Дар Хуҷанд нахустнамоиши филми "Паканаи айнакдор" доир шуд

Азназаргузаронӣ: 271

Дар шаҳри Хуҷанд филми нави Муассисаи давлатии “Суғдсинамо”-“Паканаи айнакдор” ба намоиш гузошта шуд. Ин филм барои кӯдакону наврасон таҳия шуда, аввалин филми миллӣ дар жанри тахаюлии кӯдакона маҳсуб меёбад. Масъулини Муассисаи давлатии “Суғдсинамо” мегӯянд, ки дар заминаи дастгириҳои давлатӣ бо истифода аз шароити мавҷуда мехоҳанд дар рушди синамои миллӣ саҳм гузоранд. Аз замони фаъолият то имрӯз аз ҷониби ин муассиса филмҳои хубу диданӣ рӯйи навор омада, пешниҳоди дӯстдорони синамо гардида буд.

Филми “Паканаи айнакдор” аз рӯзгори қаҳрамоне бо номи Сиёвуш қисса мекунад. Ба таъкиди дастандаркорони филм дар “Паканаи айнакдор” мавзӯҳои табъиз миёни наврасон, бетарафӣ ва масъулият, накӯкорӣ, дилсӯзӣ ва меҳрубонӣ, дӯстӣ ва рафоқат, якҷо амал кардан, эҳтироми калонсолон баррасӣ шудааст.

Фестивали байналмилалии санъати халқии «Сӯзании Панҷакент»

Азназаргузаронӣ: 209

Рӯзҳои 12-13 декабр дар шаҳри Панҷакент Фестивали байналмилалии санъати халқии «Сӯзании Панҷакент» доир мегардад. 

Фестивал ба ифтихори ворид шудани шаҳри Панҷакент ба Феҳристи «Шаҳрҳои ҷаҳонии ҳунармандӣ» баргузор шуда, дар доираи он баргузории намоишгоҳи «Сӯзании Панҷакент», экспозитсияҳои ҳунармандони маҳаллӣ ва байналмилалӣ, конференсияи илмӣ-назариявӣ ва тамошои мавзеъҳои таърихӣ пешбинӣ шудааст.

Чорабиниҳои асосӣ дар Кохи Лоиқ ва Кохи фарҳанги шаҳри Панҷакент ба номи Олим Бобоев гузаронида мешаванд.

Ёдовар мешавем, ки моҳи октябри соли равон шаҳри Панҷакент аз ҷониби «Шурои ҷаҳонии ҳунармандӣ» ба таври расмӣ чун «Шаҳри ҷаҳонии ҳунарҳои дастӣ барои сӯзанидӯзӣ» эътироф гардид.

Дар Исфара баҳри пешгирии бемориҳои сироятӣ вохӯрӣ баргузор шуд

Азназаргузаронӣ: 216

Дар шаҳри Исфара ҷаласаи навбатии муштараки кормандони соҳаи маориф ва Маркази назорати давлатии санитарию эпидемиологии вилояти Суғд баргузор гардид.

Дар ҷаласа масъалаҳои марбут ба пешгирии бемориҳои сироятӣ, таҳкими муҳити солими санитарию гигиенӣ дар муассисаҳои таълимӣ ва густариши ҳамкории сохторҳои маориф бо мақомоти санитарию эпидемиологӣ мавриди муҳокима қарор гирифт.

Мутахассисони соҳа оид ба роҳҳои пешгирии бемориҳои мавсимӣ, аномалии вобаста ба ғизо, ҳолатҳои заҳролудшавӣ ва хатари дуди ангишт миёни хонандагону омӯзгорон корҳои тарғиботиву фаҳмондадиҳӣ анҷом доданд. Ба масъулини муассисаҳои таълимӣ ва намояндагони маорифи шаҳр тавсияҳои мушаххас барои риояи меъёрҳои санитарӣ дода шуд.

Мақолаҳои боқимонда...

Категорияҳои дигари ин бахш

Категорияҳои дигари ин бахш