Хабарҳо
Мулоқоти Пешвои миллат Эмомалӣ Раҳмон бо роҳбарон ва фаъолони ноҳияҳои водии Вахш, аз ҷумла ноҳияи Ҷайҳун - 28.05.2020 19:18
Пешвои миллат Эмомалӣ Раҳмон аз намоишгоҳи маҳсулоти кишоварзӣ дар ноҳияи Ҷайҳун дидан намуданд - 28.05.2020 19:10
Боздиди Сарвари давлат Эмомалӣ Раҳмон аз ҶДММ Иттиҳоди аграрии «Водии зарин» дар ноҳияи Ҷайҳун - 28.05.2020 19:06
Боздиди Президенти мамлакат Эмомалӣ Раҳмон аз ҳолати истифодабарии замин дар хоҷагиҳои деҳқонии ноҳияи Ҷайҳун - 28.05.2020 19:03
Оғози сафари кории Пешвои миллат Эмомалӣ Раҳмон ба ноҳияи Ҷайҳуни вилояти Хатлон - 28.05.2020 11:00
Боздиди Раҷаббой Аҳмадзода аз нашъунамои ниҳоли пахта дар ноҳияи Зафаробод - 28.05.2020 16:28
Шиносои аз фаъолияти маркази саломатии ҷамоати деҳоти Равшан - 28.05.2020 16:09
Боздиди Раиси вилоят аз ғаллазори хоҷагии “Хоҷимурод-2018” дар Ҷамоати шаҳраки ба номи Ҳамид Алиев - 28.05.2020 15:50
Раҷаббой Аҳмадзода аз ҳавлии Рустам Қӯзибоев дар ноҳияи Зафаробод дидан намуд - 28.05.2020 15:21
Зафаробод. Аёдати ҷавонони маюб аз ҷониби Раиси вилоят - 28.05.2020 15:15

Паёми табрикии Раиси вилоят бахшида ба Соли нави 2018

( 0 Овоз )

Ҳамдиёрони азиз!

Пеш аз ҳама, фарорасии Соли нави мелодиро ба кулли ҳамватанон самимона таҳният гуфта, барояшон саломатӣ, саодати рӯзгор, сарбаландӣ ва хонаободию хушрӯзгорӣ таманно мекунам.

Соли 2017 дар таърихи кишвари соҳибистиқлоли мо бо хатҳои зарҳалин сабт хоҳад шуд. Зеро дар ин соли таърихӣ мардуми шарафманди кишвар дар заминаи татбиқи сиёсати созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба дастовардҳои назарраси меҳнатӣ ноил гардида, ҷашни бошукӯҳи 25-солагии Иҷлосияи XVI Шӯрои Олии Ҷумҳурии Тоҷикистонро бо рӯҳияи баланди ифтихор аз ватандорию соҳибистиқлолӣ таҷлил намуданд.

Пешвои миллат дар суханронии худ ба муносибати таҷлили ин санаи фархунда барҳақ таъкид намудаанд, ки “Иҷлосияи шонздаҳуми Шӯрои Олӣ бо назардошти ҳадафҳои олии давлати соҳибистиқлоламон дар давраи басо душвори сиёсиву низомӣ бо мақсади таъмини ҳарчи зудтари сулҳу оромӣ, ваҳдату ҳамдигарфаҳмӣ, аз хатари нобудӣ эмин нигоҳ доштани давлат ва аз парокандагӣ раҳоӣ бахшидани миллат, ҳифзи якпорчагии давлати мустақили тоҷикон, муҳайё намудани шароит барои барқарор намудани иқтисодиёти бар асари ҷанги шаҳрвандӣ харобгашта ва рушди минбаъдаи Тоҷикистон даъват шуда буд”.

Қобили зикр аст, ки соли 2017 дар вилоят таъмини ҳадафҳои созандаи Ҳукумати ҷумҳурӣ, таъмиру таҷдиди роҳҳо, сохтмони муассисаҳои таълимию тандурустӣ, иншооти варзишӣ, эҳёи суннатҳои қадимаи ҳунарҳои мардумӣ густариши тоза пайдо карданд.

Бахусус, сафарҳои Пешвои миллат имконият фароҳам оварданд, ки дар вилоят як қатор иншооти ҳаётан муҳими иҷтимоию фарҳангӣ ва корхонаву коргоҳҳои истеҳсолӣ мавриди истифода қарор дода шуда, ба аҳли ҷомеа руҳу илҳоми тоза эҳдо намоянд.

Дар арафаи Соли нави мелодӣ ба мақоми олии қонунгузори мамлакат пешниҳод шудани Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон фоли нек маҳсуб гардида, эълон шудани Соли рушди сайёҳӣ ва ҳунарҳои мардумӣ ба пешрафту тараққӣ додани сайёҳӣ ва тақвият ёфтани касбу ҳунарҳои мардумӣ дар мамлакат заминаи мусоид фароҳам меоварад.

Бо чунин таманниёти нек бори дигар, фарорасии Соли нави 2018-ро ба ҳамаи ҳамватанони азиз таҳният гуфта, дастоварду музаффарият, дастархони пур аз нозу неъмат ва саломатию хотирҷамъӣ таманно дорам.

Соли нав муборак бошад!


ШУМО ДАР: Паёму табрикот Паёми табрикии Раиси вилоят бахшида ба Соли нави 2018