2-юми апрели соли 2025 гуруҳи аввалини ҷавонони даъватии ноҳияи Айнӣ, ҷавонони ватандӯсту шуҷоатманд, ки ихтиёран бо амри дилу виҷдон ба хизмати Ватан-модар омода шуданд, ботантана ба сафи Қувваҳои Мусаллаҳи Ҷумҳурии Тоҷикистон гуселонида шуданд.

Ба ин муносибат дар майдони назди Нишони давлатии Ҷумҳурии Тоҷикистон дар ноҳияи Айнӣ ҳамоиши бошукӯҳи тантанавӣ бо иштироки роҳбарияти мақомоти иҷроияи ҳокимияти давлатӣ, раисони ҷамоатҳои шаҳраку деҳот, кормандони комиссариати ҳарбӣ, масъулини мизҳои ҳарбии ҷамоатҳои шаҳраку деҳот, собиқадорони ҷангу меҳнат ва волидайну пайвандони даъватшавандагон баргузор гардид.

Дар чорабинӣ тазаккур дода шуд, ки имрӯз Қувваҳои Мусаллаҳи Ҷумҳурии Тоҷикистон бо таъминоти моддиву техникӣ, қудрати ҳарбӣ ва низоми ҳайати шахсӣ аз солҳои қаблӣ афзалият дорад. Ҷавонони ноҳияи Айнӣ низ дар таъмини сулҳу субот ва амнияти кишвар саҳми арзанда мегузоранд ва дар сафи Артиши миллӣ сарбаландона хизмат намуда, мактаби мардонагию шуҷоатро меомӯзанд.

Дар ноҳияи Шаҳристон маросими гусели ҷавонони даъватшаванда ба сафи Қувваҳои Мусаллаҳи Ҷумҳурии Тоҷикистон баргузор гардид.

Дар чорабинии мазкур роҳбарияти ноҳия, роҳбарони мақомоти ҳифзи ҳуқуқ, кормандони комиссарияти ҳарбӣ, волидайни даъватшавандагон ва сокинон иштирок карда, дар фазои тантанавӣ ҷавононро ба хизмати ҳарбӣ гусел намуданд.

Дар ҷамъомад таъкид карда , ки ҷавонони ноҳияи Шаҳристон низ бо эҳсоси баланди ватандорӣ дар баробари саҳм гузоштан дар рушди Тоҷикистони азизамон, содиқона дар сафи Қувваҳои Мусаллаҳи Ҷумҳурии Тоҷикистон хизмат намуда, барои ҳифзи Ватан ва ҳаёти осоиштаи мардум саҳми арзандаи худро мегузоранд.

Имрӯз ҳар як сокини ноҳияи Шаҳристон бо чунин ҷавонони бонангу номуси диёр, ки ихтиёран ба сафи Қувваҳои Мусаллаҳи Ҷумҳурии Тоҷикистон сафарбар шуда истодаанд, ифтихор мекунад.