Сафари кории Раиси вилоят Раҷаббой Аҳмадзода ба шаҳри Истаравшан

4 июл Раиси вилояти Суғд Раҷаббой Аҳмадзода ба шаҳри Истаравшан сафари корӣ анҷом дода, бо ҷараёни бунёдкориҳо шинос гардид.

Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон дар шаҳри Истаравшан бунёди иншооти гуногун идома дошта, сокинон тасмим доранд, ки ҷашни таърихиро бо дастовардҳои арзанда истиқбол гиранд.

Раиси вилоят дар хиёбони ба номи Исмоили Сомонӣ бо рафти корҳои сохтмонӣ дар маҷмааи хизматрасонии “Шоҳроҳи абрешим” шинос шуда, барои тақвиятбахшии корҳо супоришҳои мушаххас дод.

Мулоқот бо котиби Шӯрои умумиҷаҳонии ҳунармандон Саъд ал-Қаддумӣ

Нимаи дуюми рӯзи 4 июл Раиси вилояти Суғд Раҷаббой Аҳмадзода котиби Шӯрои умумиҷаҳонии ҳунармандон Саъд ал-Қаддумӣ ва ҳайати ҳамроҳонашро ба ҳузур пазируфт.

Раиси вилоят меҳмононро ба Суғди бостонӣ хайрамақдам гуфта, таъкид дошт, ки давоми солҳои соҳибистиқлолии Тоҷикистон бо дастгириҳои пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба эҳё ва рушди ҳунарҳои мардумӣ таваҷҷуҳи хоса равона гардида, дар ин самт ҷиҳати дастгирии ҳунармандон як қатор барнома ва лоиҳаҳо татбик карда мешавад. Дар шаҳру навоҳии вилояти Суғд бо ин мақсад дар мавзеъҳои таърихӣ растаи ҳунармандон, коллеҷу мактабҳои омӯзишӣ, марказҳои ҳунаромӯзӣ таъсис дода шуда, шумораи бештари сокинон ба касбомӯзӣ ҷалб карда мешаванд.

Боздиди Раиси вилоят аз Маҷмааи ҳавзҳои шиноварӣ дар шаҳри Хуҷанд

Раиси вилояти Суғд Раҷаббой Аҳмадзода бо фаъолияти Маҷмааи ҳавзҳои шиноварии шаҳри Хуҷанд шинос гардид.

Маҷмаа дорои 2 ҳавзи шиноварӣ, ҳуҷраҳо барои ивази либос, ҳаммом, ҳуҷраҳои корӣ, нуқтаи тиббӣ, ва толори машқ барои дӯстдорони намуди варзиш мебошад.  

Зимни шиносоӣ Раиси вилояти Суғд Раҷаббой Аҳмадзода таъкид намуд, ки воқеан дар замони соҳибистиқлолии мамлакат маҳз бо ғамхориҳои Пешвои миллат муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар рушд карда, барои машғул шудан ба машқу тамрин ва иштироки варзишгарон дар мусобиқаҳои сатҳи байналмилалӣ тамоми шароитҳои зарурӣ фароҳам оварда шуд.

Таҷлили 27-умин солгарди Рўзи Ваҳдати миллӣ дар вилояти Суғд

27 июн ба муносибати 27-умин солгарди Рўзи Ваҳдати миллӣ дар Қасри таърихии Арбоб бо иштироки роҳбарияти вилоят, аҳли зиё намояндагони шаҳру ноҳияҳо, ташкилоту идораҳо, ҳизбҳои сиёсӣ ва ташкилоти ҷамъиятӣ чорабинии тантанавӣ баргузор гардид.

Раиси вилояти Суғд Раҷаббой Аҳмадзода ҳозирин ва тамоми сокинони вилоятро бахшида ба Рӯзи Ваҳдати миллӣ табрику муборакбод гуфта, барои кишвари азизамон рушду тараққиёт ва пешрафту шукуфоӣ таманно намуд.

Таъкид карда шуд, ки имрӯз ҷашни ваҳдати миллӣ ҳамчун дастоварди бузургу таърихии халқамон ба яке аз ҷашнҳои умумимиллии мо ва рамзи иттиҳоду ҳамбастагии мардуми шарифи тоҷик табдил ёфтааст.

Паёми табрикии Раиси вилоят бахшида ба солгарди Рӯзи Ваҳдати миллӣ

Ҳамдиёрони азиз!

Бо арзи эҳтиром ва самимияти афзун кулли бошандагони вилоятро аз номи Мақомоти иҷроияи ҳокимияти давлатии вилояти Суғд бо фарорасии Рӯзи Ваҳдати миллӣ самимона табрику муборакбод гуфта, бароятон саломатӣ, саодатмандӣ ва дар зиндагӣ комёбиҳои беназир таманно менамоям. 

Шоистаи зикр аст, ки мардуми шарафманди вилоят солгарди навбатии Рӯзи Ваҳдати миллиро, ки падидаи нодир ва дастоварди беназири даврони соҳибистиқлолиамон маҳсуб меёбад, бо шукргузорӣ аз фазои орому осудаи кишвар ва сиёсати созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дастовардҳои арзандаи меҳнатӣ истиқбол мегирад. 

Соли равон дар партави “Соли маърифати ҳуқуқӣ” муҳтавои муқаррароти санадҳои меъёрӣ-ҳуқуқӣ, ки дар кишвар амал мекунанд, бахшида ба 30-солагии қабули Конститутсияи Ҷумҳурии Тоҷикистон васеъ тарғиб мегардад, итминон аст, ки тақвияти маърифати ҳуқуқӣ ҷиҳати таҳкими ваҳдати миллӣ мусоидат хоҳад намуд.