Дар шаҳри Нижний Новгород бизнес-форуми доираҳои тиҷоратии вилояти Суғд ва вилояти Нижегород баргузор гардид

Дар толори Палатаи савдо ва саноати вилояти Нижегороди Федератсияи Россия бизнес-форуми доираҳои тиҷоратии вилояти Суғд ва вилояти Нижегород баргузор гардид.

Дар кори бизнес — форум Раиси вилояти Суғд Раҷаббой Аҳмадзода,  и.в губернатори вилояти Нижегород Андрей Гнеушев, роҳбарон ва намояндагони Палатаи савдо ва саноати вилоятҳо, роҳбарони ташкилоту идораҳои вилоятӣ, соҳибкорону тоҷирон ва роҳбарони корхонаву ширакатҳои ду вилоят иштирок намуданд.

Раиси вилояти Суғд Раҷаббой Аҳмадзода зимни суҳбат дар бизнес-форум вобаста ба вазъи иқтисодиёти вилоят, рушди соҳаҳои саноату кишоварзӣ, маорифу тандурустӣ, имкониятҳои соҳаи сайёҳӣ маълумот дода, қайд намуд, ки барои амалисозии иқдомҳои наву манфиатбахш дар ҳамаи соҳаҳо имкониятҳо фаровон аст.

Мулоқоти Раиси вилояти Суғд Раҷаббой Аҳмадзода бо губернатори вилояти Нижегороди ФР Андрей Гнеушев

9 феврал Раиси вилояти Суғд Раҷаббой Аҳмадзода дар шаҳри Нижний Новгород бо и.в губернатори вилояти Нижегороди Федератсияи Россия Андрей Гнеушев мулоқот намуд.

Дар ин мулоқот, ки бо ширкати роҳбарони ташкилоту идораҳо, масъулони вазоратҳои корҳои хориҷӣ, Сафорати Тоҷикистон дар ФР, Палатаи савдо ва саноат, соҳибкорону тоҷирони вилоятҳо доир гардид, ҷонибҳо оид ба таҳкими муносибатҳои иқтисодӣ мубодилаи афкор намуда, дурнамои ҳамкориҳоро баррасӣ карданд.

Шиносоии ҳайати вилояти Суғд бо фаъолияти корхонаи саноатии «Промавто»

Дар рӯзи дуюми сафар ба вилояти Нижегороди Федератсияи Россия ҳайати вилояти Суғд бо роҳбари Раиси вилояти Суғд Раҷаббой Аҳмадзода дар шаҳри Нижний Новгород бо фаъолияти корхонаи саноатии «Промавто» шинос гардид.

Чуноне иттилоъ дода шуд, дар корхонаи азими саноатӣ мошинҳои махсус, аз ҷумла мошинҳо барои кашонидани маводи ғизоӣ, маҳсулоти кишоварзӣ, лабараторияи сайёр ва контейнерҳо, мошинҳои ёрии таъҷилӣ, мошинҳои хизматӣ барои мақомоти корҳои дохилӣ ва ҳолатҳои фавқулода истеҳсол карда мешавад.  

«Промавто» соли 2000 мавриди истифода қарор гирифта, дар он то имрӯз беш аз 20 000 мошинҳои гуногун истеҳсол гардидааст. Корхона аз таҷҳизоти муосири давлатҳои пешрафтаи ҷаҳон истифода бурда, барои муштариёни худ беҳтарин мошинҳоро омода месозад.

Сафари​ намояндагони мақомоти давлатӣ ва соҳибкорони вилояти Суғд​ ба вилояти Нижегороди ФР

Дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини рушди иқтисодиву иҷтимоӣ ва ҷалби сармояи хориҷӣ ба иқтисодиёт 8 феврали соли 2023 гуруҳи​ намояндагони мақомоти давлатӣ ва соҳибкорони вилояти Суғд бо роҳбарии Раиси вилояти Суғд Раҷаббой Аҳмадзода ба вилояти Нижегороди Федератсияи Россия сафар намуд.

Дар Фурудгоҳи байналмилалии ба номи В.П.Чкалови шаҳри Нижний Новгород намояндагони вилояти Суғдро масъулони вилояти​ Нижегород истиқбол гирифтанд.

Боздиди кории Раиси вилоят Раҷаббой Аҳмадзода аз шаҳри Истиқлол

Раиси вилояти Суғд Раҷаббой Аҳмадзода зимни боздиди корӣ аз шаҳри Истиқлол бо ҷараёни корҳои ободониву созандагӣ дар шаҳр шинос гардид.

Ба истиқболи 35-солагии Истиқлоли давлатии Ҷумҳурии Тоҷикистон ва ҷиҳати таъмини иҷрои дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Истиқлол бунёду азнавсозии иншооти гуногун идома дошта, роҳбарият ва сокинони шаҳр барои бо дастовардҳои арзанда истиқбол гирифтани ҷашни таърихии миллат аҳлона меҳнат намуда истодаанд.

Аёдати собиқадорони меҳнат ва беморон дар шаҳри Конибодом

Дар доираи сафари корӣ ба шаҳри Конибодом Раиси вилояти Суғд Раҷаббой Аҳмадзода собиқадорони меҳнат ва беморонро аёдат кард.

Раиси вилоят аз ҷумла аз ҳоли собиқадорони меҳнат Тӯйчибой Ҳоҷибоев ва Қумриҷон Баротова хабар гирифта, ба онҳо кӯмакҳои модии худро расонид. Чуноне иттилоъ дода шуд, Тӯйчибой Ҳоҷибоев солҳои зиёд дар соҳаи савдо ва хизматрасонӣ, хизмати давлатӣ, идораи барқ кор кардааст. Қумриҷон Баротова бошад дар хоҷагии ба номи Энаҷон Бойматова ба ҳайси коргар ва ҳам сармуҳосиб фаъолият дошт.