Соҳаи варзиш ҳамчун яке аз самтҳои калидии сиёсати иҷтимоии давлат ташаккул ёфта, имрӯз ба як низоми мукаммалу устувор табдил гардидааст. Дар Паёмҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ пайваста таъкид мешавад, ки ҷавонон неруи асосии пешбарандаи ҷомеа буда, ояндаи давлату миллат ба донишу ҷаҳонбинӣ, маърифату касбият ва ҳисси баланди ватандӯстии онҳо вобастагии мустақим дорад. Дар ин раванд рушди соҳаи варзиш, аз ҷумла футбол, яке аз самтҳои афзалиятноки сиёсати ҷавонпарваронаи давлат ба шумор меравад.

Варзиш, бахусус футбол, на танҳо воситаи таҳкими саломатии ҷисмонӣ ва тарбияи ахлоқии ҷавонон, балки омили муҳими муаррифии давлат дар арсаи байналмилалӣ низ мебошад. Маҳз бо ҳамин назардошт, Ҳукумати мамлакат ба рушди инфрасохтори варзишӣ, фароҳам овардани шароити мусоид барои машғулияти ҷавонон ва дастгирии варзишгарони касбӣ таваҷҷуҳи махсус зоҳир менамояд.

Зиреҳбон Наврӯзбеков бо хуни худ исбот кард, ки номаш танҳо як вожа нест, балки рисолати зиндагии ӯ будааст.

Дар таърихи ҳар миллат лаҳзаҳое ҳастанд, ки мардони ҷасур бо ҷони худ саҳифаҳои зафар ва озодиро менависанд. Зиреҳбон Наврӯзбеков, ҷавонмарде, ки номаш гӯё аз азал тақдири ӯро рақам зада буд, рӯзи 24-уми декабри соли 2025 дар ҳифзи марзу буми аҷдодӣ ба қуллаи баланди шаҳодат расид.

Волидайн ӯро Зиреҳбон ном ниҳоданд, то шояд рӯзе муҳофизи хонавода бошад. Аммо ӯ аз ин фаротар рафт — ӯ Зиреҳи Ватан шуд. Дар синни мубораки 33-солагӣ, вақте ки инсон дар авҷи орзуҳо ва нақшаҳои зиндагӣ қарор дорад, Зиреҳбон таъмини амнияти миллатро интихоб кард. Дар он шаби сарди зимистон, вақте террористон мехостанд оромии хонадони моро халалдор созанд, Зиреҳбон чун кӯҳи устувор дар пеши роҳи онҳо қарор гирифт. Ӯ нагузошт, ки пои нопок ба хоки муқаддаси мо бирасад. Ӯ ҷангид, на барои шӯҳрат, балки барои он ки мову шумо дар фазои ором нафас бикашем.