Пирӯзии хонандагон дар олимпиадаи байналмилалии «TeenEagle 2024»

Аз 23 то 30-юми июни соли 2024 дар шаҳри Лондони Британияи Кабир олимпиадаи байналмилалии «TeenEagle 2024» аз фанни забони англисӣ баргузор гардид, ки дар он хонандагони муассисаҳои таҳсилоти миёнаи умумии шаҳру ноҳияҳои Хуҷанд, Бобоҷон Ғафуров, Конибодом, Истаравшан ва Бӯстон низ иштирок намуданд.         

Олимпиадаи мазкур аз рӯи 3 категорияи синну солӣ ва 2 номинатсия байни хонандагони синфҳои 3-11 сурат гирифт.    

Дар олимпиада аз вилояти Суғд 12 нафар иштирок намуда, ҳамаи хонандагон ба ҷойҳои ифтихорӣ соҳиб шуданд. Аз ҷумла, 1 нафар сазовори ҷойи 1-ум, 5 нафар сазовори ҷойи 2-юм, 6 нафар соҳиби ҷойи 3-юм гардиданд.     

Маросими ҷоизасупории олимпиадаи мазкур дар донишгоҳи Сурейи шаҳри Лондони Британияи Кабир баргузор гардида, ғолибон бо диплом ва медалҳо мукофотонида шуданд.

Шиносоӣ бо фаъолияти корхонаҳои саноатӣ дар Хуҷанд

Раиси вилояти Суғд Раҷаббой Аҳмадзода бо фаъолияти ҶДДМ «Сирдарё» шинос гардида, барои истифодаи самраноки иқтидорҳои истеҳсолӣ тавсияҳо дод.

Тавре иттилоъ дода шуд, дар корхона бо ному тамғаҳои гуногун обҳои ташнашикан ва афшураҳои гуногун истеҳсол гардида, меваву сабзавот пурра коркард мешавад. Дар корхонаи айни замон беш аз 40 нафар бо ҷойи корӣ таъминанд, ки аксари онҳоро бонувон ташкил мекунанд. 

Ҳамасола олуча, зардолу, шафтолу, анору себ, помидору бодиринг аз деҳқонон қабул карда шуда, коркард мегардад ва маҳсулоти тайёр ба бозорҳои дохилӣ, инчунин кишварҳои гуногун содирот мешавад. Нархи қабули меваву сабзавот вобаста ба сифати онҳо аз 1,2 сомонӣ то 3 сомониро ташкил мекунад.

Дар шаҳри Хуҷанд сохтмони иншооти ҷашнӣ идома дорад

Раиси вилояти Суғд Раҷаббой Аҳмадзода дар шаҳри Хуҷанд бо сохтмони иншооти ҷашнӣ шинос гардид.

Ба ис­тиқболи 35-солагии Истиқлоли давлатии Ҷу­мҳурии Тоҷикистон дар шаҳри Хуҷанд корҳои ободониву созандагӣ вусъат ёфта, сохтмону барқарорсозии иншооти гуногун идома дорад. 

Бинои таъл­имӣ барои курсантони факултаи чоруми Ака­демияи ВКД дар шаҳри Хуҷанд яке аз чунин иншооти ҷашнӣ ба ҳисоб меравад 

Ин­шоот аз шаш ошёна иб­орат аст ва дорои 17 синфхона, ошхонаву хобгоҳ, маҷлисгоҳ ва ҳуҷраҳои ёрирасон мебошад. 

Бо мавриди истифода қарор гирифт­ани бино ба­рои таълиму тарбияи курсантон шароити му­соид фароҳам оварда хоҳад шуд.

Категорияҳои дигари ин бахш

Категорияҳои дигари ин бахш