Барои иштирок дар Ярмаркаи байналмилалии савдо «Суғд-2024» наздик 40 нафар кормандони ниҳодҳои давлатӣ ва соҳибкорони вилояти Тошканди Ҷумҳурии Ӯзбекистон бо роҳбарии ҳокими вилояти Тошканд Зоир Мирзоев ба вилояти Суғд ташриф оваранд.

Раиси вилояти Суғд Раҷаббой Аҳмадзода ҳокими вилояти Тошканд Зоир Мирзоев ва ҳамроҳонашро ба ҳузур пазируфт.

Зимни суҳбат роҳбарони вилоятҳо таъкид карданд, ки бо дастгириҳои доимии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев ҳамкориҳои байни минтақаҳои ду кишвар тавсеа ёфта, робитаҳои дӯстона мустаҳкам гардида истодааст.

Раиси вилояти Суғд Раҷаббой Аҳмадзода ҳо­кими вилояти Наманго­ни Ҷумҳурии Ӯзбекист­он Шавкатҷон Абдураз­оқовро ба ҳузур пази­руфт.

Ҳайати вилояти Наман­гон бо роҳбарии ҳоки­ми вилоят барои ишти­рок дар Ярмаркаи ба­йналмилалии савдо «С­уғд-2024» ба вилоят ташриф овард.

Аснои мулоқот роҳбар­они вилоятҳо аз густ­ариши ҳамкории мутақ­обилан судманд, ки самараи сиёсати оқило­наи сарони давлатҳо Асосгузори сулҳу ваҳ­дати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳм­он ва Президенти Ҷум­ҳурии Узбекистон муҳ­тарам Шавкат Мирзиёев аст, изҳори қаноат­мандӣ намуданд.

Раиси вилояти Суғд Раҷаббой Аҳмадзода аз тақвияти робитаҳои дӯстона бо вилоятҳои Ҷумҳурии Ӯзбекистон истиқбол карда, бар­ои боз ҳам тавсеа ёф­тани муносибатҳо омо­дагии худро изҳор до­шт. Таъкид карда шуд, ки соҳибкорони ду вилоят метавонанд дар соҳаҳои саноату ки­шоварзӣ тарҳҳои барои ҳарду ҷониб манфиа­тбахшро амалӣ созанд.

Ҳайти вилояти Пензаи Федератсияи Россия бо роҳбарии губернатори вилоят Олег Мелниченко бо мақсади иштирок дар Ярмаркаи байналмилалии савдо «Суғд-2024» ба шаҳри Хуҷанд ташриф овард.

Раиси вилояти Суғд Раҷаббой Аҳмадзода меҳмононро ба ҳузур пазируфта, онҳоро ба Суғди бостонӣ хайрамақдам гуфт.

Дар мулоқоти ҷонибҳо, ки дар шаҳри Гулистон ҷараён гирифт, роҳбарони ду вилоят барои таҳкими робитаҳои дӯстонаи ду вилоят изҳори омодагӣ намуданд.

Тазаккур дода шуд, ки Тоҷикистону Федератсияи Россия шарикони стратегӣ буда, бо сиёсати оқилонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин ҳамкории минтақаҳои ду кишвар низ тавсеа меёбад.

Раиси вилояти Суғд Раҷаббой Аҳмадзода Сафири Фавқулода ва Мухтори Федератсияи Россия дар Ҷумҳурии Тоҷикистон Семен Григоревро ба ҳузур пазируфт.

Зимни мулоқот ҷонибҳо оид ба рушду таҳкими робитаҳои дӯстӣ ва ҳамкории гуногунҷанбаи судманд мубодилаи афкор намуданд.

Таъкид карда шуд, ки бо сиёсати пешгирифтаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин ду кишвари дӯст дар бахшҳои мухталиф, аз ҷумла саноат, энергетика, кишоварзӣ, сармоягузорӣ, маориф ва фарҳанг ҳамкории зич доранд.

Раиси вилоят илова намуд, ки дар вилояти Суғд имкониятҳо фаровон буда, бо ҷалби сармоя метавон робитаҳои иқтисодиву тиҷоратиро боз ҳам мустаҳкам намуд.

Имрӯз Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихон Турехонов мулоқот намуд.

Валихон Турехонов бо ҳамроҳии муовини якуми раиси шаҳри Шимкенти Ҷумҳурии Қазоқистон ва намояндагони доираҳои тиҷоратӣ ҷиҳати иштирок дар Ярмаркаи байналмилалии савдо "Суғд-2024" ба вилояти Суғд ташриф оварданд.

Ҷонибҳо аснои мулоқот таъкид карданд, ки бо сиёсати пешгирифтаи роҳбарони давлатҳо муносибатҳои дӯстона рушд ёфта, мубодилаи молу маҳсулот сол аз сол зиёд гардида истодааст.

Раиси вилоят изҳор дошт, ки вилояти Суғд омода аст ҳамкориро дар соҳаҳои саноат, кишоварзӣ, иқтисоду тиҷорат, илму маориф, фарҳангу тиб густариш бахшад.

Имрӯз Раиси вилояти Суғд Раҷаббой Аҳмадзода Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон Алимирзамин Аскаровро ба ҳузур пазируфт.

Зимни суҳбат ҷонибҳо аз тавсеаи ҳамкориҳои мутақобилан судманд изҳори қаноатмандӣ намуда, доир ба густариши робитаҳо мубодилаи афкор намуданд.

Таъкид гардид, ки бо сиёсати оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Озарбойҷон муҳтарам Илҳом Алиев ду кишвар дар самтҳои мухталиф ҳамкории самаранок доранд.

Ҷонибҳо омодагии худро барои тақвияти робитаҳои иқтисодӣ, фарҳангӣ, илму маориф, инчунин ташкили рӯзҳои фарҳангӣ изҳор доштанд.