Рӯзи шанбеи 19 апрели соли 2025 бо ибтикори Мақомоти иҷроияи ҳокимияти давлатии вилояти Суғд дар шаҳри Хуҷанд ярмарка-фурӯши маҳсулоти кишоварзӣ баргузор гардид.

Дар ин ярмарка, ки бо мақсади таъмини дастрасии мардум бо маҳсулоти нисбатан арзон ва танзими нархҳои бозор ташкил шуд, маводи ғизоӣ ба сокинон пешниҳод карда шуд.

Раиси вилояти Суғд Раҷаббой Аҳмадзода аз ярмарка боздид намуда, бо ҷараёни фурӯши маҳсулот шинос шуд ва бо фурӯшандагону сокинон суҳбат орост.

Бояд зикр кард, ки дар се моҳи аввали соли равон 14 маротиба чунин ярмарка-фурӯш ташкил гардида, дар маҷмӯъ 1846 тонна маҳсулоти гуногуни кишоварзӣ ва 514,6 ҳазор дона тухм бо нархи дастрас ба сокинон пешкаш шудааст.

Дар партави сиёсати башардӯстонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз номи сокинони вилояти Суғд ба мардуми аз офати табиӣ зарардидаи ноҳияҳои Рашт ва Тоҷикобод кумаки инсондӯстона ирсол гардид.

Ин кумак, ки ҳаҷми умумии он 210 тоннаро ташкил медиҳад, аз маводи гуногуни хӯрока, сару либос, лавозимоти зарурии рӯзгор ва маҳсулоти сохтмонӣ иборат буда, бо 22 мошини калони боркаш ба минтақаҳои осебдида фиристода шуд.

Раиси вилояти Суғд Раҷаббой Аҳмадзода ба масъулин ҷиҳати бурда расонидани маҳсулоти сохтмонӣ, маводи ғизоӣ ва лавозимоти рӯзгор ба зарардидагони офати табиӣ супоришҳо дод.

18 апрел дар толори калони Мақомоти иҷроияи ҳокимияти давлатии вилояти Суғд ҷаласаи корӣ баргузор шуд ва натиҷаҳои рушди иҷтимоию иқтисодии вилоят дар 3 моҳи соли 2025 баррасӣ гардид.

Раиси вилояти Суғд Раҷаббой Аҳмадзода дар ҷаласа иброз дошт, ки мақомоти иҷроияи ҳокимияти давлатии вилоят дар моҳҳои январ-марти соли 2025 ҷиҳати дар амал татбиқ намудани сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва баҳри иҷрои дастуру супоришҳое, ки аз Паём ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуд. Дар натиҷа рушди соҳаҳои иқтисодиву иҷтимоӣ дар давраи ҳисоботӣ таъмин гардид. 

Сипас, муовини Раиси вилоят Файзулло Қосимӣ доир ба натиҷаҳои рушди иҷтимоию иқтисодии вилоят дар 3 моҳи соли 2025 гузориш дод.

Дар дуюмин Форуми байналмилалии сайёҳии "Суғд - чорроҳаи Роҳи бузурги Абрешим” намояндагони соҳаи сайёҳии 10 давлати дунё – Тоҷикистон, Туркманистон, Русия, Чин, Белорус, Қазоқистон, Қирғизистон, Узбекистон, Аморати муттаҳидаи Араб ва Юнон иштирок намуданд. 

Раиси вилояти Суғд Раҷаббой Аҳмадзода зимни иштирок ва суханронӣ дар форум меҳмононро ба Суғди бостонӣ хайрамақдам гуфта, иброз дошт, ки дар Тоҷикистон бо шарофати истиқлолу озодӣ ва азму талошҳои пайгиронаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи сайёҳӣ рушди бесобиқа ёфта, зарфияти сайёҳии кишвар дар минтақа ва ҷаҳон ба таври шоиста муаррифӣ мегардад. Хусусан дар вилояти Суғд, ки аз яке аз минтақаи ҷолиби сайёҳии Тоҷикистон ба ҳисоб меравад, инфрасохтори соҳа мукаммал гардида, имконияти мавҷуда самаранок истифода мешавад.