Хабарҳо
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42
“Нақши ҳукумати электронӣ дар рушди маҳал” – таҳти ин унвон бо иштироки мутахассисон мизи гирд доир гардид - 12.11.2019 15:53
Ғолибони озмуни “Деҳаи ман”, ки бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, муайян гардиданд - 12.11.2019 15:28
Иштироки Раиси вилояти Суғд Раҷаббой Аҳмадзода дар конференсияи 13-уми ҲХДТ дар вилояти Суғд - 12.11.2019 15:25
ЭМОМАЛӢ РАҲМОН ВА ФАРҲАНГИ МИЛЛӢ - 12.11.2019 13:51
Суҳбати Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон - 12.11.2019 13:27
Оғози мумфаршкунии роҳи​ маҳаллаи Темурмалики шаҳри Хуҷанд - 11.11.2019 19:39
Мулоқоти Президенти Ҷумҳурии Тоҷикистон Эмомалӣ Раҳмон бо Директори кулли ЮНЕСКО хонум Одрӣ Азуле - 09.11.2019 09:50
Мулоқоту музокироти сатҳи олии Тоҷикистону Франсия - 09.11.2019 09:45

Паёми табрикии Раиси вилоят Раҷаббой Аҳмадзода бахшида ба Рӯзи илми тоҷик

( 0 Овоз )

Муҳтарам аҳли зиё, устодон, олимон ва муҳаққиқон!

Рисолати илм дар ҳама давру замон ҳидоятгар буда, ҷомеаро ҳамеша ба сӯи пешрафту тараққиёт раҳнамоӣ менамояд.

Имрӯз олимону муҳаққиқон ба нерӯи тавоное табдил ёфта, дар густариши маънавиёти ҷомеа ва гиромидошти арзишҳои илмиву фарҳангии миллат нақши бориз мегузоранд. Бахусус, дар замони муосир, ки раванди ҷаҳонишавӣ тавсеа ёфта, бархӯрди тамаддунҳо тезутунд мегардад, масъалаи таҳқиқу омӯзиш ва тарғиби муосири арзишманди гузаштагони пурифтихорамон, гиромидошт ва ҳифзи суннатҳои миллию мардумӣ аҳамияти бештар пайдо мекунанд.

Вобаста ба ин, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқоти худ бо зиёиёни кишвар барҳақ таъкид доштанд, ки: «Таҳқиқи ҷиддии мероси гаронбаҳои гузаштагон, ёдгориҳои фарҳангӣ ва тарғиби суннатҳои мардумӣ вазифаи муҳимтарини намояндагони илму маориф, аҳли эҷод ва ҳамаи зиёиёни кишвар мебошад».

Аз ин рӯ, яке аз вазифаҳои муҳими аҳли илм тарвиҷи корҳои илмию таҳқиқотӣ, тарғибу ташвиқи фарҳанги миллӣ, касбу ҳунарҳои мардумӣ, ҷалби аҳолӣ ба китобхона ва оммавигардонии мутолиаи он, арҷгузорӣ ба забон ҳамчун рукни муҳими фарҳангсозу миллатсоз маҳсуб меёбад. Гузашта аз ин, дар шароити муосир умдатарин ҳадафи мо ин аст, ки нерӯи қавии илмиву эҷодии зиёиёнро ба таҳкими ваҳдату арзишҳои милливу маънавӣ равона намуда, ҷавонони соҳибмаърифатро ба камол расонем ва ба ин восита дар ташаккули худшиносӣ ва худогоҳии миллӣ, ҳифзи манофеи миллию давлатӣ саҳмгузор бошем.

Паҷӯҳишҳои олимону муҳаққиқон ва нақши мондагори онҳо дар рушди бемайлони илми тоҷик аз ҷониби давлату Ҳукумат пайваста арҷгузорӣ карда мешавад, зеро, дастовардҳои беназири иқтисодиву иҷтимоӣ ва фарҳангӣ, ки маҳсули андешаву афкор ва истеъдоди олимон аст, ба рушди ҷомеа нигаронида шудааст. Мо ҳамеша ба аҳли зиё такя намуда, нерӯи тавонои илмиву эҷодӣ ва ташаббусҳои онҳоро ҷонибдорӣ менамоем.

Дар баробари ин, аҳли илм бояд корҳои илмӣ ва ихтироъкорию навовариро боз ҳам тақвият бахшида, баҳри татбиқ намудани дастовардҳои илмӣ ва иннаватсиониву технологӣ дар истеҳсолоти ватанӣ тадбирҳои зарурӣ андешанд.

Итминони комил дорам, ки олимони вилоят ба таҳқиқи муаммоҳои илми муосир ва ихтирооти ҷадид пайваста кӯшиш намуда, нерӯи ақлонии худро ба рушди ҷомеа равона намуда, дар таҳкими пояҳои давлатдорӣ, худшиносии миллӣ ва фарди дурахшони кишвари азизамон нақши арзишманд мегузоранд.

Иди касбӣ муборак!

ШУМО ДАР: Паёму табрикот Паёми табрикии Раиси вилоят Раҷаббой Аҳмадзода бахшида ба Рӯзи илми тоҷик