Хабарҳо
Паёми табрикии Раиси вилоят бахшида ба Рӯзи Рӯдакӣ - 21.09.2020 13:20
Ширкат дар интихобот қарзи шаҳрвандии мост! - 21.09.2020 11:47
Пешвои миллат Эмомалӣ Раҳмон ба фаъолияти коргоҳи нави дӯзандагии ҶДММ «Нассоҷии Хуҷанд» оғоз бахшиданд - 16.09.2020 09:29
Президенти мамлакат Эмомалӣ Раҳмон бинои 9-ошёнаи истиқоматӣ барои кормандони Раёсати КДАМ дар вилояти Суғдро мавриди баҳрабардорӣ қарор доданд - 16.09.2020 09:32
Пешвои миллат Эмомалӣ Раҳмон Маркази байналмилалии тиҷоратии «Сомон-Плаза»-ро дар шаҳри Хуҷанд ба истифода доданд - 16.09.2020 10:02
Президенти мамлакат Эмомалӣ Раҳмон аз «Хона-музей»-и Нозимҷон Усмонов дар ноҳияи Бобоҷон Ғафуров дидан карданд - 16.09.2020 11:08
Пешвои миллат Эмомалӣ Раҳмон дар ноҳияи Ҷаббор Расулов аз хоҷагии деҳқонии «Деҳқони нав» ва намоиши маҳсулоти кишоварзӣ боздид намуда, ба ҷамъоварии пахта оғоз бахшиданд - 16.09.2020 11:18
Сарвари давлат Эмомалӣ Раҳмон ба корҳои сохтмонӣ дар корхонаи истеҳсоли шиша ва зарфҳои шишагӣ дар ноҳияи Ҷаббор Расулов оғоз бахшиданд - 16.09.2020 11:29
Президенти мамлакат Эмомалӣ Раҳмон ба кишти такрорӣ дар заминҳои ҶСК «Парандапарвар»-и ноҳияи Ҷаббор Расулов оғоз бахшиданд - 16.09.2020 13:56
Ҷаласаи навбатии Ситоди вилоятӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавируси COVID-19 - 17.09.2020 12:09

Қарори грантҳо барои дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ дар соли 2014

( 0 Овоз )

Оид ба таъсиси грантҳо барои дастгирӣ ва

рушди ҳунарҳои дастии қолинбофӣ, сӯзанидӯзӣ,

адрасбофӣ дар соли 2014

Мутобиқи моддаи 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», ҷиҳати иҷрои Фармони Президенти Ҷумҳурии Тоҷикистон аз 3 декабри соли 1999, №5 «Дар бораи тадбирҳои баланд бардоштани мақоми зан дар ҷомеа», дастуру супоришҳои Президенти Ҷумҳурии Тоҷикистон зимни мулоқот бо соҳибкорони ватанӣ аз 25 декабри соли 2007 ва бо мақсади эҳё намудани ҳунарҳои миллии ниёгон, бо ҷойи кор таъмин намудани занону духтарон, татбиқи нақшаи чорабиниҳои Барномаи давлатии «Тайёр кардани мутахассисон аз ҳисоби занон ва мусоидат ба шуғли онҳо барои солҳои 2012-2015», дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ ва бо назардошти дархости мудири шӯъбаи кор бо занон ва оилаи мақомоти иҷроияи ҳокимияти давлатии вилоят  қ а р о р  м е к у н а м:

1. Дар соли 2014 30 грантҳои мақомоти иҷроияи ҳокимияти давлатии вилоят, аз ҷумла 10 грант, ҳар яке 10 000 сомонӣ, барои рушди ҳунари дастии қолинбофӣ, 10 грант, ҳар яке 5 000 сомонӣ, барои рушди ҳунари сӯзанидӯзӣ ва 10 грант, ҳар яке 5 000 сомонӣ, барои рушди ҳунари адрасбофӣ таъсис дода шавад.

2. Қоидаҳои ҷудо намудани грантҳои мақомоти иҷроияи ҳокимияти давлатии вилоят ва ҳайати комиссия тасдиқ карда шаванд (замимаҳои 1,2).

3. Ба Сарраёсати молияи вилоят супорида шавад, ки аз ҳисоби маблағҳои бақияи озоди ба ҳолати 1 январи соли 2014 мавҷудбудаи буҷети вилоятӣ барои маблағгузорӣ намудани грантҳои мақомоти иҷроияи ҳокимияти давлатии вилоят ба дастгоҳи  Раиси  вилоят,  бо  назардошти  хароҷоти  бонкӣ      201 000 (дусаду як ҳазор)  сомонӣ ҷудо намояд.

4. Шӯъбаи кор бо занон ва оилаи мақомоти иҷроияи ҳокимияти давлатии вилоят, Раёсатҳои сармоягузорӣ ва идораи амволи давлатӣ, ҷавонон, варзиш ва сайёҳии мақомоти иҷроияи ҳокимияти давлатии вилоят вазифадор карда шаванд, ки ҷиҳати дар сатҳи зарурӣ ба роҳ мондани чорабиниҳои ташкиливу ҳуқуқӣ, техникӣ, иттилоотӣ ва тарғиботию ташвиқотии грантҳои мақомоти иҷроияи ҳокимияти давлатии вилоят оид ба дастгирӣ ва рушди ҳунарҳои дастии қолинбофӣ, сӯзанидӯзӣ ва адрасбофӣ, барои соли 2014 тадбирҳои зарурӣ андешанд.

5. Ба дастгоҳи Раиси вилоят супорида шавад, ки истифода-барии мақсадноки маблағҳои ҷудогардидаро таъмин намояд.

6. Қарори мазкур барои тасдиқ ба иҷлосияи навбатии Маҷлиси вакилони халқи вилоят пешниҳод карда шавад.

7. Назорати иҷрои қарори мазкур ба зиммаи муовинони Раиси вилоят Бобоҷонова Р.М., Ёқубов А.Ш., Маҳмадуллоев Х.А. ва роҳбари дастгоҳи Раиси вилоят Ғиёсов Р.Р. гузошта шавад.

ШУМО ДАР: БАХШҲО Озмунҳо Қарори грантҳо барои дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ дар соли 2014