба кор андохтани фабрикаи мурғпарварӣ ​ ноҳия бо гӯшти паранда пурра таъмин гардида, сокинони маҳаллӣ ба кори доимӣ фаро гирифта мешаванд. Масъулин азм доранд, ки дар ҳамин мавзеъ фермаи парвариши моли калонро низ ба роҳ монанд. Барои ин замина аллакай мавҷуд буда, дар навбати аввал то 350 сар гови сиёҳало ворид карда мешавад, ки аз он 70 сараш ширдеҳ мебошад.

Ба истиқболи 35-солагии Истиқлоли давлатии Ҷумҳурии Тоҷикистон дар вилояти Суғд корҳои ободониву созандагӣ вусъат ёфта, бунёди зиёда аз 12 ҳазор иншооти хоҷагии халқ ба нақша гирифта шудааст.

Дар ин раванд дар ноҳияи Ашт низ ба корҳои ободонӣ такони ҷиддӣ бахшида шуда, марҳила ба марҳила иншооти гуногунсоҳа сохта ба истифода дода мешавад.​

Раиси вилояти Суғд Раҷаббой Аҳмадзода зимни сафари корӣ ба ноҳияи Ашт бо ҷараёни корҳои сохтмонӣ дар як қатор иншооти ҷашнӣ шинос гардид. Нахуст роҳбари вилоят дар Ҷамоати деҳоти Шодоба рафти бунёди корхонаи ҷӯроббофиро таҳти таваҷҷуҳ қарор дод. Тавре иттилоъ дода шуд, корхонаи мазкур аз тарафи ассотсиатсияи ҶДММ “Саноати Ашт” бо иқтидори истеҳсоли то 30 ҳазор ҷуфт ҷӯроб ба истифода дода шуда, барои ин то 200 адад дастгоҳ васлу насб карда мешавад. Арзиши лоиҳавии корхона беш аз 900 ҳазор доллари ИМА буда, ​ тамоми раванди истеҳсолот мутобиқ ба меъёрҳои замони муосир ба роҳ монда мешавад. Баробари мавриди баҳрабрадорӣ қарор гирифтани он то 150 нафар сокинони маҳаллӣ бо кори доимӣ таъмин мегарданд.​