Хабарҳо
Боздиди Пешвои миллат Эмомалӣ Раҳмон аз Муассисаи давлатии «Боғи миллии Ваҳдат» дар ноҳияи Бобоҷон Ғафурови вилояти Суғд - 22.08.2019 19:38
Оғози корҳои таҷдиду барқарорсозии Неругоҳи барқи обии «Қайроққум» - 23.08.2019 09:02
Пешвои миллат Эмомалӣ Раҳмон Нишони давлатии Ҷумҳурии Тоҷикистонро дар шаҳри Гулистон ифтитоҳ намуданд - 23.08.2019 09:17
Президенти мамлакат Эмомалӣ Раҳмон Муассисаи таҳсилоти томактабии хусусии «Файзбахш»-ро дар ноҳияи Ҷаббор Расулов мавриди истифода қарор доданд - 23.08.2019 09:20
Пешвои миллат Эмомалӣ Раҳмон ба 100 нафар ятими кулл дар ноҳияи Ҷаббор Расулов туҳфаҳои идона тақдим намуданд - 23.08.2019 09:23
Пешвои миллат Эмомалӣ Раҳмон ба 100 нафар ятими кулли вилояти Суғд тӯҳфаҳо тақдим намуданд - 23.08.2019 12:29
Пешвои миллат Эмомалӣ Раҳмон корхонаи коркарди равғани растании ҶДММ «ЗирвЭко»-ро мавриди истифода қарор доданд - 23.08.2019 12:28
Сарвари давлат Эмомалӣ Раҳмон корхонаи коркарди санги хоро ва мармари ҶДММ «Хорои Хуҷанд»-ро мавриди истифода қарор доданд - 23.08.2019 12:26
Президенти мамлакат Эмомалӣ Раҳмон бинои шиносномадиҳии Раёсати Вазорати корҳои дохилии Ҷумҳурии Тоҷикистон дар вилояти Суғдро ифтитоҳ намуданд - 23.08.2019 12:25
Ифтитоҳи бинои нави Шуъбаи бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар вилояти Суғд - 23.08.2019 12:23

Паёми табрикии Раиси вилоят Раҷаббой Аҳмадзода ба муносибати Рӯзи кормандони нақлиёти автомобилӣ

( 0 Овоз )

Ҳамасола санаи 25 июл дар қаламрави ҷумҳурӣ Рӯзи кормандони нақлиёти автомобилӣ таҷлил карда мешавад, ки ба ин муносибат кулли кормандони соҳаро табрику муборакбод менамоям.

Соҳаи нақлиёт қисми таркибӣ ва ҷудонашавандаи иқтисодиёти давлат ба ҳисоб рафта, дар рушди тамоми соҳаҳои мухталифи хоҷагии халқи кишвар нақши ҳалкунанда мебозад.

Дар Ҷумҳурии Тоҷикистон, ки 93 дарсади ҳудудашро кӯҳҳо ташкил медиҳанд, нақлиёти автомобилӣ яке аз воситаҳои асосии ҳамлу нақли бору мусофирон ба ҳисоб меравад. Ин аст, ки ҳиссаи нақлиёти автомобилӣ дар маҷмӯи бору мусофиркашонӣ тавассути ҳамаи намудҳои нақлиёт, дар ҳаҷми кашонидани борҳо зиёда аз 86 дарсад ва дар мусофиркашонӣ зиёда аз 99 дарсадро ташкил медиҳад.

Ҳукумати Ҷумҳурии Тоҷикистон таҳти роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри ба меъёрҳои муосир ҷавобгӯй гардонидани инфрасохтори нақлиёт, аз ҷумла роҳҳои автомобилгард ва иншоотҳои он ҳамчун омили пешгирии садамаҳои нақлиёт ва пешрафти соҳаҳои иқтисодиву иҷтимоӣ таваҷҷуҳи доимӣ зоҳир менамояд.

Дар солҳои Истиқлолият дар соҳаи нақлиёти кишвар 45 лоиҳаи давлатии сармоягузорӣ бо маблағи умумии зиёда аз 12 миллиард сомонӣ татбиқ гардида, беш аз 2000 километр роҳҳои мошингард таҷдиду бунёд ва ба истифода супорида шуданд.

Мавриди зикр аст, ки раҳоӣ аз бунбасти коммуникатсионӣ, чун истиқлолияти энергетикӣ ва амнияти озуқаворӣ яке аз ҳадафҳои стратегии Ҳукумати Ҷумҳурии Тоҷикистон муайян карда шуда, бо шарофати Истиқлолияти давлатии Ҷумҳурии Тоҷикистон ва талошҳои ҳамешагии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давоми беш аз чоряк асри даврони истиқлолият дар Ҷумҳурии Тоҷикистон соҳаи роҳсозӣ ва нақлиёт низ рушд ёфт.

Боиси ифтихор аст, ки дар арафаи Наврӯзи имсола бо ташаббуси Пешвои миллат муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев гузаргоҳҳои сарҳадии байни ду кишвари ба ҳам дӯст кушода шуда, хатсайри байни Хуҷанд ва Тошканд ифтитоҳ ва муносибатҳои дуҷониба аз нав барқарор гардид.

Дар рӯзҳои таҷлили ҷашни Рӯзи Ваҳдати миллӣ марҳалаи аввали таҷдиди роҳи автомобилгарди Хуҷанд – Исфара ба масофаи 67,7 километр бо иштироки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуд, ки дар рушди иқтисодиёти кишвар ва таъмини бехатарии ҳаракат такони нав бахшид.

Итминони комил дорем, ки кормандони соҳаи нақлиёти автомобилӣ ҷавобан ба ин ғамхориҳои давлату Ҳукумат дар амалӣ намудани Фармони Президенти Ҷумҳурии Тоҷикистон бо мақсади омодагии ҳамаҷониба ба ҷашни 30 – солагии Истиқлолияти давлатии Ҷумҳурии Тоҷикистон аз уҳдаи иҷрои вазифаҳои дар наздашон гузошта сарбаландона баромада, минбаъд низ бо дарки баланди масъулиятшиносию худогоҳӣ, дар баланд бардоштани сатҳу сифати хизматрасонӣ аз имкониятҳои мавҷуда самаранок истифода мебаранд ва дар ободонию пешрафти кишвари азизамон ҳиссаи босазои худро мегузоранд.

Дар охир, кулли кормандони соҳаи нақлиёти автомобилӣ ва ҳамаи онҳое, ки пешрафти соҳаро таъмин менамоянд, бо ин рӯзи фархунда табрику муборакбод намуда, саломатии бардавом, ободии рӯзгор ва барору комёбиҳои меҳнатӣ таманно менамоям.

Иди касбӣ муборак, дӯстони азиз!

ШУМО ДАР: Паёму табрикот Паёми табрикии Раиси вилоят Раҷаббой Аҳмадзода ба муносибати Рӯзи кормандони нақлиёти автомобилӣ