Хабарҳо
Дар ноҳияи Деваштич сохтмони биноҳои таваллудхонаи марказӣ, нозироти андоз, маркази адлия ва раёсати молия идома дорад - 13.11.2018 14:57
“Нақши Президенти Ҷумҳурии Тоҷикистон муҳтарам Эмомалӣ Раҳмон дар таҳкими сулҳу ваҳдат ва рушди устувори мамлакат”-баргузории конфронс дар Мастчоҳ - 13.11.2018 14:19
Шиносоии Раиси вилоят бо рафти сохтмони маркази саломатӣ ва муассисаи томактабӣ дар ноҳияи Деваштич - 13.11.2018 14:12
Дар Маҷмааи таърихию фарҳангии "Қалъаи Хуҷанд" намоиши ҳунарҳои мардумии сокинони шаҳри Гулистон баргузор шуд - 13.11.2018 12:10
Таджикистан не проходной двор, чтобы всякого рода хармуроды, гулмуроды нападали на него - 12.11.2018 20:43
Шиносоии Раиси вилоят бо рафти ҷамъоварии пахта дар ноҳияи Мастчоҳ - 12.11.2018 15:52
Раиси вилояти Суғд Раҷаббой Аҳмадзода Николай Шербаковро ба ҳузур пазируфт - 12.11.2018 15:48
Шиносоии Раиси вилоят бо фаъолияти гармхонаҳо /АКСҲО/ - 12.11.2018 15:02
Шиносоии Раиси вилоят бо фаъолияти гармхонаҳои ноҳияҳои Бобоҷон Ғафуров, Ҷаббор Расулов ва Спитамен - 12.11.2018 14:38
Баррасии рафти омодагиҳо ба давраи тирамоҳу зимистони солҳои 2018-2019 - 12.11.2018 12:56

Паёми табрикии Раиси вилоят бахшида ба Рўзи кормандони мақомоти андоз

( 0 Овоз )

Ҳамдиёрони гиромӣ,

Боиси ифтихор ва сарбаландист, ки дар даврони Истиқлолият таъсисёбӣ ва ташаккули низоми муосири андози ҷумҳурӣ бо номи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон пайванди ногусастанӣ дошта, таҳти роҳнамоии ў ин соҳа рушду инкишоф ёфта, фаъолияти босамари худро амалӣ менамояд.

Дар ибтидо низоми миллӣ ва тозабунёди мақомоти андози ҷумҳурӣ соли 1990 дар заминаҳои меъёрии ҳуқуқӣ ва ташкилии собиқ Раёсати даромадҳои давлатӣ ва андозҳои Вазорати молияи Ҷумҳурии Шўравии Сотсиалистии Тоҷикистон таъсис гардида, соли 1992 зери тобеъияти бевоситаи Президенти Ҷумҳурии Тоҷикистон, муҳтарам Эмомалӣ Раҳмон Сарраёсати андози Ҷумҳурии Тоҷикистон созмон дода шуд.

Дар раванди ислоҳоти минбаъдаи сохтори давлатӣ бо Фармони Президенти Ҷумҳурии Тоҷикистон аз 4-уми майи соли 1995, №221 ҳамчун Кумитаи андози назди Ҳукумати Ҷумҳурии Тоҷикистон ташкил ёфт. Қабул шудани Қонуни Ҷумҳурии Тоҷикистон «Дар бораи асосҳои мақомоти андоз» қадами устуворе дар такмили фаъолияти мақомоти андоз буда, бо он системаи андози Ҷумҳурии Тоҷикистон ба низоми нисбатан мукаммал дароварда шуд.

Зиёдшавии ҳаҷми воридоти андозҳо ба буҷети давлатӣ сарчашмаи асосии пешравии соҳаҳои хоҷагии халқи мамлакат, баланд шудани сатҳи зиндагонӣ ва некўаҳволии мардуми вилоят аст. Дар ин раванд, агар ба иҷроиши нақша, ҷамъоварии андозҳо ва дигар пардохтҳои ҳатмии давлатӣ назар афканем, дар соли 1995-ум воридоти андозҳо дар вилояти Суғд дар маҷмўъ 1,2 млн. сомонӣ бошад, он дар соли 2017 ба 2 млрд. 290,7 млн. сомонӣ расонида шуд, ки нисбат ба ҳамон давра бештар 1900 маротиба зиёд аст.

Дар ин музаффарият ва кори некў заҳмату талошҳои ҳамарўзаи кормандони мақомоти андози вилоят ва дастгирии бевоситаи мақомоти маҳаллии ҳокимияти давлатӣ назаррас арзёбӣ мегардад.

Боиси тазаккур аст, ки кормандони мақомоти андози вилояти Суғд дар рўзи таҷлили иди касбӣ саъю кўшиш намуда, нақшаи қисми даромади буҷети давлатиро дар чор моҳи соли 2018 барзиёд иҷро карданд ва ин дастовези арзанда ба ҷашн мебошад.

Бо итминони комил Рўзи кормандони мақомоти андозро ба кормандону алоқамандони соҳа ва кулли андозсупорандагон бори дигар муборакбод гуфта, таманно дорам, ки ҳамеша тансиҳату сарбаланд ва комёбу зафарманд бошанд.

Иди касбӣ муборак, ҳамдиёрони азиз!

ШУМО ДАР: Паёму табрикот Паёми табрикии Раиси вилоят бахшида ба Рўзи кормандони мақомоти андоз