Мақомоти иҷроияи ҳокимияти
давлатии вилояти Суғд
Бахшида ба Рӯзи Ваҳдати миллӣ ва 30-солагии Иҷлосияи 16-уми Шӯрои олии Ҷумҳурии Тоҷикистон 23 июни соли ҷорӣ дар толори калони мақомоти иҷроияи маҳаллии ҳокимияти давлатии шаҳри Панҷакент конференсияи илмӣ-амалии «Ваҳдату ҳамбастагӣ - кафили ҳамдилӣ, дӯстӣ ва пайванди инсонҳо» доир гардид.
Дар конференсия зиёиёну собиқадорони шаҳри Панҷакент, олимону омӯзгорон, ҷавонону занони фаъол ширкат варзиданд.
Бахшида ба Рӯзи байналмилалии мубориза бар зидди сӯиистеъмоли маводи нашъадор, ки 26 июн аст, Агентии назорати маводи нашъаовари назди Президенти Ҷумҳурии Тоҷикистон дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон, чорабинии муштараки фарҳангию фароғатӣ ва варзиширо таҳти унвони "Корвони зиддимухаддиротӣ - 2022" доир намуд.
Корвони мазкур кори худро тибқи нақшаи чорабинии зиддинашъамандӣ дар чанд шаҳрҳои ҷумҳурӣ зери шиори “Ҷавонон зидди маводи нашъаовар” идома дода, санаи 22 июни соли 2022 ба шаҳри Хуҷанди вилояти Суғд расид. Дар Кохи фарҳанги «Суғдиён» чорабинӣ доир шуд, ки дар он роҳбарияти мақомоти иҷроияи ҳокимияти давлатии вилоят ва шаҳр, намояндагони мақомоти ҳифзи ҳуқуқ, маориф, тандурустӣ, варзишгарон, ҷавонони фаъоли шаҳр ва дигар намояндагони ҷомеаи шаҳрвандӣ иштирок намуданд.
Бо мақсади баланд бардоштани савияи дониш, худшиносиву худогоҳӣ, эҳтиром ба арзишҳои милливу башарӣ, баланд бардоштани ҳисси ватандӯстиву хештаншиносӣ ва ифтихор аз миллату давлатдорӣ байни кӯдакону наврасон шуруъ аз 1 июни соли ҷорӣ дар китобхонаи Маркази таҳсилоти иловагии вилояти Суғд маҳфили доимоамалкунандаи "Донандагони осори Пешвои миллат" роҳандозӣ карда шуд.
Маҳфили мазкур ҳар ҳафта як маротиба баргузор гардида, дар он асарҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мутолеа ва шарҳу тавзеҳ дода мешавад. Дар доираи маҳфил хонандагон мулоҳизаи худро баён намуда, тавассути асарҳои арзишманд аз таърих, фарҳанг ва арзишҳои миллӣ ва тамаддуни миллати тоҷик огаҳӣ пайдо мекунанд.
