Мулоқоти номзадҳо ба вакилӣ бо интихобкунандагон дар Хуҷанд

Азназаргузаронӣ: 363

Дар толори Муасисаи таҳсилоти миёнаи умумии №28-и шаҳри Хуҷанд бо мақсади ташвиқу тарғиби барномаи пешазинтихоботии номзадҳо ба вакили Маҷлиси намояндагони Маҷлиси Олии Ҷумҳурии Тоҷикистон вохӯрӣ доир гардид.

Дар вохӯрӣ номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи якмандатии интихоботии "Хуҷанд №13" Мавсума Муинӣ, муовини Раиси Маҷлиси намояндагони Маҷлиси Олии Ҷумҳурии Тоҷикистон, Бахтиёр Маҳмудзода, муовини ректори Донишгоҳи давлатии Хуҷанд ба номи академик Бобоҷон Ғафуров, Замира Ӯлмасова, декани факултети филологияи тоҷики Донишгоҳи давлатии Хуҷанд ба номи академик Бобоҷон Ғафуров, Дилфуза Ғафурова, муовини директори МТМУ №16-и шаҳри Хуҷанд ва шахсони боэътимоди иштирок доштанд.

Вохӯриро муовини раиси ҳавза Нуринисо Комилзода ифтитоҳ бахшида, номзадҳоро ба интихобкунандагон шинос намуд ва аз ҷониби шахсони боъэтимоди номзадҳо шарҳи ҳоли ҳар як номзад ба самъи интихобкунандагон расонида шуд.

Абдурашид Ҷалилзода: Кадрҳои баландихтисос омода карда мешаванд

Азназаргузаронӣ: 434

12 феврали соли 2025 дар Донишкадаи иқтисод ва савдои ДДТТ дар шаҳри Хуҷанд нишасти матбуотӣ баргузор гардид.

Дар нишасти матбуотӣ директори донишкада, номзади илмҳои иқтисод, Абдурашид Ҷалилзода оид ба натиҷаҳои фаъолияти ДИС ДДТТ дар соли 2024 маълумоти муфассал дода, зикр намуд, ки донишкада фаъолияти худро ҷиҳати амалӣ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастуру супоришҳои Ҳукумати Ҷумҳурии Тоҷикистон ба роҳ монда, барои омода намудани кадрҳои баландихтисос аз тамоми имкониятҳо истифода менамояд.

Заминаи моддию техникии донишкада ҷавобгӯи талаботи стандарти давлатии таҳсилоти олии касбӣ мебошад. Дар донишкада 826 адад компютери замонавӣ, 82 адад ноутбук, 111 адад принтер, 41 адад тахтаи электронӣ, 22 адад экран барои проектор, 113 адад проектор, 178 адад камераи мушоҳидавӣ мавҷуд буда, биноҳои таълимӣ бо шабакаи Wi-Fi таъмин карда шудаанд.

1206 хонандаи мактабҳои вилояти Суғд дар олимпиадаҳои байналмилалӣ соҳиби ҷоиза шудаанд

Азназаргузаронӣ: 321

Соли таҳсили 2023-2024 беш аз 5 ҳазору 500 хонандаи муассисаҳои таълимии вилоят дар олимпиадаҳои байналмилалии фаннӣ ва фосилавӣ иштирок намуда, 1206 нафар ба гирифтани ҷойҳои ифтихорӣ ноил гардиданд. Дар ин бора сардори Раёсати маорифи вилояти Суғд Мадина Набизода зимни нишасти матбуотӣ иттилоъ дод. 

Олимпиадаҳои байналмилалии фаннӣ ва фосилавӣ дар кишварҳои Россия, Қазоқистон, Британияи Кабир, Итолиё, Фаронса, Ҳоланд доир шуда, хонандагони муассисаҳои таҳсилоти миёнаи умумии вилоят иштироки фаъолона доштанд. 

Барои омода намудани хонандагон ҷиҳати иштирок дар олимпиадаҳои байналмилалӣ нақши марказҳои дарёфт ва рушди истеъдодҳо, ки дар ҳамаи шаҳру навоҳии вилоят амал мекунанд, муҳим арзёбӣ гардид.

Мақолаҳои боқимонда...

Категорияҳои дигари ин бахш

Категорияҳои дигари ин бахш