Раиси вилояти Суғд Раҷаббой Аҳмадзода дар доираи сафари корӣ ба ноҳияи Куҳистони Мастчоҳ, ки рӯзҳои 25 ва 26 апрел ҷараён гирифт, собиқадорони меҳнатро аёдат намуд.

Раиси вилоят нахуст ба манзили сокини деҳаи Оббурдони ноҳия Шарифа Домуллоева ташриф оварда, дар суҳбат бо ӯ иброз дошт, ки меҳнати фидокорона ва хизматҳои шоистаи собиқадорон аз ҷониби давлату Ҳукумати мамлакат қадр карда мешавад.

Раиси вилояти Суғд Раҷаббой Аҳмадзода рӯзҳои 25 ва 26 апрел ба ноҳияи Куҳистони Мастчоҳ сафар намуда, бо ҷараёни корҳои ободониву бунёдкорӣ дар ин минтақаи дурдасти вилоят шинос гардид.

Бояд гуфт, ки ба истиқболи 30-солагии Иҷлосияи XVI Шӯрои Олии Ҷумҳурии Тоҷикистон ва 35 -солагии Истиқлоли давлатии Ҷумҳурии Тоҷикистон дар ноҳияи Куҳистони Мастчоҳ бо дастгирии Ҳукумати мамлакат ва мақомоти иҷроияи ҳокимияти давлатии вилоят бунёди иншооти муҳими иҷтимоӣ ҷараён дорад.

Ноҳияи Кӯҳистони Мастчоҳ яке аз минтақаҳои кишоварзии вилоят маҳсуб ёфта, мардуми ин диёр барои амалӣ гардидани барномаҳои давлатӣ, таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти бунёди боғҳои гуногун сарбаландона меҳнат менамоянд.

Чуноне аснои боздиди Раиси вилоят Раҷаббой Аҳмадзода аз деҳаи Оббурдони ноҳия маълумот дода шуд, бо ташаббуси соҳибкор Ҳикматулло Бобоев дар талу теппаҳо дар масоҳати як гектар боғи нав бунёд гардида истодааст. Дар боғи нав ниҳолҳои зардолуву чормағз ва себ шинонида шуда, барои бунёди боғ ниҳолҳои зарурӣ харидорӣ гардидааст.

Дар доираи боздиди корӣ аз ноҳияи Бобоҷон Ғафуров Раиси вилояти Суғд Раҷаббой Аҳмадзода собиқадорони меҳнатро аёдат намуд.

Раиси вилоят аз ҷумла Нурмуҳаммад Ҳомидов ва Алибой Ниёзовро аёдат карда, бо пирони рӯзгор суҳбати самимӣ орост. Қайд карда шуд, ки дар партави дастуру ҳидоятҳои Сарвари давлат муҳтарам Эмомалӣ Раҳмон барои дастгирии собиқадорони меҳнат мунтазам чораҷӯӣ карда мешавад.

Дар доираи нақшаи чорабиниҳои панҷсолаи рушди саноат ва дар сатҳи баланд пешвоз гирифтани ҷашни 35-солагии Истиқлоли давлатии Ҷумҳурии Тоҷикистон соли равон дар ноҳияи Бобоҷон Ғафуров бунёди 20 корхонаи саноатӣ ба нақша гирифта шудааст. Дар ин бора зимни шиносоии Раиси вилоят Раҷаббой Аҳмадзода бо сохтмони як қатор корхонаҳои саноатӣ маълумот дода шуд.

Раиси вилоят нахуст бо фаъолият ва тадбирҳои бунёдкорӣ дар ҶДММ «Аҷр» шинос гардид. Иттилоъ дода шуд, ки корхонаи истеҳсоли халтаҳои полипропиленӣ дар масоҳати 0,54 гектар ҷойгир буда, дар он бо мақсади беҳтар намудани фаъолият хатҳои нави истеҳсолӣ насб карда мешавад. Таҷҳизоти зарурӣ аз Ҷумҳурии мардумии Чин ворид гардида, баъди насби онҳо дар назар аст, ки дар як шабонарӯз то 25 ҳазор дона халта истеҳсол гардад.

Бо мақсади бо полезӣ таъмин намудани заминҳои кишоварзии ноҳияи Бобоҷон Ғафуров дар Ҷамоати деҳоти Овчиқалъачаи ноҳия 30 адад чоҳи амудӣ кофта мешавад.

Раиси вилояти Суғд Раҷаббой Аҳмадзода зимни сафар ба ноҳия бо нақшаи бунёд ва обёрии заминҳо шинос шуда, ба масъулин ҷиҳати таъмини саривақтии заминҳои кишт бо оби полезӣ супоришҳо дод. Тавре маълумот дода шуд, тавассути канали Хоҷабоқирғон тақрибан чор ҳазор гектар заминҳои ноҳия обёрӣ шуда, барои пурраву саривақтӣ расонидани оби полезӣ чоҳҳои амудӣ ба истифода дода хоҳад шуд. Чоҳҳои амудӣ бо маблағгузории мақомоти иҷроияи ҳокимияти давлатии вилоят, мақомоти иҷроияи ҳокимияти давлатии ноҳия, раёсати беҳдошти замин ва обёрии вилоят, идораи беҳдошти замин ва обёрии ноҳия, хоҷагиҳои деҳқонии калонтарин кофта мешавад.