Хабарҳо
Ба истифода додани роҳи мошингарди пайвасткунандаи шаҳраки Мӯъминобод ва деҳаҳои Деҳлоло ва Хосабой бо иштироки Сарвари давлат Эмомалӣ Раҳмон - 25.09.2020 15:04
Пешвои миллат Эмомалӣ Раҳмон боғи фарҳангӣ-фароғатиро дар маркази ноҳияи Мӯъминобод мавриди баҳрабардорӣ қарор доданд - 25.09.2020 15:03
Сарвари давлат Эмомалӣ Раҳмон бо ҳолати истифодаи замини наздиҳавлигӣ дар манзили истиқоматии шаҳрванд Абдуфаёз Одинаев дар ноҳияи Мӯъминобод шинос шуданд - 25.09.2020 15:02
Президенти мамлакат Эмомалӣ Раҳмон бинои истиқоматиро дар ноҳияи Мӯъминобод мавриди баҳрабардорӣ қарор доданд - 25.09.2020 15:00
Боздиди Пешвои миллат Эмомалӣ Раҳмон аз ҳолати истифодаи замин, ҷамъоварии ҳосили картошка ва намоиши маҳсулоти кишоварзӣ дар мавзеи Гулистони ноҳияи Муъминобод - 25.09.2020 14:58
Сарвари давлат Эмомалӣ Раҳмон дар деҳаи Заркамари ноҳияи Мӯъминобод ба фаъолияти корхонаи Ҷамъияти дорои масъулияти маҳдуди «Дуоб-Р» оғозӣ расмӣ бахшиданд - 25.09.2020 14:56
Дар Хуҷанд Маркази тиҷоратии ““Шаҳри афсонавӣ” ба истифода дода шуд - 25.09.2020 14:22
Вохӯрии раиси Шӯрои ВАО бо донишчуёни кафедраи журналистика ва назарияи тарҷумаи ДДХ - 25.09.2020 09:53
Раиси вилоят собиқадори соҳаи кишоварзӣ Каримҷон Ҷӯраевро аёдат намуд - 24.09.2020 17:06
Шиносоӣ бо рафти ҷамъоварии пахта дар Конибодом - 24.09.2020 17:03

Таҷлили ҷашни Сада дар шаҳри Конибодом

( 0 Овоз )

Дар боғи фарҳангии шаҳри Конибодом бо иштироки роҳбарони коргоҳҳо, ташкилоту муассисаҳо, таълимгоҳҳо, фаъолон ва собиқадорони меҳнат бахшида ба ҷашни Сада чорабинии идона баргузор гардид.

Иштирокчиёни чорабинӣ нахуст аз намоиши техникаҳои муосири кишоварзӣ, ниҳолу буттаҳои гуногун, маҳсулоти ҳунарҳои мардумӣ, аз қабили адрасбофиву зардӯзӣ, наққошиву рассомӣ боздид намуданд.

Раиси шаҳри Конибодом Зафарбек Давлатзода сокинонро ба муносибати фарорасии ҷашни Сада табрик гуфт. Зикр гардид, ки Сада яке аз ҷашнҳои бошукӯҳи аҷдодиамон  буда, таърихи хеле қадима дорад ва чун ёдгори ниёгон баъди истилои араб низ ботантана таҷлил мегардид. Ин ҷашни ориёӣ дар Осиёи Марказӣ бештар бо оғози корҳои кишоварзӣ, хоса боғдориву ғаллакорӣ алоқаманд аст. Аз ин рӯ, дар ин мавсим тараддуду ташвиши деҳқонон шуруъ шуда, аз тайёриву омодагии онҳо бурду бохти минбаъдаи сол вобаста аст.

Дар робита ба ин нукта тазаккур дода шуд, ки аслан фалсафаи ҷашни Сада тавлиду офариниш, нуру рӯшноӣ  ва  бунёдкориву созандагӣ буда, ба истилоҳи дигар  анҷоми фасли сармо ва оғози гармии ҳавост.  Аз ин лиҳоз, ки ниёгонамон ойини зардуштиро парасторӣ дошта, танҳо оташро асосу мояи пайдоиш ва ҳаёт  медонистанд, Садаро ҳамчун рӯзи тавлиди оташу тулӯи нур  хеле гиромӣ медоштанд.

Дар ҷараёни чорабинии идона инчунин озмуни шаҳрии дастархонороӣ баргузор шуда, беҳтаринҳо муайян гардиданд.

Сипас, барои иштирокдорони чорабинии идона аз ҷониби ҳунармандони бахши фарҳанги шаҳр барномаи фарҳангӣ манзур карда шуд.

Хадамоти матбуоти
Раиси вилояти Суғд

 

  • 1
  • 2
  • 3
ШУМО ДАР: БАХШҲО Навиди Суғд Таҷлили ҷашни Сада дар шаҳри Конибодом