Хабарҳо
Худ ва атрофиёнро аз сироятёбӣ ба бемориҳои сироятӣ ҳифз намоед - 02.06.2020 11:54
СИТОДИ ҶУМҲУРИЯВӢ: ИМТИҲОНҲО ДОИР НАМЕШАВАНД! Баҳои аттестатсияи хатм барои хатмкунандагони муассисаҳои таҳсилоти умумии ҷумҳурӣ дар синфҳои 9 ва 11 дар асоси ҷамъбасти баҳои чорякҳо ва солона гузошта мешавад - 02.06.2020 10:15
Хуҷанд: Мулоқоти судманд дар маҳаллаҳои Тути Калон ва Чорчароғ - 02.06.2020 10:12
Боздид аз парвариши помидор ва лимӯ дар қитъаи назди ҳавлигии сокинони деҳаи Заркори ноҳияи Ҷаббор Расулов - 31.05.2020 16:34
Боздиди Раиси вилоят аз нашъунамои ниҳоли пахта дар ноҳияи Ҷаббор Расулов - 31.05.2020 16:36
Раиси вилояти Суғд Раҷаббой Аҳмадзода ҷавонони маъюбро аёдат намуд - 01.06.2020 04:53
Мулоқоти Раиси вилоят Раҷаббой Аҳмадзода бо табибони Маркази саломатии Ҷамоати шаҳраки Меҳробод - 01.06.2020 04:57
Раҷаббой Аҳмадзода тарбиятгирандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд - 01.06.2020 18:41
Шиносоии Раҷаббой Аҳмадзода бо тарзи истифодабарии заминҳои наздиҳавлигӣ дар ноҳияи Бобоҷон Ғафуров - 01.06.2020 17:08
Шиносоӣ бо сохтмони майдони Парчами давлатии Ҷумҳурии Тоҷикистон - 01.06.2020 16:02

Паёми табрикии иҷрокунандаи вазифаи Раиси вилоят ба муносибати Рӯзи матбуот

( 0 Овоз )

Ҳамдиёрони гиромӣ,

Муҳтарам аҳли қалам!

Дар шароити муосир нақши воситаҳои ахбори омма барои таҷассуми таҳаввулоти азими сиёсиву иқтисодӣ, иҷтимоӣ, фазои маърифативу фарҳангӣ, таҳкими сулҳу ваҳдат ва ҳифзи манофеи миллӣ ба таври барҷаста ошкор мегардад. Моҳият ва нақши созандаи матбуот ва дигар воситаҳои ахбори омма, пеш аз ҳама ба нуфузи рўзафзуни иттилоот ва фарох гардидани ҷаҳони иттилоотӣ пайванд мегирад.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: “Манфиатҳои миллӣ ва суботу оромии ҷомеа тақозо менамоянд, ки воситаҳои ахбори оммаи ватанӣ на танҳо дастгоҳи тавонои хабарӣ бошанд, балки дар муборизаи иттилоотӣ барои ҳифзи манфиатҳои миллӣ, алалхусус амнияти давлат ва ҷомеа хизмат кунанд”.

Маҳз таҳкими пояҳои соҳибистиқлолии Ҷумҳурии Тоҷикистон имконият фароҳам овард, ки теъдоди зиёди рӯзномаву ҳафтанома ва воситаҳои ахбори оммаи электронӣ фаъолияти пурсамари хешро дар таъмини фазои иттиолоотии мамлакат равона намуда, сокинони мамлакатро  саривақт бо рӯйдодҳои муҳими ҷомеа ошно гардонанд.

Мақомоти иҷроияи ҳокимияти давлатии вилояти Суғд ба маҳсули эҷоди рӯзноманигорон арҷ мегузорад ва барои ҳалли масоили мубрами ҷомеа аз он истифода менамояд. Имсол, ки бо ибтикори Пешвои миллат муҳтарам Эмомалӣ Раҳмон “Соли рушди сайёҳӣ ва ҳунарҳои мардумӣ” эълон гардидааст, итминони комил дорам, ки кормандони воситаҳои ахбори оммаи вилоят барои тарғибу ташвиқи имкониятҳои Тоҷикистони азиз, аз ҷумла табиати дилфиреб, ёдгориҳои беназири таърихиву фарҳангии Суғди куҳан, ҳунарҳои мардумӣ, дастовардҳои самтҳои мухталифи хоҷагии халқ, таҳлилу баррасии мушкилоту муаммо ва роҳҳои ҳалли онҳо саҳми назарраси худро гузошта, барои пешрафти рўзгори ҷомеа ва ҳаёти мардум хизмат менамоянд.

Бо чунин ниятҳои нек бори дигар рўзноманигорон ва кормандони воситаҳои ахбори оммаи вилоятро ба муносибати фаро расидани Рӯзи матбуоти тоҷик самимона табрику таҳният гуфта, барояшон  саломативу сарбаландӣ, садоқат ба қалам, андешаҳои дурпарвоз, илҳоми саршор ва таълифи осори мондагорро таманно мекунам.

Ид муборак, аҳли қалами вилоят!

ШУМО ДАР: Паёму табрикот Паёми табрикии иҷрокунандаи вазифаи Раиси вилоят ба муносибати Рӯзи матбуот