Хабарҳо
Маросими ифтитоҳи Фонди хайриявии «Хуаксин – Суғд: Ман Тоҷикистонро дўст медорам» - 13.11.2019 15:33
Мулоқоти Раиси вилоят Раҷаббой Аҳмадзода бо намояндагони доираҳои соҳибкории вилояти Хубэйи Ҷумҳурии мардумии Чин - 13.11.2019 15:27
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42
“Нақши ҳукумати электронӣ дар рушди маҳал” – таҳти ин унвон бо иштироки мутахассисон мизи гирд доир гардид - 12.11.2019 15:53
Ғолибони озмуни “Деҳаи ман”, ки бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, муайян гардиданд - 12.11.2019 15:28
Иштироки Раиси вилояти Суғд Раҷаббой Аҳмадзода дар конференсияи 13-уми ҲХДТ дар вилояти Суғд - 12.11.2019 15:25
ЭМОМАЛӢ РАҲМОН ВА ФАРҲАНГИ МИЛЛӢ - 12.11.2019 13:51
Суҳбати Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон - 12.11.2019 13:27
Оғози мумфаршкунии роҳи​ маҳаллаи Темурмалики шаҳри Хуҷанд - 11.11.2019 19:39

Паёми табрикии Раиси вилоят Раҷаббой Аҳмадзода бахшида ба Рӯзи ҷавонони Тоҷикистон

( 0 Овоз )

Фарорасии Рӯзи ҷавонони Тоҷикистонро ба кулли ҷавонони саодатманди вилоят табрику таҳният гуфта, тансиҳативу хонаободӣ, иқболи баланд ва дар амалӣ намудани мақсаду ниятҳои нек муваффақиятҳои шоистаро таманно дорам.

Боиси ифтихор аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба нерӯи созанда, иқдомҳои бунёдкорона, ташаббусҳои наҷиби ҷавонон ва қобилияти баланди зеҳниву ҷисмонии онҳо эътимоди комил доранд ва ғамхорӣ дар ҳаққи насли ояндасози миллатро самти меҳвари фаъолияти худ қарор додаанд.

Пешвои миллат муҳтарам Эмомалӣ Раҳмон дар Паёми солонаи худ вобаста ба иштироки ҷавонон дар маъракаҳои муҳими давлатию ҷамъиятӣ ва ҳиссаи сазовор гузоштани онҳо дар корҳои ободонию бунёдкорӣ ва ҳифзи дастовардҳои кишвар ишора намуда, аз ҷумла бамаврид қайд карданд:

«Боиси қаноатмандист, ки ҷавонони бонангу номус ва боиродаи мо ҳамчун нерӯи созанда дар маъракаҳои муҳими давлативу ҷамъиятӣ фаъолона иштирок карда, дар корҳои ободонӣ ва бунёдкорӣ ҳиссаи сазовор гузошта истодаанд.

Дар ин раванд, зарур аст, ки минбаъд худи ҷавонон ташаббускори амалҳои созанда бошанд, дастовардҳои илмиву эҷодии худро сари вақт муаррифӣ созанд, ба муқобили зуҳуроти номатлуб мубориза баранд, зиракии сиёсиро аз даст надода, дар ҳифзи амнияти ҷомеа ва давлат омода бошанд, таъриху фарҳанги халқамонро гиромӣ доранд ва барои ободиву пешрафти минбаъдаи Ватани маҳбубамон саъю кӯшиш намоянд».

Шоистаи таъкид аст, ки дастгирии ҷавонон ва ғамхорӣ нисбати онҳо дар сиёсати давлату Ҳукумати кишвар ҷойгоҳи муҳимро касб карда, ҷиҳати рушди иҷтимоии ҷавонон, фаъолгардонии онҳо дар ҳаёти ҷомеа, тақвият бахшидани ҳисси худшиносию ифтихори миллии ҷавонон пайваста тадбирҳои ҳадафманд амалӣ карда мешаванд.

Дар ин радиф, Мақомоти иҷроияи ҳокимияти давлатии вилоят низ ҳамасола бо мақсади дастгирии иҷтимоии ҷавонони боистеъдод барои донишҷӯён, магистрантон, аспирантони муассисаҳои таҳсилоти олӣ ва миёнаи касбӣ ва варзишгарон стипендияи Раиси вилоятро муқаррар намуда, барои ба ҷавонон фароҳам овардани шароитҳои ба талаботи замон ҷавобгӯ тадбирҳои зарурӣ меандешад.

Боиси қаноатмандист, ки ҷавобан ба ҳамаи ин ғамхориҳо ҷавонони шарафманди мамлакат бо дарки масъулияти бузурги хеш сиёсати ояндасозу хирадмандонаи Сарвари маҳбуби давлатамонро ҷонибдорӣ намуда, дар ҳаёти сиёсию иқтисодӣ ва иҷтимоию фарҳангии кишвар фаъолона ширкат менамоянд.

Имрӯз Тоҷикистон ба нерӯи ақлонӣ ва зеҳнии ҷавонони босавод, боинтизом, бомаърифат, масъулиятшинос ва фаъол такя мекунад, зеро асоси мустаҳкамии давлату миллат ба ҷавонон вобастагии қавӣ дорад. Боварии комил дорам, ки ҷавонони вилоят ҳамчун фарзандони асили Ватан барои дар амал татбиқ намудани ҳадафҳои созандаи давлату Ҳукумат, ки ба пешрафти Тоҷикистони соҳибистиқлол, фароҳам овардани шароити арзандаи кору зиндагӣ барои ҳар як фард нигаронида шудааст, саҳми босазои хешро мегузоранд.

Бо ҳамин ниятҳои нек, бори дигар кулли ҷавонони содиқи Ватанро ба муносибати Рӯзи ҷавонон табрик гуфта, барояшон бахту иқбол, муваффақияту пирӯзӣ ва дар таҳсилу фаъолияти оянда дастовардҳои беназир таманно менамоям.

Рӯзи ҷавонони Тоҷикистон, муборак!

ШУМО ДАР: Паёму табрикот Паёми табрикии Раиси вилоят Раҷаббой Аҳмадзода бахшида ба Рӯзи ҷавонони Тоҷикистон