Санаи 18 май, соати 07:00 дар ҳамаи шаҳру ноҳияҳои вилояти Суғд чорабиниҳои варзишии "Дави миллӣ" ва марафони велосипедронӣ баргузор мегардад.

Дар маркази вилоят – шаҳри Хуҷанд, ин чорабинии варзишӣ аз назди КВД “Маҷмааи ҳавзҳои шиноварии 20-солагии Истиқлолияти Тоҷикистон” оғоз ёфта, дар майдони Парчами давлатии Ҷумҳурии Тоҷикистон, воқеъ дар хиёбони ба номи Раҳмон Набиев, ба анҷом мерасад.

Ба ғолибон ва иштирокчиёни фаъоли чорабинии варзишӣ тӯҳфаҳои хотиравӣ тақдим мегарданд.

Ёдовар мешавем, ки Дави миллӣ дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола дар саросари ҷумҳурӣ гузаронида мешавад. Мақсад аз баргузории мусобиқа- таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ мебошад.

Дар доираи нақша-чорабиниҳои созандагию бунёдкорӣ бахшида ба 35-солагии Истиқлоли давлатии Ҷумҳурии Тоҷикистон ва дар арафаи таҷлили Рӯзи ҷаҳонии футбол дар шаҳри Хуҷанд байни хонаҳои баландошёнаи маҳаллаи Қорираҳмат Қурбонов маҷмааи нави варзишӣ мавриди баҳрабардорӣ қарор дода шуд.

Маҷмааи варзишии навбунёд бо иқдоми соҳибкори ватанӣ, муассиси ширкати сохтмонии “Тоҷ-сохтмон”, вакили Маҷлиси вакилони халқи шаҳри Хуҷанд Набиҷон Абдураззоқов тибқи талаботи меъёрҳои муосири сохтмонӣ сохта шуда, дарозӣ ва паҳноии  майдончаи футбол 20Х12 метрро ташкил медиҳад. Ҳамчунин дар майдонча барои фароғати кӯдакон бо насби дастгоҳҳои бозиҳои гуногун шароит фароҳам оварда шудааст.