Ғолибони даври вилоятии озмуни «Фурӯғи субҳи доноӣ китоб аст» ҷиҳати иштирок дар даври ҷумҳуриявӣ ба шаҳри Душанбе сафар карданд.
Тибқи иттилооти роҳбари гуруҳ, директори Маркази таҳсилоти иловагии вилояти Суғд Фирдавс Ашӯрматов 36 нафар ғолибони даври вилоятӣ дар даври ниҳоии озмуни ҷумҳуриявӣ иштирок мекунанд.
Озмуни ҷумҳуриявии «Фурӯғи субҳи доноӣ китоб аст» таҳти сарпарастии Президенти Ҷумҳурии Тоҷикистон баргузор мешавад.
Озмун ба мақсади баланд бардоштани завқи китобхонӣ, тақвияти ҳофизаи фарҳангӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, бой гардонидани захираи луғавӣ, тақвияти ҷаҳони маънавӣ ва фаъолигардонии доираи забондонӣ миёни қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсилот, инчунин магистрҳо, аспирантҳо, докторантҳо ва шаҳрвандони кишвар доир мегардад.
Дар соли гузашта намояндаи вилоят, сокини шаҳри Панҷакент Раъно Насриддинова ғолиби даври ҷумҳуриявии озмуни "Фурӯғи субҳи доноӣ китоб аст" гардида, барандаи "Шоҳҷоиза" шуда буд.
Хадамоти матбуоти
Раиси вилояти Суғд
COVID-19 бемории сироятиест, ки коронавируси охирини ба қарибӣ кашфгардида ба вуҷуд овардааст. То хуруҷи сироят дар шаҳри Уҳани Хитой дар моҳи декабри соли 2019 дар бораи вирус ва бемории нав чизе маълум набуд.
Шоми дирӯз бахшида ба Рӯзи Президенти Ҷумҳурии Тоҷикистон дар Театри давлатии академии опера ва балети ба номи Садриддин Айнӣ маросими ҷоизасупории Озмуни ҷумҳуриявии «Тоҷикистон – Ватани азизи ман» баргузор гардид, ки зимни он ба се нафар иштирокчии фаъол Гулноза Ғаффорӣ аз шаҳри Хуҷанд дар номинаи сарояндагӣ (аз 18 то 40-сола) ва Салоҳиддинхон Ҷалолиддинхонов аз ноҳияи Спитамен дар номинаи композиторӣ (аз 18 то 40-сола) Шоҳҷоиза ба маблағи 50 000 cомонӣ супорида шуд.
