2 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Дубай дар ҳошияи Конфронси 28-уми ҷонибҳои Конвенсияи қолабии Созмони Милали Муттаҳид оид ба масъалаҳои тағйирёбии иқлим бо Президенти Бонки Аврупоии таҷдид ва рушд хонум Одил Рено-Бассо мулоқот намуданд.

Дар рафти вохӯрӣ масоили ҳамкории Тоҷикистон ва Бонки Аврупоии таҷдид ва рушд мавриди муҳокима қарор дода шуд.

Президенти мамлакат муҳтарам Эмомалӣ Раҳмон ба роҳбарияти Бонк барои ҳамкории пайваста ва судманд сипос гуфта, изҳори итминон намуданд, ки ҳамкориҳои ду ҷониб минбаъд низ дар соҳаҳои афзалиятнок, аз ҷумла маблағгузории лоиҳаҳои стратегии Тоҷикистон босамар идома хоҳад ёфт.

Муҳтарам иштирокдорони ҳамоиш,
Хонумҳо ва ҷанобон!

Пеш аз ҳама, шуморо дар ин чорабинӣ хайрамақдам мегӯям.

Обшавии пиряхҳо яке аз нишондиҳандаҳои асосии арзёбии таъсири тағйирёбии иқлим ба манбаъҳои захираҳои об мебошад.

Нишасти имрӯзаи мо ҳамоиши дуюми сатҳи баланд аст, ки пас аз қабули қатъномаи Созмони Милали Муттаҳид оид ба эълон намудани соли 2025 ҳамчун Соли байналмилалии ҳифзи пиряхҳо баргузор мегардад.

Мехоҳам қайд намоям, ки мутобиқи ин қатънома 21 март ҳамчун “Рӯзи ҷаҳонии пиряхҳо” эълон гардида, “Фонди мақсадноки байналмилалӣ оид ба масъалаҳои ҳифзи пиряхҳо” таъсис дода шуд.

2 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Дубайи Амороти Муттаҳидаи Арабӣ дар ҳошияи Конференсияи 28-уми тарафҳои Конвенсияи қолабии Созмони Милали Муттаҳид оид ба тағйирёбии иқлим дар маросими ифтитоҳи Павилиони миллии Ҷумҳурии Тоҷикистон ва чорабинии сатҳи баланди “Амалҳои ҷаҳонӣ дар самти ҳифзи пиряхҳо”, ки бо ибтикори давлати мо дар чорчӯби ин конфронс доир гардид, иштирок ва суханронӣ намуданд.

Дар суханронии худ Пешвои миллат иштирокдорони ҳамоишро хайрамақдам гуфта, таваҷҷуҳи ҳозиринро ба аҳаммияти қабули қатъномаи Созмони Милали Муттаҳид оид ба эълон намудани соли 2025 ҳамчун Соли байналмилалии ҳифзи пиряхҳо ва 21 март ҳамчун Рӯзи ҷаҳонии пиряхҳо, ҳамчунин дар чорчӯби Созмони Милал таъсис додани Фонди мақсадноки байналмилалӣ оид ба масъалаҳои ҳифзи пиряхҳо ҷалб намуданд.

Муҳтарам ҷаноби Раис, Хонумҳо ва ҷанобон.

Пеш аз ҳама, мехоҳам ба Созмони Милали Муттаҳид ва Ҳукумати Амороти Муттаҳидаи Арабӣ барои баргузории иҷлоси имрӯза миннатдории худро иброз намоям.

Ҷумҳурии Тоҷикистон, ки 93 фоизи қаламрави онро кӯҳҳо ташкил медиҳанд, рӯ ба рӯйи пайомадҳои тағйирёбии иқлим яке аз кишварҳои осебпазир ба шумор рафта, ҳамасола бо обхезӣ, сел, фаромадани ярчу тарма ва дигар офатҳои табиии марбут ба об дучор мешавад.

Мо аз офатҳои табиии марбут ба об, ки дар ҳолатҳои алоҳида ҳатто боиси талафоти ҷонӣ мегарданд, ҳамасола зарари зиёди молию моддӣ мебинем.

1 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Дубайи Амороти Муттаҳидаи Арабӣ дар иҷлосияи пленарии Конфронси 28-уми ҷонибҳои Конвенсияи қолабии СММ доир ба тағйирёбии иқлим иштирок ва суханронӣ намуданд.

Сарвари давлати мо ба Созмони Милали Муттаҳид ва Ҳукумати Амороти Муттаҳидаи Арабӣ изҳори миннатдорӣ намуда, ба масъалаҳои асосии мушкилоти тағйирёбии иқлим таваҷҷуҳ зоҳир намуданд.

Ба таъкиди Президенти Ҷумҳурии Тоҷикистон, мамлакати мо, ки 93 фоизи онро кӯҳҳо ташкил медиҳанд, яке аз давлатҳои аз ҳама осебпазир аз оқибатҳои тағйирёбии иқлим мебошад.

1 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Дубайи Амороти Муттаҳидаи Арабӣ дар маросими ифтитоҳи Конфронси 28-уми тарафҳои Конвенсияи қолабии Созмони Милали Муттаҳид оид ба масъалаҳои тағйирёбии иқлим (COP28) иштирок намуданд.

Дар маросими ифтитоҳи конфронс Президенти Ҷумҳурии Тоҷикистон муҳтарам Эмомалӣ Раҳмонро Президенти Амороти Муттаҳидаи Арабӣ Шайх Муҳаммад ибни Зойид Оли Наҳён ва Дабири кулли Созмони Милали Муттаҳид Антонио Гутерриш истиқбол гирифтанд.

Дар Конфронси 28-уми тарафҳои Конвенсияи қолабии Созмони Милали Муттаҳид оид ба масъалаҳои тағйирёбии иқлим (COP28) роҳбарони давлатҳо ва ҳукуматҳои беш аз 160 кишвари ҷаҳон, ташкилоту созмонҳои байналмилалӣ иштирок намуданд.