Ҳаҷми истеҳсоли маҳсулоти саноатӣ ба 12,8 млрд. сомонӣ баробар шуд

Давоми 6 моҳи соли 2024 ҳаҷми истеҳсоли маҳсулоти саноатӣ дар вилояти Суғд ба 12 млрд. 831 млн. сомонӣ расида, нисбат ба ҳамин давраи соли гузашта суръати афзоиш бо назардошти индекси нархҳо 110,1 фоиз таъмин гардид. 

Дар ин давра таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона карда шуд. Аз ҷумла, дар моҳҳои январ-июни соли 2024 ба миқдори 591,8 ҳазор тонна семент ва 865,3 ҳазор тонна ангишт истеҳсол шудааст. 

Панҷакент. Роҳи Варзиканда ба масофаи 2,7 км мумфарш карда шуд

Дар партави дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Панҷакент мумфаршкунии роҳҳои дохилӣ идома дорад. 

Як моҳ қабл зимни боздид аз шаҳри Панҷакент Раиси вилояти Суғд Раҷаббой Аҳмадзода ба мумфаршкунии роҳи деҳаи Варзикандаи Ҷамоати деҳоти Лоиқ Шералӣ оғоз бахшида, ба ин ташаббуси сокинони деҳа баҳои баланд дода, онҳоро даъват карда буд, ки сарҷамъ шуда, аҳлона барои ободии Ватани маҳбубамон саъю талош намоянд.

Инак, роҳи деҳа аз шоҳроҳ дар масофаи 2,7 километр бо мусоидати мақомоти иҷроияи маҳаллии ҳокимияти давлатии шаҳр, саҳмгузории сокинони деҳа ва ҷалби техникаи роҳсозии муассисаи истифодаи роҳҳои автомобилгарди шаҳр бо сифати хуб мумфарш карда шуд.

Ҳамоиши гирандагони стипендияи Президентӣ таҳти унвони "Ҷавонон - пайравони Пешвои миллат!" дар шаҳри Хуҷанд

10-уми июли соли 2024 дар толори Қасри ҷавонони ба номи Лоиқ Шералии шаҳри Хуҷанд ҳамоиши гирандагони стипендияи Президентӣ таҳти унвони “Ҷавонон-пайравони Пешвои миллат!” баргузор гардид.

Дар ҳамоиш муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шокирзода Муҳаммадтолиб, сардори Раёсати кор бо ҷавонон ва варзиши вилояти Суғд Исматҷонов Бахтиёр, мудирони бахшҳои кор бо ҷавонон ва варзиши шаҳру ноҳияҳои вилоят ширкат варзиданд.

Муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Муҳаммадтолиб Шокирзода дар суханронии худ аз ташаббус ва дастгириҳои пайвастаи роҳбарияти олии кишвар ёдовар гардида, зикр дошт, ки бо иқдомҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз ҷиҳати ҳавасмандгардонии ҷавонони лаёқатманду босавод имтиёзҳои гуногун роҳандозӣ карда шудааст. Яке аз чунин иқдомҳо таъсиси стипендияҳои Президентӣ барои донишҷӯён ва хонандагони муассисаҳои таҳсилоти миёнаи умумӣ, ибтидоӣ ва миёнаи касбӣ мебошад, ки теъдоди онҳо 3000 ададро ташкил медиҳад. 

Категорияҳои дигари ин бахш

Категорияҳои дигари ин бахш