Мақомоти иҷроияи ҳокимияти
давлатии вилояти Суғд
12 апрел дар гузаргоҳи сарҳадии «Гулистон»-и шаҳри Исфара мулоқоти Раиси вилояти Суғд Раҷаббой Аҳмадзода ва намояндаи ваколатдори Президенти Қирғизистон дар вилояти Бодканд Абдикарим Алимбаев баргузор гардид.
Зимни суҳбат ҷонибҳо хостори тақвияти корҳои фаҳмондадиҳӣ бобати пешгирии муноқишаҳо ва ҳолатҳои ба муноқишаҳо сабабшаванда гардида, таъкид доштанд, ки мардумони ду кишвар асрҳо инҷониб дар канори ҳам зиндагӣ доранд ва бояд анъанаҳои неки ҳамсоядорӣ минбаъд низ риоя карда шавад.
11 апрел Раиси вилояти Суғд Раҷаббой Аҳмадзода бо намояндаи минтақавии ЮНЕСКО дар Осиёи Марказӣ хонум Криста Пиккат мулоқот кард.
Раиси вилоят аснои мулоқот ба нақши ЮНЕСКО дар ҳифзу нигоҳдошти ёдгориҳои таърихӣ, рушди илму маориф, тиббу фарҳанг баҳои баланд дода, аз ҳамкориҳои судманд бо ин ниҳоди байналмилалӣ изҳори қаноатмандӣ намуд.
10 апрел Раиси вилояти Суғд Раҷаббой Аҳмадзода соҳибкор аз Ҷумҳурии Фаронса Патрик Хоффманро ба ҳузур пазируфт.
Зимни суҳбат ҷонибҳо оид ба роҳандозии ҳамкориҳои мутақобилан судманд мубодилаи афкор намуданд.
Раиси вилоят ба соҳибкор доир ба вазъи соҳаҳои саноату кишоварзӣ маълумот дод.
Рӯзи якшанбеи 10 апрел ҳайати соҳибкорони вилояти Липетски Федератсияи Россия бо роҳбарии Президенти Палатаи савдо ва саноати вилояти Липетск Анатолий Голтсов ба вилояти Суғд ташриф овард.
Раиси вилояти Суғд Раҷаббой Аҳмадзода дар мулоқоти дуҷониба бо Президенти Палатаи савдо ва саноати вилояти Липетск Анатолий Голтсов меҳмононро ба Суғди бостонӣ хайрамақдам гуфта, изҳори боварӣ кард, ки сафари навбатии соҳибкорону масъулони вилояти Липетск ба вилояти Суғд ба ҳамкориҳои дуҷониба такони нав хоҳад бахшид.
Раиси вилояти Суғд Раҷаббой Аҳмадзода муассиси ҶДММ “Баракат - Исфара” Борис Игнатенко ва директори генералии ширкат Дилшод Ҷаббориро ба ҳузур пазируфт.
Зимни суҳбат ҷонибҳо доир ба фаъолияти имрӯзаи корхона ва тавсеаи фаъолияти он мубодилаи афкор намуданд.
Имрӯз Раиси вилояти Суғд Раҷаббой Аҳмадзода роҳбарияти Ширкати куҳӣ- саноатии Тоҷикистону Хитойро ба ҳузур пазируфт.
Зимни мулоқоти ҷонибҳо масъалаҳои марбут ба фаъолияти ширкат баррасӣ карда шуда, ба нақши корхонаи азими саноатӣ дар рушди соҳа баҳои баланд дода шуд. Ширкати куҳӣ-саноатии Тоҷикистону Хитой аз калонтарин корхонаҳои вилоят маҳсуб ёфта, дар он садҳо нафар кор мекунанд.
Раиси вилояти Суғд Раҷаббой Аҳмадзода бо намояндаи махсуси Иттиҳоди Аврупо дар Осиёи Марказӣ Тери Ҳакала мулоқот намуд.
Раиси вилоят зимни суҳбат таъкид кард, ки Ҷумҳурии Тоҷикистон аз солҳои аввали соҳибистиқлолӣ бо Иттиҳоди Аврупо ҳамкории густардаро ба роҳ монда, миёни сохторҳои Тоҷикистон ва ин ташкилоти байналмилалӣ робитаҳои гуногунҷанба мавҷуд аст.
