3 апрели соли 2025 Раиси Ҷумҳурии Тотористони Федератсияи Россия Рустам Минниханов бо сафари корӣ ба вилояти Суғд ташриф овард. Дар доираи ин сафар дар шаҳри Гулистон мулоқоти расмии дуҷониба ва ҷаласаи васеи ҳайатҳои вилояти Суғди Ҷумҳурии Тоҷикистон ва Ҷумҳурии Тотористон баргузор гардид.

Раиси вилояти Суғд Раҷаббой Аҳмадзода нахуст меҳмони олиқадрро ба Суғди бостонӣ хайрамақдам гуфта, зикр намуд, ки бо сиёсати хирадмандонаи сарони давлатҳо – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Федератсияи Россия муҳтарам Владимир Путин – муносибатҳои байниминтақавӣ миёни ду кишвар дар ҳоли тавсеа қарор дошта, мубодилаи молу маҳсулот афзоиш ёфта истодааст.

Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шугарф ва Сафири Фавқулода ва Мухтори Ҷумҳурии Франсия дар Ҷумҳурии Тоҷикистон хонум Элза Пинёл мулоқот намуд. 

Зимни мулоқот ҷонибҳо аз ҳамкории судманди Тоҷикистон бо Ҷумҳурии Федеративии Олмон ва Ҷумҳурии Франсия изҳори қаноатмандӣ намуданд. Гуфта шуд, ки дар доираи сиёсати дурнигаронаи сарони кишварҳо зарфиятҳои мавҷудаи соҳаҳои саноату энергетика, кишоварзӣ, илму маориф, сайёҳӣ ва дигар соҳаҳои муҳим мақсаднок истифода гардида, ҳамкориҳо тақвият бахшида мешаванд. 

Раиси вилояти Суғд Раҷаббой Аҳмадзода вобаста ба рушди соҳаи саноат, бунёди корхонаҳои саноатӣ ва имкониятҳои соҳа, соҳаи кишоварзӣ, бахши сайёҳӣ ба меҳмонон маълумоти муфассал дод. 

Дар меҳмонхонаи "Суғдиён"-и шаҳри Хуҷанд мулоқоти Раиси вилояти Суғд Раҷаббой Аҳмадзода бо ҳайати вилояти Тошканди Ҷумҳурии Ӯзбекистон баргузор гардид. 

Дар мулоқот таъкид гардид, ки бо сиёсати оқилонаи сарони давлатҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев ҳамкорӣ миёни минтақаҳои ду давлат тавсеа ёфта, муболилаи молу маҳсулот зиёд гардида истодааст. 

Иттилоъ дода шуд, ки соли 2024 ҳаҷми гардиши молу маҳсулот миёни вилояти Суғд ва минтақаҳои гуногуни Ҷумҳурии Ӯзбекистон 350 миллион доллари ИМА-ро ташкил карда, захираву имкониятҳо барои зиёд намудани табодули маҳсулот ҳанӯз фаровон аст. 

Раиси вилояти Суғд, Раиси Федератсияи футболи вилоят Раҷаббой Аҳмадзода гурӯҳи кории Федератсияи футболи Тоҷикистонро ба ҳузур пазируфт.

Дар ҳайати гурӯҳи корӣ ноибони президенти Федератсияи футболи Тоҷикистон Алишер Урунов, Сайвалӣ Дониёрзода ва директори Лигаи футболи Тоҷикистон Субҳон Шодиев шомил буда, зимни мулоқот масъалаҳои мубрами футбол дар вилоят, аз ҷумла футболи кӯдакону наврасон, бонувон, футзал, футболи клубӣ, ҳамзамон иҷрои нақшаи чорабиниҳои Федератсияи футболи Тоҷикистон мавриди баррасӣ қарор гирифт.

Иттилоъ дода шуд, ки ҷиҳати иҷрои саривақтии дастуру супоришҳои Президенти Федератсияи футболи Тоҷикистон муҳтарам Рустами Эмомалӣ гурӯҳи корӣ таъсис дода шуда, аз варзишгоҳҳои 15 шаҳру ноҳияи вилояти Суғд боздид ба амал оварда шуд.

Раиси вилояти Суғд Раҷаббой Аҳмадзода директори Агентии рушди агросаноати Ҷумҳурии Ӯзбекистон Нуралӣ Абдуллоевро ба ҳузур пазируфт.

Дар мулоқот масоили ҳамкории дуҷониба, густариши муносибатҳо, татбиқи лоиҳаҳои муштарак дар самти кишоварзӣ мавриди таҳлилу баррасӣ қарор гирифт.

Раиси вилоят меҳмононро ба вилояти Суғд хайрамақдам гуфта, аз ҳамкории судманду манфиатбахши тарафҳо изҳори қаноатмандӣ намуд. 

Таъкид гардид, ки густариши робитаҳо ва таҳкими муносибатҳо самараи сиёсати оқилонаи сарони давлатҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Президенти Ҷумҳурии Ӯзбекистон муҳтарам Шавкат Мирзиёев буда, ҳамкорӣ дар сатҳи минтақаҳо низ ривоҷу равнақ меёбад.

30 декабри соли 2024 Раиси вилояти Суғд Раҷаббой Аҳмадзода дар арафаи Соли нави мелодӣ бо собиқадорон ва шахсиятҳои барӯманди арсаи меҳнат мулоқот намуд.

Раиси вилоят нахуст собиқадорони меҳнатро ба муносибати Соли нави мелодӣ табрик гуфта, илова намуд, ки дар соли 2024 ба шарофати заҳмати содиқонаи мардуми кишвар раванди созандагиву ободкорӣ бомаром идома ёфта, нақшаву барномаҳои пешбинигардида ҷиҳати таъмин намудани рушди устувори иқтисоди миллӣ ва баланд бардоштани сатҳу сифати зиндагии сокинони мамлакат ҳадафмандона амалӣ карда шуданд.

Таъкид гардид, ки Ҳукумати ҷумҳурӣ, аз ҷумла Мақомоти иҷроияи ҳокимияти давлатии вилояти Суғд баҳри баланд бардоштани сатҳу сифати зиндагии мардум, бахусус нафақагирон ва собиқадорони меҳнат пайваста ғамхорӣ зоҳир менамояд.