Раиси вилояти Суғд Раҷаббой Аҳмадзода ба шаҳри Конибодом сафари корӣ анҷом дода, бо ҷараёни корҳои ободонию созандагӣ дар шаҳр шинос гардид.

Зимни сафар нахуст роҳбари вилоят собиқадорони меҳнат Фароғат Тоҳирова ва Солиҷон Холматовро аёдат карда, ба онҳо тани сиҳату рӯзгори ободу осударо орзу намуд.

2 апрел ва дар нахустин рӯзи моҳи шарифи Рамазон бо ибтикори мақомоти иҷроияи ҳокимияти давлатии вилояти Суғд ярмарка-фурӯши маҳсулоти кишоварзӣ баргузор шуд.

Иқдоми мазкур дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади таъмини дастрасии мардум ба маҳсулоти хушсифат амалӣ шуда, ба сокинон маводи ғизоии нисбатан арзон пешниҳод гардид.

Дар Ҷамоати деҳоти Ёваи ноҳияи Бобоҷон Ғафуров мумфаршкунии 8 км роҳи деҳаи Боғи боло оғоз ёфт.

Раиси вилояти Суғд Раҷаббой Аҳмадзода якҷо бо пирони кор ба мумфаршкунии роҳи мазкур оғоз бахшида, таъкид кард, ки дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дастгирии мақомоти иҷроияи ҳокимияти давлатии вилоят ҳамасола садҳо километр роҳҳои дохилӣ мумфарш карда мешавад.

Раиси вилояти Суғд Раҷаббой Аҳмадзода дар тантанаҳои наврӯзии сокинони шаҳри Исфара иштирок карда, фарорасии Иди байналмилалии Наврӯзро ба сокинони шаҳр муборакбод намуд.

Дар сӯҳбат бо сокинони шаҳр роҳбари вилоят таъкид кард, ки бо талошҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашни Наврӯз дар даврони соҳибистиқлолии кишвари азизамон – Тоҷикистон бо шукӯҳу нусрати хос дубора эҳё гардида, ба ҷашни ҷаҳонӣ табдил ёфт.

Дар минтақаҳои гуногуни вилояти Суғд Иди байналмилалии Наврӯзро бо ташкили чорабиниву дастрхони идонаи наврӯзӣ ва дар фазои сулҳу дӯстӣ ва ваҳдату якдигарфаҳмӣ таҷлил менамоянд, зеро Наврӯз аз қадимулайём чун​ рамзи пайванди ногусастанӣ миёни табиат ва инсон, айёми покиву сафо, муҳаббату дӯстӣ ва бахшоишу самимият бошукӯҳ ҷашн гирифта мешавад.

Сокинони шаҳри Конибодом низ бо риояи анъанаҳои милливу қадима ин ҷашни таърихиро ҳар сол бо шукуҳу шаҳомат ҷашн мегиранд. Дар тантанаҳои идонаи мардуми деҳоти Фирӯзобаи шаҳр Раиси вилояти Суғд Раҷаббой Аҳмадзода низ ширкат кард ва тамоми сокинонро бо​ фарорасии Иди байналмилалии Наврӯз муборакбод намуд.

Бахшида ба Иди байналмилалии Наврӯз ва дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар қисмҳои низомии мустақар дар шаҳри Исфара барои афсарону сарбозон дастархони идонаи наврӯзӣ густарда шуд.

Раиси вилояти Суғд Раҷаббой Аҳмадзода хизматчиёни ҳарбиро аз номи Сарфармондеҳи Олии Қувваҳои мусаллаҳи Ҷумҳурии Тоҷикистон, генерали артиш муҳтарам Эмомалӣ Раҳмон табрик намуда, ба онҳо саломативу хушиҳои рӯзгорро таманно кард.