Хабарҳо
Маросими муаррифии муовини Раиси вилоят - 16.01.2019 16:41
Қарори Раиси вилоят Дар бораи расонидани кўмаки моддӣ ба иштирокчиён ва маъюбони Ҷанги Бузурги Ватанӣ - 16.01.2019 14:28
Мулоқоти Раиси вилоят бо роҳбари ҶДММ “Ширкати куҳӣ-саноатии Тоҷикистону Хитой” Вен Ю Дао - 15.01.2019 16:26
Шиносоии Раиси вилоят бо фаъолияти субъектҳои Минтақаи озоди иқтисодии “Суғд” - 16.01.2019 10:29
Раиси вилоят бо лоиҳаи бино ва иншоотҳои дар ҳудуди шаҳри Истаравшан сохташаванда шинос шуд - 15.01.2019 16:22
Ифтитоҳи корхонаи ордбарории ҶДММ “Тоҷикистон” дар Истаравшан - 15.01.2019 16:24
Шарҳи фармони Президенти Ҷумҳурии Тоҷикистон «Дар бораи ворид намудани тағйир ба фармони Президенти Ҷумҳурии Тоҷикистон аз 16 январи соли 2018, №990» - 16.01.2019 08:42
Фармони Президенти Ҷумҳурии Тоҷикистон дар бораи ворид намудани тағйир ба фармони Президенти Ҷумҳурии Тоҷикистон аз 16 январи соли 2018, №990 - 16.01.2019 08:40
Дар Истаравшан бинои панҷошёнаи истиқоматӣ ва маркази хизматрасонӣ мавриди истифода қарор гирифт - 15.01.2019 16:19
Мулоқоти Раиси вилоят бо роҳбари корхонаи муштараки “Хуаксин Ғаюр Суғдсемент” Лю Хунчао - 15.01.2019 17:06

Паёми табрикии Раиси вилоят бахшида ба Рӯзи зиёиёни эҷодкор

( 0 Овоз )

Муҳтарам аҳли зиё!

Фарорасии Рӯзи зиёиёни эҷодкорро ба ҳамаи Шумо ва мардуми сарбаланди вилоят самимона таҳният гуфта, бароятон саломатии бардавом, фароғати хотир ва дар ҷодаи рушду густариши илму маърифат муваффақиятҳои тозаи эҷодӣ таманно дорам.

Боиси таъкид аст, ки пешрафти илму маориф ба аҳли зиё сахт алоқаманд буда, дар айни замон ҳамчун пойдевори рушду тараққиёти тамоми соҳаҳои ҳаёти ҷомеа дар маркази таваҷҷуҳи давлату Ҳукумати мамлакат қарор дорад.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба мавқеъ, нуфуз ва рисолати зиёиён барҳақ таъкид намудаанд: “Сатҳи донишу маърифати мардум, хусусан, наврасону ҷавононро баланд бардоштан, ҳисси ифтихори миллии наслҳоро бедор сохтан ва дар шароити мураккаби ҷаҳонишавӣ асолат ва арзишҳои миллиро ҳифз кардан рисолати ҳар як зиёии ватандӯст ба шумор меравад”.

Хеле рамзист, ки Рӯзи зиёиёни эҷодкор дар арафаи ҷашни мубораки миллиамон  - Наврӯзи оламафрӯз таҷлил мегардад, зеро ғояву арзишҳои ҷовидонаи ин санаи фархунда тавассути осори арзишманди гузаштагони пурифтихорамон то замони мо расида, дар таҳкими пояҳои фарҳангии ҷомеа хизмат менамояд.

Аз ин лиҳоз, Шумо зиёиён бо нерӯи зеҳнӣ ва ақлонии худ бояд дар устувор намудани суботи сиёсӣ ва ваҳдату ҳамдигарфаҳмӣ, ҳифзу нигаҳдории мероси фарҳангии халқи куҳанбунёдамон, эҳё ва таҳким бахшидани асолати миллӣ, рукнҳои асосии давлатдорӣ, аз ҷумла забон ва фарҳанг, расму ойин ва суннату анъанаҳои миллӣ, дар тарбияи маънавӣ, камолоти ахлоқӣ ва инсонии мардум ва дар маҷмӯъ, дар инъикоси бузургтарин дастовардҳои даврони соҳибистиқлолии Ватани азизамон – Тоҷикистон нақши муҳим гузоред.

Бо чунин ниятҳои нек Рӯзи зиёиёни эҷодкор ва ҳамзамон Иди Наврӯзи байналмилалиро ба Шумо самимона таҳният гуфта, хушбахтии оилавӣ, хотири ҷамъ ва дар фаъолияти эҷодӣ дастовардҳои беназир таманно дорам.


ШУМО ДАР: Паёму табрикот Паёми табрикии Раиси вилоят бахшида ба Рӯзи зиёиёни эҷодкор