Идомаи мумфаршкунии роҳҳои дохилӣ дар Шаҳристон

Азназаргузаронӣ: 131

Ба истиқболи 35-солагии Истиқлоли давлатии Ҷумҳурии Тоҷикистон дар ноҳияи Шаҳристон корҳои ободониву созандагӣ вусъат меёбад. 

Сокинони сарбаланди ноҳия бо мақсади таъмини иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва сазовор истиқбол гирифтани 35-солагии Истиқлоли давлатии Ҷумҳурии Тоҷикистон аҳлона меҳнат намуда, дар ободонии маҳал саҳм гузошта истодаанд. 

Бо дастгирии мақомоти иҷроияи ҳокимияти давлатии ноҳияи Шаҳристон ва саҳмгузории сокинони бо нангу номуси деҳаи Навкенти Ҷамоати деҳоти Бунҷикат 3 км роҳи марказии деҳаи Навкент мумфарш ва кӯчаҳои деҳа чароғон карда шуд.

Чунин бунёдкориҳо дар тамоми деҳаҳои ноҳия идома дошта, аҳолӣ бо дастгирии мақомоти давлатӣ беш аз пеш дар корҳои ободонӣ саҳм мегузорад.

Дар Панҷакент маҳали нави аҳолинишин бунёд мегардад

Азназаргузаронӣ: 239

Дар маҳали нави аҳолинишин, ки дар наздикии деҳаи Гулистони Ҷамоати деҳоти Воруи шаҳри Панҷакент воқеъ аст, бо иштироки масъулин ва намояндагони шарикони рушд маросими гузоштани санги асос баргузор гардид.

Лоиҳаи бунёди деҳаи нав дар доираи ҳамкориҳои Ҳукумати Ҷумҳурии Тоҷикистон бо Амороти Муттаҳидаи Араб, бо дастгирии мақомоти иҷроияи маҳаллии ҳокимияти давлатии шаҳр ва сармоягузории ташкилоти байналмилалии хайриявии "Шарҷа" аз ҷониби ташкилоти ҷамъиятии хайриявии “Тоҷикистон” амалӣ мегардад.

Дар марҳалаи аввал, дар замине, ки бо қарори Ҳукумати мамлакат ва мақомоти маҳаллӣ барои оилаҳои эҳтиёҷманд ҷудо гардидааст, барои 25 хонаводаи ниёзманди Ҷамоати деҳоти Вору манзилҳои истиқоматии иборат аз се ҳуҷра ва утоқҳои ёрирасон сохта хоҳанд шуд. Ҳамзамон, хати барқ ва оби нӯшокӣ гузаронида, бунёди бинои муассисаи таълимӣ ва нуқтаи тиббӣ низ дар назар аст.

Қадршиносии ғолибони даври шаҳрии озмунҳои ҷумҳуриявӣ дар Истаравшан

Азназаргузаронӣ: 285

25 июни соли ҷорӣ дар доираи чорабиниҳо ба муносибати ҷашни Ваҳдати миллӣ дар толори мактаб-интернати шаҳри Истаравшан маросими супоридани ҷоизаҳо ба ғолибони даври шаҳрии озмунҳои ҷумҳуриявии “Тоҷикистон-Ватани азизи ман!”, “Фурӯғи субҳи доноӣ китоб аст!” ва “Илм-фурӯғи маърифат!” баргузор гардид.

Зикр гардид, ки Пешвои миллат бо ғамхории беандоза ва таваҷҷуҳи хосса ба рушди ҷавонон ва эҳё намудани анъанаҳои беҳтарини миллӣ, ташкили озмунҳои ҷумҳуриявиро як воситаи муҳими ташаккули малакаҳо ва қобилиятҳои насли наврас мешуморанд. 

Бо ибтикори Пешвои муаззами миллат озмунҳои гуногуни ҷумҳуриявӣ, ба монанди “Тоҷикистон-Ватани азизи ман!”, “Фурӯғи субҳи доноӣ китоб аст!” ва “Илм-фурӯғи маърифат!” роҳандозӣ шуданд.

Мақолаҳои боқимонда...

Категорияҳои дигари ин бахш

Категорияҳои дигари ин бахш