Дар хоҷагиҳои деҳқонии шаҳри Панҷакент кишоварзон ба ҷамъоварии ҳосили шолӣ шурӯъ намуданд. Дар ин бора аз мақомоти иҷроияи ҳокимияти давлатии шаҳр хабар доданд.
Ба иттилои манбаъ имсол деҳқонони Панҷакент дар майдони 2705 гектар шолӣ кишт намуданд, ки ин нисбат ба соли гузашта 498 гектар зиёд аст.
Бо истифода аз боду ҳавои мусоид имрӯзҳо дар ҳамаи қитъаҳои шолизори соҳили Зарафшон ҷамъоварии ҳосил идома дорад.
Шоликорон тасмим доранд, ки ҳосили хубро ба даст оварда, саҳми худро дар таъмини амнияти озуқавории кишвар гузоранд.
