Хабарҳо
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42
“Нақши ҳукумати электронӣ дар рушди маҳал” – таҳти ин унвон бо иштироки мутахассисон мизи гирд доир гардид - 12.11.2019 15:53
Ғолибони озмуни “Деҳаи ман”, ки бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, муайян гардиданд - 12.11.2019 15:28
Иштироки Раиси вилояти Суғд Раҷаббой Аҳмадзода дар конференсияи 13-уми ҲХДТ дар вилояти Суғд - 12.11.2019 15:25
ЭМОМАЛӢ РАҲМОН ВА ФАРҲАНГИ МИЛЛӢ - 12.11.2019 13:51
Суҳбати Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон - 12.11.2019 13:27
Оғози мумфаршкунии роҳи​ маҳаллаи Темурмалики шаҳри Хуҷанд - 11.11.2019 19:39
Мулоқоти Президенти Ҷумҳурии Тоҷикистон Эмомалӣ Раҳмон бо Директори кулли ЮНЕСКО хонум Одрӣ Азуле - 09.11.2019 09:50
Мулоқоту музокироти сатҳи олии Тоҷикистону Франсия - 09.11.2019 09:45

Паёми табрикотии Раиси вилоят бахшида ба Рӯзи иқтисодчиён

( 0 Овоз )

Ҳар сол санаи 8 апрел дар кишвар Рӯзи иқтисодчиён мутантан таҷлил карда мешавад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо назардошти муҳимияти соҳаи иқтисод, барҳақ, зикр намудаанд: «Дар шароити ҳассоси замони муосир ҳадафи асосии давлат, пеш аз ҳама, таъмини рушди босуботи иқтисодӣ ва тадриҷан баланд бардоштани сатҳу сифати зиндагии мардум тавассути амалӣ кардани ислоҳоти низоми идораи давлатӣ, таъмини шаффофияти фаъолияти мақомоти он, фароҳам овардани фазои мусоид барои рушди соҳибкорӣ, ҷалби сармоя ва воридоти технологияҳои пешрафта ва дар ин замина ташкил кардани ҷойҳои нави корӣ мебошад».

Мақомоти иҷроияи ҳокимияти давлатии вилоят рушди соҳаи иқтисодро аз самтҳои муҳими фаъолият арзёбӣ карда, барои таъмини рушди иқтисодӣ ва тавассути он баланд бардоштани сатҳи зиндагии мардум, дар асоси ҳадаф ва афзалиятҳои ҳуҷҷатҳои стратегии кишвар – Стратегияи миллии рушд – 2030,  Барномаи миёнамӯҳлати рушди Ҷумҳурии Тоҷикистон барои солҳои 2016–2020, Барномаи миёнамӯҳлати рушди иҷтимоию иқтисодии вилоят барои солҳои 2016 - 2020- ро қабул карда, дар амалӣ шудани онҳо, ҳамчунин ҷиҳати таъмини ҳадафҳои стратегӣ, танзими равандҳои муҳоҷирати меҳнатӣ, рушди бахши хусусӣ ва дастгирии табақаҳои ниёзманди аҳолӣ тадбирҳо меандешад.

Иқтисодчиёни вилоят дар таъмини ҳадафҳои асосии фаъолият таъсиси корхонаҳои нави саноатӣ, эҳё ва тарғиби ҳунарҳои мардумӣ, сохтмони биноҳои истиқоматӣ, бунёду таъмири роҳҳо, дастгирии соҳаи кишоварзӣ, иҷрои буҷети давлатӣ ва баланд бардоштани сатҳи зиндагии аҳолӣ ширкати фаъолона дошта, вазифаашонро бо дарки масъулият иҷро мекунанд, барои ба нишондиҳандаҳои назарраси меҳнатӣ ноил шудан саъю кӯшиш менамоянд. Мусаллам аст, ки таъмини ин ҳадафҳо дар рушди соҳаҳои иқтисодиёт ва ҳалли масъалаҳои иҷтимоии сокинони вилоят заминаи мусоидат фароҳам меорад.

Маҳз баракати сулҳу суботи комл, ваҳдату сарҷамъии миллат ва талошу заҳмати пайгиронаи мардуми кишвар, таҳти сарварии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нишондиҳандаҳои иҷтимоиву иқтисодии вилоят афзуда, раванди татбиқи ҳадафҳои миллӣ ва иҷрои стратегияву барномаҳои давлатӣ дар вилоят густариши тоза пайдо намуд ва рушди устувори соҳаҳои мухталиф таъмин мегарданд.

Рӯзи иқтисодчиёнро ба тамоми кормандони соҳа табрику таҳният гуфта, дар роҳи расидан ба қуллаҳои баланди фаъолият барору кушоиш таманно мекунам.

ШУМО ДАР: Паёму табрикот Паёми табрикотии Раиси вилоят бахшида ба Рӯзи иқтисодчиён