23 майи соли ҷорӣ дар вилояти Суғд Рӯзи ҷавонони Тоҷикистон таҳти унвони «Ҷавонон — пайравони Пешвои миллат!» таҷлил карда мешавад. Дар ин бора қарори дахлдори Раиси вилояти Суғд Раҷаббой Аҳмадзода ба имзо расид.

Дар доираи таҷлили Рӯзи ҷавонон ташкилу баргузории хонишҳои сиёсӣ миёни ҷавонон дар мавзуи «Ҷавонон ва рисолати онҳо дар раванди давлатсозӣ», «Ҷавонон ва ҳифзи манфиатҳои миллӣ», рӯзи дарҳои кушод дар қисмҳои низомӣ, озмуни Стипендияи Раиси вилояти Суғд миёни муҳассилини муассисаҳои олӣ ва миёнаи касбӣ, ҳамоиши гирандагони Стипендияи Президентӣ дар шаҳру ноҳияҳо зери унвони «Пайравони Пешвои миллатем!», конфронси вилоятии олимон ва муҳаққиқони ҷавон таҳти унвони «Президент, ҷавонон ва илми муосир», барномаҳои консертӣ дар шаҳру ноҳияҳо дар мавзуи «Ҷовидон бод ҷавонӣ ва ҷавонон!», аксияи вилоятии «Дар ҷавонӣ дор пиронро азиз!», шанбегии вилоятӣ таҳти унвони «Ин Ватанро мо, ҷавонон сабзу хуррам мекунем!», ҳамоиши хизматчиёни ҳарбӣ дар мавзуи «Хизмат  ба Ватан шараф аст!», аёдати ҷавонони бемор ва имконияташон маҳдуд, мусобиқаҳои гуногуни варзишӣ, Дави миллӣ дар назар дошта шудааст.

1- 2 майи соли ҷорӣ корхонаи давлатии таъминот ва савдои «Китоб» бо мақсади дар амал татбиқ намудани банди 24-и “Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025”, ки бо Қарори Ҳукумати Ҷумҳурии Тоҷикистон №115 аз 3 апрели соли 2021 тасдиқ гардидааст, ҳамзамон ҷиҳати иҷрои фармоиши вазири фарҳанги Ҷумҳурии Тоҷикистон «Дар бораи ташкили сафари “Корвони китоб” дар шаҳру ноҳияҳои вилояти Суғд" ба шаҳри Панҷакент ворид гардид.

Ҳайати кории сафаркунандагони "Корвони китоб" таҳти роҳбарии директори Корхонаи давлатии таъминот ва савдои «Китоб» Содиқи Завқӣ дар назди бинои Кохи Лоиқ Шералии шаҳри Панҷакент намоиши фурӯши китобро баргузор намуданд.

Дар ин ҳамоиш кормандони ҳамаи корхонаву муассисаҳо, муовини раиси шаҳр Парвина Нақибӣ, Суди шаҳр, мақомоти андоз, фарҳангу маориф иштирок намуда, китоб харидорӣ карданд.