Мулоқот бо сокинони деҳоти Хонободи шаҳри Исфара

Тибқи нақшаи муштараки сохторҳои дахлдори мақомоти иҷроияи ҳокимияти давлатии шаҳри Исфара санаи 21 июн бо иштироки гурӯҳи тарғиботӣ бо сокинони деҳоти Хонобод мулоқот баргузор гардид.

Дар мулоқот аъзои гурӯҳи тарғиботӣ оид ба муҳтавои Паёми Сарвари давлат, пешгирии шомилшавии ҷавонон ба гурӯҳҳои ифтротгаро ва таълимоти ғайрирасмии динӣ, ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии зӯроварӣ дар оила, номзадшавии бармаҳал, ба касбомӯзӣ фаро гирифтани занону духтарони хонашин, пешгирӣ аз бемориҳои сироятӣ ибрози андеша намуданд.

Ба сохтмони бинои нави беморхона санги асос гузошта шуд

Дар ноҳияи Айнӣ ба корҳои сохтмонии бинои нави Беморхонаи минтақавии №6 санги асос гузошта шуд. Бояд гуфт, ки бахшида ба 35-солагии Истиқлоли давлатии Ҷумҳурии Тоҷикистон аз ҷониби мақомоти иҷроияи ҳокимияти давлатии ноҳияи Айнӣ дар якҷоягӣ бо соҳибкорони дараи Искандари Ҷамоати деҳоти Фондарё сохтмони бинои замонавӣ дар назди Беморхонаи минтақавии №6 оғоз ёфт. Ҳуҷҷҷатҳои лоиҳавию харҷномавии бино бо фармоиши МИҲД-и ноҳияи Айнӣ аз тарафи КФ КВД “Лоиҳакаш” дар ноҳияи Айнӣ таҳия ва пешниҳод карда шудааст. Масоҳати зери сохтмони бино 385,47 метри мураббаъ буда, масоҳати умумии он 572,32 метри мураббаъро дар бар мегирад.

Тибқи лоиҳа бино аз ду ошёна иборат буда, дорои 30 кат аст ва дар як вақт барои сокинони дараи Искандар хизмат мерасонад. 

Татбиқи лоиҳаи “Ғизои мактабӣ бо истеҳсолоти маҳаллӣ” дар вилояти Суғд

Бо дастгирии Барномаи озуқавории ҷаҳонии СММ (БОҶ СММ) лоиҳае татбиқ шуда истодааст, ки “Ғизои мактабӣ бо истеҳсолоти маҳаллӣ” ном дорад. Ин лоиҳа дар шаш минтақаи кишвар, аз ҷумла ноҳияҳои Спитамен ва Бобоҷон Ғафурови вилояти Суғд амалӣ гардида, як қатор мактабҳо бо маҳсулоти кишоварзии аз ҷиҳати экологӣ тоза ва пурғизои нисбат ба бозор арзонтар таъмин мегарданд.

20 июни соли 2024 меҳмонон аз ташкилотҳои байналхалқию давлатӣ ва рӯзноманигорон бо ҳамроҳии намоянда ва директори Барномаи озуқавории ҷаҳонии СММ дар Тоҷикистон Адҳам Мусаллам ба гармхонаи и истеҳсолии занона дар ноҳияи Спитамен ташриф оварданд. Ин гурӯҳи истеҳсолӣ ва гармхонаи мазкур дар доираи лоиҳаи “Ғизои мактабӣ бо истеҳсолоти маҳаллӣ”, ки бо ташаббуси Барномаи озуқавории ҷаҳонӣ ва маблағгузории Федератсияи Россия аввалин маротиба дар Тоҷикистон ба таври озмоишӣ амалӣ шуда истодааст, ташкил гардидааст. Ин лоиҳа барномаҳои ғизои мактабиро бо деҳқонони маҳаллӣ барои таъмини мактаббачагон бо ғизои бехатар, гуногун, серғизо ва пеш аз ҳама маҳаллӣ пайваст мекунад. Амалисозии ин лоиҳаро Барномаи озуқавории ҷаҳонии СММ ба шарики маҳаллиаш - ташкилоти машваратии “Нексигол Мушовир” вогузор кардаву ташкилот ӯҳдадориашро дар сатҳи баланд иҷро карда истодааст.

Категорияҳои дигари ин бахш

Категорияҳои дигари ин бахш