Дар шаҳру ноҳияҳои вилояти Суғд ярмарка- фурӯши ангишт баргузор мегардад

Азназаргузаронӣ: 262

Бо мақсади иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини талаботи аҳолӣ бо ангишт дар мавсими зимистон, инчунин тибқи нақша-чорабиниҳои қарори Ҳукумати Ҷумҳурии Тоҷикистон аз 28 марти соли 2025 «Дар бораи сари вақт омода намудани соҳаҳои иқтисодиву иҷтимоии ҷумҳурӣ барои фаъолияти мунтазам ва самаранок дар давраи тирамоҳу зимистони солҳои 2025–2026» КВД «Ангишти Тоҷик» ярмарка- фурӯши ангишт баргузор менамояд.

Ярмарка- фурӯши ангишт дар шаҳру ноҳияҳои Хуҷанд, Конибодом, Истаравшан, Бобоҷон Ғафуров, Мастчоҳ, Ашт ва Зафаробод аз 29 то 31 октябри соли равон ташкил карда мешавад. 

Ҳадаф аз ташкили ярмарка таъмини саривақтии аҳолӣ бо маводи сӯзишворӣ, танзими нархи бозор ва дастрасии беҳтари сокинон ба ангишти ватанӣ мебошад. 

Панҷакент ҳамчун "Шаҳри ҷаҳонии ҳунармандӣ" эътироф карда шуд

Азназаргузаронӣ: 348

21 октябри соли 2025 Панҷакент расман “Шаҳри ҷаҳонии ҳунарҳои дастӣ барои сузанидӯзӣ” аз ҷониби “Шӯрои ҷаҳонии ҳунармандӣ” эътироф гардид, ки ин як дастоварди муҳим дар ҳифз ва рушди мероси ғании фарҳангии Тоҷикистон мебошад. 

“Шӯрои ҷаҳонии ҳунармандӣ” (World Crafts Council) яке аз ниҳодҳои ЮНЕСКО буда, ҷиҳати рушди иқтисодӣ тавассути ҳунарҳои дастӣ, дастгирии ҳунармандон ва ташвиқи ҳамкорӣ амал мекунад.   

Созмони мазкур шаҳрҳоеро, ки дар пешбурди мероси ҳунарии худ фаъоланд, тавассути эътои унвони “Шаҳри ҷаҳонии ҳунарҳои дастӣ” эътироф менамояд.

Дар мавзӯи «Эмомалӣ Раҳмон – Пешвои ваҳдатсоз» конференсияи ҷумҳуриявӣ доир шуд

Азназаргузаронӣ: 242

23 октябр дар толори Кохи фарҳанги “Суғдиён”-и шаҳри Хуҷанд конференсияи ҷумҳуриявӣ дар мавзӯи «Эмомалӣ Раҳмон – Пешвои ваҳдатсоз» баргузор шуд.

Дар конференсия раиси шаҳри Хуҷанд Фирдавс Шарифзода, раиси Шӯрои куҳансолони Ҳаракати ваҳдати миллӣ ва эҳёи Тоҷикистон Ғайбулло Авзалов, муовини Раиси Ҳизби Халқии Демократии Тоҷикистон Мирзоқосим Каримзода, сардори шуъбаи коргузорӣ ва назорати Маркази тадқиқоти стратегии назди Президенти Ҷумҳурии Тоҷикистон Рамазонӣ Давлатзода, узви Шӯрои куҳансолони Ҳаракати ваҳдати миллӣ ва эҳёи Тоҷикистон Хурсандқул Зикиров, мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Тоҷибой Султонзода, раисони ташкилотҳои ибтидоии Ҳаракати ҷамъиятии ваҳдати миллӣ ва эҳёи Тоҷикистон, роҳбарони муассисаҳои таълимии олӣ, миёнаи касбӣ ва умумӣ, устодону омӯзгорон, раисони кумитаи маҳаллаҳо, шӯроҳои занон, собиқадорон, фаъолон иштирок намуданд. 

Мақолаҳои боқимонда...

Категорияҳои дигари ин бахш

Категорияҳои дигари ин бахш