Дар Панҷакент иҷрои Стратегияи муқовимат ба экстремизм ва терроризм баррасӣ гардид

Азназаргузаронӣ: 292

Рафти иҷрои «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» дар ҷаласи васеи Шурои ҳамоҳангсози мақомоти ҳифзи ҳуқуқи шаҳри Панҷакент мавриди баррасӣ қарор гирифт.

Дар ҷаласа ҳозирин вобаста ба баланд бардоштани маърифати ҳуқуқии шаҳрвандон, истифодаи дурусти фарҳанги телефонҳои мобилӣ, пешгирии ҳамроҳшавии ҷавонон ба ҳизбу ҳаракатҳои ифротгаро, роҳ надодан ба таълимоти ғайрирасмии динӣ, тақвият бахшидани ҳисси худшиносию худогоҳӣ ва ватандӯстӣ, танзими анъана ва ҷашну маросим ва дигар мавзуъҳои муҳим сухан гуфтанд.

Дар ҷаласа таъкид шуд, ки  интернет ва шабакаҳои иҷтимоӣ яке аз воситаҳои асосие мебошанд, ки гурӯҳу ташкилоти террористӣ ва экстремистӣ бо истифода аз онҳо ва паҳн кардани ҳар гуна сабтҳои видеоӣ ва наворҳои таблиғотӣ шахсони алоҳида, хусусан наврасону ҷавононро, ки ҳолати равониашон ҳанӯз комил нест, ба сафи худ ҷалб менамоянд.

Иштирокчиёни Фестивали ҷаҳонии ҷавонон «Navruz Youth World Festival» дар шаҳри Панҷакент

Азназаргузаронӣ: 555

Иштирокчиёни Фестивали ҷаҳонии “Наврӯзи ҷавонон”, ки ба ифтихори ҷашни Наврӯз бо ибтикори Кумитаи кор бо ҷавонон ва варзиши назди Ҳукуматии Ҷумҳурии Тоҷикистон баргузор шуд, рӯзҳои 17-18 март аз шаҳри Панҷакент дидан намуданд.

Ҷавонони 26 кишвари ҷаҳон мусобиқаи байналмилалӣ оид ба гӯштингириро, ки дар варзишгоҳи марказии шаҳр баргузор шуд, тамошо карда, аз бостоншаҳри Саразм дидан намуда, оромгоҳи устод Абӯабдуллоҳи Рӯдакиро зиёрат карданд.

Дар барномаи фарҳангии "Шоми дӯстӣ", ки бо ҳузури иштирокчиёни Фестивали ҷаҳонии “Наврӯзи ҷавонон” ҷараён гирифт, гуфта шуд, ки Наврӯз ба таъкиди Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, аз оғоз як василаи ба ҳам омадани миллатҳо ва халқҳо, ваҳдату ҳамбастагии мардуми сайёра аст ва маҳз ба ҳамин хотир бо пешниҳоди давлатҳои ҳавзаи Наврӯз он ба Феҳристи мероси башарии созмони ЮНЕСКО шомил шуд ва ҳоло дар саросари ҷаҳон таҷлил карда мешавад.   

ЭЪЛОН: Бахшида ба Иди Наврӯз дар Истаравшан мусобиқаи байналмилалии гӯштингирӣ баргузор мешавад

Азназаргузаронӣ: 543

Рӯзҳои 25-27 марти соли 2025 бахшида ба Ҷашни байналмилалалии Наврӯз дар амфитеатри Қалъаи Муғи шаҳри Истаравшан Мусобиқаи байналмилалии гӯштингирӣ баргузор мешавад.

Мусобиқа бо иштироки 67 нафар меҳмонону варзишгарон, аз ҷумла аз Ӯзбекистон, Қирғизистон, Эрон ва Федератсияи Русия доир мегардад.

Ғолибони Мусобиқаи байналмилалии гӯштингирӣ аз ҷониби ташкилкунандагон бо медалу диплом ва туҳфаҳои молию пулӣ сарфароз гардонида мешаванд.

Мақолаҳои боқимонда...

Категорияҳои дигари ин бахш

Категорияҳои дигари ин бахш