Дар Муассисаи таълимии байналмилалии “Контакт”-и шаҳри Исфара таҳти раёсати вазири маориф ва илм Саидзода Раҳим Ҳамро ҷаласаи сайёри ҳайати мушовараи Вазорати маориф ва илми Ҷумҳурии Тоҷикистон баргузор гардид.

Дар ҷаласа муовинони вазири маориф ва илм, сардорону кормандони раёсат, шуъбаю бахши дастгоҳи марказӣ ва роҳбарони муассисаҳои тобеи вазорат, муовини Раиси вилояти Суғд Зайнура Азимӣ, раиси Иттифоқи касабаи кормандони маориф ва илми Ҷумҳурии Тоҷикистон Зулҳия Нозакзода, муовинони раисони шаҳру ноҳияҳо, сардорону мудирон ва кормандони раёсат, шуъба ва бахшҳои маориф, мудирон ва директорони муассисаҳои томактабӣ ва таҳсилоти умумии шаҳру ноҳияҳо, директорон ва ректорони муассисаҳои таҳсилоти миёна ва олии касбии вилоят иштирок намуданд.

1 июни соли равон дар қаламрави вилояти Суғд Рӯзи байналмилалии ҳифзи кӯдакон ҷашн гирифта мешавад. Дар ин бора қарори дахлдори Раиси вилояти Суғд Раҷаббой Аҳмадзода ба имзо расид.

Дар доираи таҷлили Рӯзи байналмилалии ҳифзи кӯдакон ташкили чорабиниҳои идона дар муассисаҳои иҷтимоии бачагонаи шаҳру ноҳияҳо, аёдати кӯдакони ятиму бепарастор ва имконияташон маҳдуд, барномаҳои фарҳангии идона, мусобиқаҳои гуногуни варзишӣ, озмунҳои «Китобхони беҳтарин», «Ихтироъкори беҳтарин», иншои беҳтарин дар мавзӯи «Ҳуқуқҳои худро меомӯзем» ва ғайраҳо ба нақша гирифта шудааст.