Вохӯрии номзад ба вакили Маҷлиси вакилони халқи вилояти Суғд Раҷаббой Аҳмадзода бо интихобкунандагон аз ҳавзаи интихоботии «Фирўзоба», №20 – и шаҳри Конибодом

Азназаргузаронӣ: 287

18 феврал вохӯрии номзад ба вакили Маҷлиси вакилони халқи вилояти Суғд Раҷаббой Аҳмадзода бо интихобкунандагон аз ҳавзаи интихоботии «Фирўзоба», №20 – и шаҳри Конибодом баргузор гардид.

Номзад ба вакили Маҷлиси вакилони халқи вилояти Суғд аз ҳавзаи интихоботии «Фирўзоба», №20 Раҷаббой Аҳмадзода зимни вохӯрӣ бо интихобкунандагон иброз дошт, ки имрўзҳо мардуми шарифи Тоҷикистон дар арафаи маъракаи муҳими сиёсӣ – интихоботи навбатии вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ қарор доранд ва ин чорабинии муҳим рӯзи 2 март доир мегардад.

Дар вохӯрӣ таъкид карда шуд, ки Барномаи пешазинтихоботии номзад ба вакили Маҷлиси вакилони халқи вилояти Суғд Раҷаббой Аҳмадзода дар асоси Барномаи пешазинтихоботии Ҳизби Халқии Демократии Тоҷикистон «Самтҳои муҳимтарини рушди мамлакат дар солҳои 2025-2030» ва шиори «Барои пешрафт ва саодати халқи Тоҷикистон!» таҳия шудааст.

Дар шаҳри Конибодом ба 10 оилаи ниёзманд хонаҳои нав супорида шуд

Азназаргузаронӣ: 220

Ҷиҳати таъмини иҷрои дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии қишри ниёзманди ҷомеа дар шаҳри Конибодом ба 10 оилаи ниёзманд хонаҳои нав супорида шуд.

Раиси вилояти Суғд Раҷаббой Аҳмадзода аз номи Пешвои миллат муҳтарам Эмомалӣ Раҳмон калиди хонаҳоро ба оилаҳои ниёзманд супорид. 

Аснои суҳбат бо сокинон роҳбари вилоят онҳоро барои соҳиб шудан ба хонаҳои нав табрик карда, иброз дошт, ки давлат ва Ҳукумати мамлакат қишри осебпазири ҷомеаро мунтазам дастгирӣ менамояд. Тақдими хонаҳо ба ниёзмандон аз ҷониби соҳибкорони ватандӯст дар Конибодом намунаи олии татбиқи дастуру супоришҳои Пешвои муаззами миллат муҳтарам Эмомалӣ Раҳмон арзёбӣ карда шуд.

Дар Конибодом ба сохтмони се кӯдакистон санги асос гузошта шуд

Азназаргузаронӣ: 284

Бо мақсади иҷрои дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паём ба Маҷлиси Олии мамлакат баён доштанд, дар шаҳри Конибодом барои бунёди кӯдакистонҳо тадбирҳои зарурӣ амалӣ карда мешавад.

18 феврал бо иштироки Раиси вилояти Суғд Раҷаббой Аҳмадзода дар деҳаҳои Сомониён, Равот ва Ғалчамуллои шаҳри Конибодом бо сохтмони се кӯдакистон санги асос гузошта шуд. 

Тибқи иттилои масъулин дар кӯдакистонҳои бунёдшаванда наздик 600 нафар хурдсолон ба таълиму тарбия фаро гирифта мешаванд. Дар назар аст, ки соли равон дар шаҳр панҷ кӯдакистони нав бунёд гардида, фарогирии кӯдакон ба муассисаҳои томактабӣ беҳтар карда шавад.

“Хуҷанд" барои ҷамъомади таълимӣ-тамринӣ ба шаҳри Тошканд сафар намуд

Азназаргузаронӣ: 281

18 феврал ҳайати 28 нафараи тими футболи “Хуҷанд", аз ҷумла 22 нафар бозингар ва 6 нафар ҳайати ситоди мураббиён бо мақсади тамрин ва табодули таҷриба ба шаҳри Тошканди Ҷумҳурии Ӯзбекистон сафар намуд.

Ҳайати футболбозонро Раиси вилояти Суғд, Раиси Федератсияи футболи вилоят Раҷаббой Аҳмадзода ва роҳбарияти шаҳри Хуҷанд гусел намуданд.

Раиси вилояти Суғд, Раиси Федератсияи футболи вилоят Раҷаббой Аҳмадзода дар суҳбат бо мураббиёну бозингарон иброз дошт, ки бояд тими “Хуҷанд” дар мавсими имсолаи футбол бозии худро куллан дигар кунад ва роҳбарияти клубу мухлисон умедвориҳои зиёд аз ин даста доранд.

Мулоқот бо гурӯҳи кории Федератсияи футболи Тоҷикистон

Азназаргузаронӣ: 201

Раиси вилояти Суғд, Раиси Федератсияи футболи вилоят Раҷаббой Аҳмадзода гурӯҳи кории Федератсияи футболи Тоҷикистонро ба ҳузур пазируфт.

Дар ҳайати гурӯҳи корӣ ноибони президенти Федератсияи футболи Тоҷикистон Алишер Урунов, Сайвалӣ Дониёрзода ва директори Лигаи футболи Тоҷикистон Субҳон Шодиев шомил буда, зимни мулоқот масъалаҳои мубрами футбол дар вилоят, аз ҷумла футболи кӯдакону наврасон, бонувон, футзал, футболи клубӣ, ҳамзамон иҷрои нақшаи чорабиниҳои Федератсияи футболи Тоҷикистон мавриди баррасӣ қарор гирифт.

Иттилоъ дода шуд, ки ҷиҳати иҷрои саривақтии дастуру супоришҳои Президенти Федератсияи футболи Тоҷикистон муҳтарам Рустами Эмомалӣ гурӯҳи корӣ таъсис дода шуда, аз варзишгоҳҳои 15 шаҳру ноҳияи вилояти Суғд боздид ба амал оварда шуд.

Мақолаҳои боқимонда...