Мақомоти иҷроияи ҳокимияти
давлатии вилояти Суғд
Давоми як моҳ «Корвони саломатӣ» дар шаҳри Панҷакент фаолият дошт, ки аз ҷониби табибон зиёда аз 2 ҳазор бемор қабул гардида, ба беш аз 4 ҳазор муроҷиаткунанда машваратҳои тиббӣ дода шудааст.
Тавре аз мақомоти иҷроияи ҳокимияти давлатии шаҳр хабар доданд, дар маърака тамоми намуди хизматрасонӣ ройгон буда, он то охири тобистони соли равон фаъолият хоҳад кард.
Фирдавс Муҳаммадҷонов, толибилми Литсей барои хонандагони болаёқат дар шаҳри Хуҷанд дар олимпиадаи байналмиллалии «ISPT - Қазоқистон 2022», ки аз ҷониби Донишгоҳи ба номи Сулаймон Демирели Ҷумҳурии Қазоқистон баргузор карда шуд, иштирок намуда, соҳиби гранти омӯзишӣ ба маблағи беш аз 16 ҳазор доллари амрикоӣ шуд ва имкон пайдо намуд, ки ройгон дар донишгоҳи мазкур таҳсил намояд.
Бояд қайд намуд, ки ҳамасола донишгоҳи мазкур ба хотири дарёфти хонандагони болаёқат байни 30 кишвари олам олимпиадаи байналмилалӣ баргузор намуда, ба 12 нафар хонандагон аз тамоми олам Шоҳҷоиза - бурсияи таҳсили ройгон дода мешавад.
Як гурўҳ ҳунармандони вилояти Суғд аз марказҳои атласу адрасбофӣ, ҳамчунин кормандони сохторҳои мақомоти иҷроияи ҳокимияти давлатии вилояти Суғд ва шаҳри Хуҷанд бо мақсади омӯзиши таҷрибаи пешқадам ба вилояти Фарғонаи Ҷумҳурии Узбекистон сафар намуданд.
Ҳайати ҳунармандони вилояти Суғдро Ҳокими шаҳри Марғелон Адҳамҷон Зиёваддинов пазироӣ намуд. Дар доираи сафари корӣ ҳайати ҳунармандони тоҷик аз шаҳрҳои Марғелон, Фарғона, Риштон, Қуқанд ва Намангон дидан намуда, бо ҷараёни кори атласу адрасбофони узбек аз наздик шинос мешаванд.
