Аз ноҳияи Ашт 5000 тонна зардолуи тар содирот мешавад

Азназаргузаронӣ: 1504

Раиси вилояти Суғд Раҷаббой Аҳмадзода дар ноҳияи Ашт бо рафти ҷамъоварӣ ва содироти зардолу шинос гардид. 

Дар ноҳияи Ашт, ки аз калонтарин ноҳияҳои аграрӣ ба ҳисоб меравад, 20 ҳазор гектар боғи зардолу мавҷуд аст. Аз ин миқдор 570 гектари он зардолуи пешпазак буда, айни замон чиниш ва содироти маҳсулот ба роҳ монда шудааст. 

Тибқи иттилои масъулин боғдорон тасмим доранд, ки 5000 тонна зардолуи пешпазакро ба Россия ва Қазоқистон содирот намоянд. 

Тавре маълумот дода шуд, ҳамарӯза беш аз 10 мошини калони боркаш вориди ноҳия шуда, маҳсулотро интиқол медиҳанд. Нархи як килограм зардолу дар сари замин 8 сомонӣ аст. 

Дар ноҳияи Шаҳристон кишти картошка идома дорад

Азназаргузаронӣ: 1694

Дар ноҳияи Шаҳристон кишти картошка идома дошта, деҳқонон тасмим доранд, ки имсол дар 1735 гектар картошка кишт намоянд.

15 май Раиси вилояти Суғд Раҷаббой Аҳмадзода дар ноҳияи Шаҳристон бо вазъи корҳои саҳроӣ, аз ҷумла кишти картошка шинос гардид.

Раиси вилоят дар Ҷамоати деҳоти Шаҳристон бо кишоварзон вохӯрӣ намуда, барои истифодаи самараноки замин, зиёд намудани майдони кишти картошка, бунёди боғҳои нав, аз ҷумла шинонидани ниҳоли хуч тавсияҳо дод.

Тавре иттилоъ дода шуд, кишти картошка дар ноҳияи Шаҳристон идома дошта, то имрӯз нақшаи муқарраршуда 71 фоиз иҷро шудааст ва деҳқонон рӯзҳои наздик нақшаро пурра иҷро мекунанд.

Машварати корӣ бо масъулини соҳаи кишоварзӣ

Азназаргузаронӣ: 1646

12 май дар толори хурди мақомоти иҷроияи ҳокимияти давлатии вилоят таҳти раёсати Раиси вилояти Суғд Раҷаббой Аҳмадзода ва бо ҳузури муовини Сарвазири мамлакат Сулаймон Зиёзода ва вазири кишоварзӣ Қурбон Ҳакимзода машварати корӣ баргузор гардид.

Дар машварат муовинони Раиси вилоят, роҳбари дастгоҳи Раиси вилоят, раисони шаҳру ноҳияҳо, сардорони раёсату шуъбаҳои кишоварзии шаҳру ноҳияҳо, омор, беҳдошти замин ва обёрӣ, кумитаи замин ва дигар ташкилоту муассисаҳо иштирок доштанд.

Дар машварати корӣ таъкид карда шуд, ки мақомоти иҷроияи ҳокимияти давлатии вилоят ҷиҳати таъмини иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тадбирҳои заруриро амалӣ намуда, кишоварзони вилоят саҳми назарраси худро дар таъмини амнияти озуқаворӣ гузошта истодаанд.

Мақолаҳои боқимонда...