Хабарҳо
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42
“Нақши ҳукумати электронӣ дар рушди маҳал” – таҳти ин унвон бо иштироки мутахассисон мизи гирд доир гардид - 12.11.2019 15:53
Ғолибони озмуни “Деҳаи ман”, ки бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, муайян гардиданд - 12.11.2019 15:28
Иштироки Раиси вилояти Суғд Раҷаббой Аҳмадзода дар конференсияи 13-уми ҲХДТ дар вилояти Суғд - 12.11.2019 15:25
ЭМОМАЛӢ РАҲМОН ВА ФАРҲАНГИ МИЛЛӢ - 12.11.2019 13:51
Суҳбати Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон - 12.11.2019 13:27
Оғози мумфаршкунии роҳи​ маҳаллаи Темурмалики шаҳри Хуҷанд - 11.11.2019 19:39
Мулоқоти Президенти Ҷумҳурии Тоҷикистон Эмомалӣ Раҳмон бо Директори кулли ЮНЕСКО хонум Одрӣ Азуле - 09.11.2019 09:50
Мулоқоту музокироти сатҳи олии Тоҷикистону Франсия - 09.11.2019 09:45

Паёми табрикии иҷрокунандаи вазифаи Раиси вилоят бахшида ба ҷашни Сада

( 0 Овоз )

Фарорасии ҷашни бостонию мардумии Садаро ба кулли сокинони вилоят табрику муборакбод гуфта, барояшон дастархони пур аз нозу неъмат, хайру баракат, хотирҷамъӣ ва дастоварду музаффариятҳои беназир таманно дорам.

Боиси ифтихор аст, ки маҳз бо иқдоми хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иди Сада дар қатори ҷашнҳои таърихӣ ва фархундаи миллии тоҷикон – Наврӯз ва Меҳргон аз нав эҳё гардид.

Пешвои миллат дар Паёми солонаи худ дар робита ба арзишу аҳамият ва нақши ин идҳои бостонӣ таъкид намуданд: “Суннату ойинҳои нек ва ҷашнҳои миллии мо, мисли Наврӯз, Меҳргон ва Сада дар тӯли таърих барои тарғиби ахлоқу маънавиёти созанда хизмат кардаанд. Аз ин рӯ, зарур аст, ки дастовардҳои маънавию модии мардуми шарифи мо ба феҳристи умумиҷаҳонии ЮНЕСКО ворид гарданд ва нақши тамаддунсози миллати тоҷикро минбаъд низ боло баранд”.

Бояд гуфт, ки дар осори илмию фарҳангии абармардони тоҷику форс Абулқосими Фирдавсӣ, Абӯрайҳони Берунӣ, Абӯбакр Муҳаммади Наршахӣ ва дигарон оид ба ҷашнҳои мардумӣ маълумоти ҷолибу рангин ва муфассал мавҷуданд. Тибқи ин маълумот моҳияти ҷашни Садаро пирӯзии рӯшноӣ бар торикӣ, гармӣ бар сардӣ ва некӣ бар бадӣ ташкил дода, бо афрӯхтани гулханҳои бузург мардум онро гиромӣ медоштанд.

Иди Сада дар замони гузашта дар рӯзи даҳуми моҳи баҳман таҷлил мегардид ва аз он то фарорасии Наврӯз панҷоҳ шабу панҷоҳ рӯзро ташкил медод. Дар “Шоҳнома”-и Ҳаким Фирдавсӣ низ маншаи Иди Сада бо пайдоиши оташ робита дошта, дар назди мардум муқаддас ҳисобида шудааст.

Новобаста ба он ки гузаштагони мо дар ин рӯз ҷашне меоростанд ва Садаро бо шукӯҳу ҷалол таҷлил мекарданд, он ба тадриҷ аз байн рафт ва дар замони соҳибистиқлолии Тоҷикистон дубора эҳё гардид.

Аз ин рӯ, мардуми тоҷик Иди Садаро чун рамзи оғози бедории табиат, омодагӣ ба мавсими кишту кор ва амалу нақшаҳои фаъолияти минбаъда, марҳилаи ҷадиди орзуҳои нек пешвоз мегиранд.

Боварии комил дорам, ки соли равон Иди Сада файзу баракот ва фаровониро ба рӯзгори сокинони кишвар армуғон оварда, ҳамагонро ба иҷрои амалҳои нек, ташаббусҳои тоза ва ободонию созандагӣ ҳидоят хоҳад намуд.

Иди Сада муборак, ҳамдиёрони азиз!

ШУМО ДАР: Паёму табрикот Паёми табрикии иҷрокунандаи вазифаи Раиси вилоят бахшида ба ҷашни Сада